350 milionë lekë për “Rrugën e Bregdetit”/ Bashkia Kavajë hap garën, projekti synon lehtësimin e trafikut
Bashkia e Kavajës ka shpallur hapjen e garës për rivitalizimin e projektit “Rruga e Bregdetit”, faza e parë, me një fond limit prej rreth 350 milionë lekësh. Projekti synon rikonstruksionin e një prej akseve kryesore hyrëse të qytetit, që lidh zonën veriore të Kavajës me autostradën Durrës–Rrogozhinë dhe më tej me qytetet e Durrësit, Tiranës dhe veriut të vendit.
Sipas dokumenteve të publikuara në Agjencinë e Prokurimit Publik, segmenti rrugor nis nga rrethrrotullimi në kryqëzimin me autostradën Durrës–Rrogozhinë dhe përfundon në kryqëzimin me rrugën “Taulantia” dhe shëtitoren “Josif Budo”. Gjatësia totale e rrugës është 1 kilometër e 377 metra.
Referuar dokumentit, gjendja e rrugës paraqitet me dëmtime në shtresat asfaltike dhe është konstatuar një bazament i dobët dhe shtresa jo uniforme të rrugës ekzistuese.
Në projektin e ri është parashikuar rindërtimi i plotë i aksit rrugor, duke ruajtur gjurmën ekzistuese të rrugës. Projekti synon jo vetëm përmirësimin e qarkullimit të automjeteve, por edhe transformimin urban të kësaj zone, duke krijuar standarde më të larta sigurie dhe aksesueshmërie për qytetarët.
Sipas planit teknik, trafikndarësi aktual do të eliminohet dhe rruga do të funksionojë me një karrexhatë të vetme, e organizuar me tre korsi. Njëra korsi do të përdoret për hyrjen në qytet, ndërsa dy korsitë e tjera për daljen nga Kavaja.
Në anën perëndimore të rrugës do të ndërtohet një korsi biçikletash. Gjithashtuy, projekti përfshin edhe ndërtimin e trotuareve të reja, vendosjen e bordurave dekorative, parmakëve metalikë dhe rikonstruksionin e mureve rrethuese përgjatë segmentit.
Në dokument theksohet se ndërhyrja do të realizohet duke respektuar kuotat ekzistuese të ndërtesave dhe hyrjeve të banesave, për të shmangur problematikat urbane. Gjithashtu, nuk janë parashikuar prishje objektesh.
Një aspekt tjetër i projektit është ndërtimi i ndriçimit rrugor, i cili do të vendoset në të dy anët e aksit. Ndërkohë, do të realizohet edhe sinjalistika horizontale dhe vertikale, në përputhje me standardet dhe Kodin Rrugor në fuqi.
Me këtë investim, Bashkia e Kavajës synon jo vetëm rehabilitimin e një segmenti të rëndësishëm rrugor, por edhe transformimin urban të një prej hyrjeve kryesore të qytetit që do t’u shërbejë qytetarëve.
Ndryshojnë rregullat për anijet e peshkimit - Drafti/ Detyrim instalimi i sistemeve të monitorimit, forcohen masat dhe kontrollet
Sektori i peshkimit në Shqipëri do të fuqizohet më tej, në linjë me kërkesat dhe standardet për tregun e Bashkimit Evropian. Ministria e Bujqësisë dhe......
Reforma në kulturë, publikohet Strategjia Kombëtare/ Modeli i ri financiar, synohet dyfishimi i buxhetit në 0.8% të PBB-së
Është nxjerrë për konsultim publik, projektvendimi për “Strategjinë Kombëtare për Kulturën 2026-2030”, që parashikon injektimin e 10 miliardë lekëve për këtë......
Vetëprodhuesit e energjisë, ndryshon faturimi - Skema e re/ Jo më kompensim në kWh, por në vlerë monetare. Si do caktohet çmimi
Qeveria ka miratuar skemën e re për vetëprodhuesit e energjisë nga burimet e rinovueshme, duke kaluar nga modeli i “matjes neto” tek ai i “faturimit neto”,......
Sot Konferenca e 8-të Ndërqeveritare Shqipëri-BE/ Moment i rëndësishëm në fazën aktuale të negociatave
Shqipëria dhe Bashkimi Evropian do të zhvillojnë sot në Bruksel Konferencën e 8-të Ndërqeveritare për procesin e negociatave të anëtarësimit, një takim që......
Rreziku i madh i Ngushticës së Hormuzit/ Mbi 1,500 anije tregtare, të bllokuara që nga fillimi i luftës
Më shumë se 1,500 anije tregtare kanë mbetur të bllokuara në Gjirin Persik për tre muaj që nga fillimi i luftës në Iran dhe menaxhimi i tyre do të jetë një......
Evropa i drejtohet kursimeve private/ Numri i punonjësve po zvogëlohet, të moshuarit po rriten me shpejtësi
Sipas analizave të fundit të BQE-së, familjet evropiane vazhdojnë të mbajnë një pjesë të madhe të pasurisë së tyre në depozita bankare me rendiment të ulët,......
Nis zyrtarisht ngritja e Bankës Shqiptare të Zhvillimit, OBP hap procedurën për konsulencë ndërkombëtare
Nis zyrtarisht procedura për ngritjen e Bankës Shqiptare të Zhvillimit, institucioni i parë financiar zhvillimor me kapital 100% shtetëror në vend. Operatori......
Ku në Evropë kursejnë më shumë familjet? Suedia dhe Hungaria, në krye. Greqia, në territor negativ
Kursimi neto i familjes përfaqëson pjesën e të ardhurave që nuk shpenzohet për konsum përfundimtar. Sipas OECD-së, normat neto të kursimit të familjeve......
