Dëmet në banka, biznese dhe institucione, Policia: 16 të arrestuar dhe 49 të proceduar penalisht
Protesta e 13 tetorit në Tiranë, e shoqëruar me përplasje mes demonstruesve dhe forcave të rendit, ka lënë pas dëme materiale në institucione shtetërore, subjekte financiare dhe infrastrukturën publike. Policia e Tiranës njoftoi arrestimin e 16 personave dhe procedimin penal të 49 të tjerëve, ndërsa gjashtë efektivë mbetën të lënduar.
Sipas autoriteteve, gjatë tubimit përpara Ministrisë së Arsimit, grupe protestuesish të maskuar hodhën gurë, kapsolla dhe kokteje molotov, duke shkaktuar dëmtime në disa godina dhe aktivitete ekonomike.
Mes objekteve të goditura ishin edhe institucione të sektorit financiar. Policia raporton për dëmtimin e bankomateve, thyerjen dhe djegien e sendeve brenda një institucioni mikrofinanciar, si dhe dëmtimin e fasadës së xhamit të një banke të nivelit të dytë.
Dëme materiale u shkaktuan gjithashtu në godinën e Ministrisë së Arsimit, në rrethimet metalike, tabelat e reklamave dhe sinjalistikën rrugore. Në rrugën “Ded Gjon Luli”, sipas Policisë, u thye një derë e Bashkisë së Tiranës dhe iu vu zjarri katit të parë të godinës.
Ende nuk ka një vlerësim zyrtar financiar të dëmeve të shkaktuara në pronën publike dhe private, ndërsa incidentet kanë prekur si institucionet shtetërore, ashtu edhe subjektet që ushtrojnë aktivitet ekonomik në kryeqytet.
Në vijim të hetimeve, Prokuroria e Tiranës po dokumenton veprimet e kundërligjshme, ndërsa të arrestuarit dyshohen për disa vepra penale, mes të cilave shkatërrimi i pronës, goditja për shkak të detyrës dhe prishja e rendit publik.
Policia njofton se hetimet do të vijojnë për identifikimin e personave të tjerë të përfshirë në incidentet e 13 tetorit.
Policia e Shtetit apel protestuesve: Ndaloni dhunën!
Policia e Shtetit u ka bërë thirrje pjesëmarrësve në protestë të ruajnë qetësinë, të shmangin aktet e dhunës dhe të distancohen nga personat e maskuar, të......
Studentët, dita e dytë e protestës në Tiranë
Për të dytën ditë radhazi, studentët janë rikthyer në protesta në Tiranë, duke bojkotuar mësimin dhe duke marshuar drejt Ministrisë së Arsimit. Lëvizjes i......
Të trashëgosh një biznes - Bajraktari: Kalimi nga prindërit tek fëmijët kërkon planifikim të gjatë
Trashëgimia e një biznesi familjar nuk është thjesht kalim pronësie, por një proces që kërkon përgatitje të hershme dhe një strategji të qartë për të ardhmen.......
Shqipëria afrohet me BE - OECD për konvergjencën: Kryeson rajonin për politikat e gjelbra dhe përparon në digjitalizim
Shqipëria renditet e katërta mes ekonomive të Ballkanit Perëndimor për nivelin e përgjithshëm të konvergjencës me Bashkimin Evropian. Ekonomia shqiptare......
Projekti “TOKA” për bujqësinë - Presidenti Begaj takon Michael Granoff, kontribut në zhvillimin e sektorit
Modernizimi i bujqësisë shqiptare, rritja e produktivitetit dhe forcimi i konkurrueshmërisë së prodhimeve vendase ishin në fokus të takimit të Presidentit të......
Bëni blerje online? - Rregulla të reja për konsumatorët dhe shitësit
Konsumatorët shqiptarë do të kenë më shumë të drejta në treg kur blejnë produkte të ndryshme, qoftë fizikisht por edhe online. Projektligji “Për mbrojtjen e......
Bordi: Çmimi i naftës jo më shumë se 213 lekë/litër, benzina 190 lekë/litër
Bordi i Transparencës ka përcaktuar çmimet e reja të shitjes me pakicë dhe shumicë të karburanteve, të cilat hyjnë në fuqi sot, më 14 tetor, në orën......
Pikat kufitare më të ngarkuara/ Morina rezulton pika tokësore më e frekuentuar
Pikat kufitare shqiptare po regjistrojnë gjithnjë e më shumë lëvizje, me numrin e pasagjerëve që hyjnë në vend në rritje të vazhdueshme nga viti në vit. Sipas......
