Bursat e kriptove, 150 mijë euro - Operatorët në 3 kategori, kërkesat nga 50 mijë euro
Tregu i kriptoaseteve në Shqipëri pritet të funksionojë me rregulla të reja kapitali dhe sigurie. Projektligji “Për tregjet e kriptoaseteve” ndan ofruesit e shërbimeve në tre kategori, sipas nivelit të aktivitetit dhe rrezikut që mbartin.
Në kategorinë e parë, kapitali minimal përcaktohet në kundërvlerën e 50 mijë eurove. Këtu përfshihen shërbime si ekzekutimi dhe transmetimi i urdhrave të klientëve, transfertat e kriptoaseteve, këshillimi dhe administrimi i portofoleve.
Në kategorinë e dytë, kërkesa rritet në 125 mijë euro. Në këtë grup hyjnë kompanitë që, përveç shërbimeve të kategorisë së parë, ruajnë dhe administrojnë kriptoasetet e klientëve ose kryejnë këmbimin e kriptove me para dhe kripto me kripto.
Pragu më i lartë, prej 150 mijë eurosh, parashikohet për operatorët që drejtojnë një platformë tregtimi të kriptoaseteve. Pra, në gjuhë të thjeshtë, për bursat e kriptove.
Por 150 mijë euro nuk është domosdoshmërisht tavani. Ligji kërkon që kapitali i operatorit të jetë në çdo moment jo më i ulët se vlera më e madhe mes minimumit të kategorisë dhe një të katërtës së shpenzimeve fikse të vitit të kaluar. Kjo do të thotë se për operatorët më të mëdhenj, kërkesa reale mund të jetë edhe më e lartë.
Projektligji lejon që kjo kërkesë prudenciale të përmbushet përmes fondeve të veta, një police sigurimi që mbulon aktivitetin në Shqipëri, ose një kombinimi të tyre.
Për të marrë autorizimin nga AMF-ja, operatorët duhet të paraqesin edhe strukturën e pronësisë, eksperiencën e drejtuesve, sistemet e sigurisë teknologjike, procedurat kundër pastrimit të parave dhe mënyrën se si do t’i mbajnë të ndara fondet dhe kriptoasetet e klientëve nga pasuria e kompanisë.
Pra, me ligjin e ri, hyrja në tregun e kriptove nuk do të kërkojë vetëm teknologji dhe klientë, por edhe kapital, garanci financiare dhe standarde të forta sigurie.
Banka e sigurime nën një “lupë” - Ligj i ri për grupet financiare, BSH e AMF bashkojnë mbikëqyrjen
Banka e Shqipërisë dhe Autoriteti i Mbikëqyrjes Financiare pritet të bashkojnë mbikëqyrjen për grupet financiare që kanë aktivitet në disa sektorë......
Subvencion faturat e energjisë - Qeveria e Kosovës miraton 15 milionë euro për konsumatorët e cenueshëm
Qeveria e Kosovës ka miratuar Programin për Mbrojtjen e Konsumatorëve të Cenueshëm të Energjisë Elektrike për vitet 2026–2027, përmes të cilit planifikohet të......
Korridor i ri gazi në Ballkan - Greqia, RMV dhe Serbia zgjerojnë “Vertical Gas Corridor”
Harta e furnizimit me gaz në Ballkan po zgjerohet me një aks të ri jug-veri. Serbia dhe Maqedonia e Veriut janë përfshirë zyrtarisht, përmes operatorëve të......
Greqia jep 10 mijë euro - Aplikimet hapen më 14 tetor për ata që rikthehen
Greqia po përdor stimuj të drejtpërdrejtë financiarë për të rikthyer banorët në zonat që po humbin popullsi. Ministria greke e Kohezionit Social dhe Familjes......
BE legalizon “return hubs” - Modeli Itali–Shqipëri hyn në një epokë të re
Bashkimi Europian i hap rrugën një modeli të ri për menaxhimin e emigracionit të parregullt. Këshilli i BE-së ka dhënë miratimin përfundimtar për rregullat e......
Porti Durrës, kamionët online - Orari i hyrjes dhe përpunimit do të menaxhohet elektronikisht
Radhët e kamionëve që hyjnë në Portin e Durrësit pritet të kalojnë në një sistem të ri digjital menaxhimi. Autoriteti Portual ka parashikuar një modul të......
“Alarme” për 10 diga - Projektohen skenarët e katastrofës
Çfarë ndodh nëse një digë pëson dëmtim serioz, tejmbushet apo, në skenarin më ekstrem, dështon? Për 10 diga të rezervuarëve ujitës në Shqipëri, shteti kërkon......
9 mln euro për Levan–Seman - Rrjet i ri dhe furnizim drejt zonave bregdetare në Fier
Rreth 9 milionë euro do të investohen për ndërtimin e ujësjellësit Levan–Seman në Fier. Projekti i Ujësjellës Kanalizime Fier synon të rrisë kapacitetin e......
