Korridor i ri gazi në Ballkan - Greqia, RMV dhe Serbia zgjerojnë “Vertical Gas Corridor”
Harta e furnizimit me gaz në Ballkan po zgjerohet me një aks të ri jug-veri. Serbia dhe Maqedonia e Veriut janë përfshirë zyrtarisht, përmes operatorëve të tyre të transmetimit, në të ashtuquajturin Vertical Gas Corridor, një sistem që kombinon rrjetet ekzistuese me interkonjektorë të rinj për të mundësuar transportin e gazit nga Greqia drejt Europës Juglindore dhe Qendrore. Konfirmimi erdhi pas takimit të 6 tetorit në Beograd mes ministrave të energjisë të Serbisë, Greqisë, Bullgarisë dhe Maqedonisë së Veriut. Katër vendet riafirmuan angazhimin për zhvillimin e korridorit dhe hapjen e rrugëve të reja të furnizimit me gaz.
Hallka e parë e rëndësishme është interkonjektori Greqi–Maqedoni e Veriut, i cili është aktualisht në ndërtim. Gazsjellësi do të ketë një gjatësi totale prej rreth 123 kilometrash, nga të cilat rreth 66 deri në 68 kilometra në territorin e Maqedonisë së Veriut. Kapaciteti fillestar parashikohet në 1.5 miliardë metra kub gaz në vit, me mundësi zgjerimi deri në 3 miliardë metra kub.
Sipas njoftimit zyrtar të Beogradit, segmenti grek pritet të përfundojë deri në fund të vitit 2026, ndërsa ai në Maqedoninë e Veriut gjatë vitit 2027.
Por rrjeti nuk do të ndalet në Shkup. Po përgatitet edhe interkonjektori Maqedoni e Veriut–Serbi, i cili do të lidhet me gazsjellësin që vjen nga Greqia.
NOMAGAS ka nënshkruar tashmë kontratën prej 29.4 milionë eurosh për projektimin dhe ndërtimin e segmentit maqedonas. Ai do të jetë 22.4 kilometra i gjatë, nga Kleçovca deri në kufirin me Serbinë, dhe do të ketë kapacitet teknik deri në 160 mijë metra kub gaz në orë.
Interkonjektori është projektuar për të lejuar rrjedhjen e gazit në të dy drejtimet, ndërsa përfundimi i plotë i projektit në anën maqedonase planifikohet deri në tremujorin e katërt të vitit 2028.
Në Serbi, tubat e parë për interkonjektorin janë dorëzuar dhe, sipas qeverisë serbe, vendosja e tyre pritet të nisë së shpejti. Kur dy lidhjet të funksionojnë së bashku, krijohet praktikisht një rrugë e re: Greqi – Maqedoni e Veriut – Serbi.
Një nga burimet e furnizimit do të jetë LNG-ja që hyn në Greqi përmes terminalit të Aleksandroupolis. Qeveria serbe deklaron se lidhja e re do të hapë një rrugë shtesë për gazin e lëngshëm nga ky terminal, krahas korridoreve ekzistuese të furnizimit përmes Bullgarisë.
Greqia, ndërkohë, synon të rrisë kapacitetin e eksportit të gazit drejt veriut në rreth 9.5 miliardë metra kub deri në vitin 2027, duke përdorur interkonjektorët dhe infrastrukturën e saj LNG.
Projekti ka edhe një dimension afatgjatë. Ministrat kanë kërkuar që infrastruktura e re të projektohet duke marrë parasysh mundësinë që në të ardhmen të përdoret edhe për transportin e hidrogjenit.
Korridori Vertikal nuk është një gazsjellës i vetëm, por një rrjet lidhjesh kombëtare dhe ndërkufitare. Zgjerimi drejt Serbisë dhe Maqedonisë së Veriut synon t'i japë rajonit më shumë hyrje alternative për gazin dhe të reduktojë varësinë nga një rrugë e vetme furnizimi.
Greqia jep 10 mijë euro - Aplikimet hapen më 14 tetor për ata që rikthehen
Greqia po përdor stimuj të drejtpërdrejtë financiarë për të rikthyer banorët në zonat që po humbin popullsi. Ministria greke e Kohezionit Social dhe Familjes......
BE legalizon “return hubs” - Modeli Itali–Shqipëri hyn në një epokë të re
Bashkimi Europian i hap rrugën një modeli të ri për menaxhimin e emigracionit të parregullt. Këshilli i BE-së ka dhënë miratimin përfundimtar për rregullat e......
Porti Durrës, kamionët online - Orari i hyrjes dhe përpunimit do të menaxhohet elektronikisht
Radhët e kamionëve që hyjnë në Portin e Durrësit pritet të kalojnë në një sistem të ri digjital menaxhimi. Autoriteti Portual ka parashikuar një modul të......
“Alarme” për 10 diga - Projektohen skenarët e katastrofës
Çfarë ndodh nëse një digë pëson dëmtim serioz, tejmbushet apo, në skenarin më ekstrem, dështon? Për 10 diga të rezervuarëve ujitës në Shqipëri, shteti kërkon......
9 mln euro për Levan–Seman - Rrjet i ri dhe furnizim drejt zonave bregdetare në Fier
Rreth 9 milionë euro do të investohen për ndërtimin e ujësjellësit Levan–Seman në Fier. Projekti i Ujësjellës Kanalizime Fier synon të rrisë kapacitetin e......
Rehabilitohen 2 akse në Korçë - Ndërhyrje në Libonik–Rëmbec–Plasë e Korçë–Ersekë
Në aksin Libonik–Rëmbec–Plasë parashikohet ndërhyrje në rreth 11.3 kilometra, nga zona pranë Drithasit, në drejtim të Rëmbecit dhe deri në Plasë. Rruga kalon......
Paketa e Maleve, qeveria zgjeron numrin e zonave me zhvillim parësor në Bashkinë e Matit
Listës së zonave me përparësi zhvillimi si pjesë e Paketës së Maleve në Bashkinë e Matit i janë shtuar edhe 20 njësi të reja kadastrale. Në to përfshihen......
VKM, krijohet “Operatori i Shoqërive Shtetërore”, likujdon shoqëritë tregtare me kapital shtetëror
Ndër vendimet e miratuara në mbledhjen e sotme të Këshillit të Ministrave është edhe krijimi shoqërisë tregtare shtetërore “Operatori i Shoqërive Shtetërore”......
