Bashkëpunim ekonomik dhe investime, Presidenti Begaj vizitë në Emiratet e Bashkuara Arabe
Bashkëpunim ekonomik dhe më shumë investime. Këto ishin shtyllat kryesore të diskutimeve që Presidenti Begaj pati me krerët më të lartë të shtetit në Abu Dhabi. Begaj, zhvilloi për herë të parë një vizitë zyrtare në Emiratet e Bashkuara Arabe.
Presidenti i Republikës u prit nga Presidenti i Emirateve të Bashkuara Arabe, Lartësia e Tij Sheikh Mohamed bin Zayed Al Nahyan.
Gjatë takimit, Presidenti Begaj falënderoi Emiratet e Bashkuara Arabe për solidaritetin dhe miqësinë e treguar ndaj Shqipërisë dhe shqiptarëve në momente të vështira, veçanërisht gjatë luftës në Kosovë, pas tërmetit të vitit 2019 dhe pas sulmit kibernetik të vitit 2022.
Në takim u shpreh vullneti i përbashkët për të avancuar më tej axhendën e bashkëpunimit të fortë dhe të qëndrueshëm ndërmjet dy vendeve, si dhe për të shfrytëzuar potencialet reale për zgjerimin e tij në fusha me interes të ndërsjellë.
Presidenti Begaj theksoi se lidhjet politike, ekonomike dhe njerëzore ndërmjet Shqipërisë dhe Emirateve të Bashkuara Arabe do të forcohen më tej, veçanërisht me hapjen e Ambasadës së Emirateve të Bashkuara Arabe në Tiranë.
Bashkëpunimi ekonomik dhe investimet përbënin një nga shtyllat kryesore të diskutimeve. Duke vlerësuar forcimin e këtij partneriteti, Presidenti Begaj u shpreh për zgjerimin e investimeve dypalëshe dhe për një angazhim edhe më të madh të investitorëve emiratas në Shqipëri, veçanërisht në infrastrukturë, energji, inovacion, turizëm dhe sektorë të tjerë strategjikë.
Presidentët e dy vendeve diskutuan gjithashtu për bashkëpunimin shumëpalësh dhe sfidat ndërkombëtare, ku Shqipëria dhe Emiratet e Bashkuara Arabe ndajnë prioritete të përbashkëta për paqen, sigurinë dhe zhvillimin.
Gjatë vizitës në Emiratet e Bashkuara Arabe, Presidenti Begaj zhvilloi gjithashtu takime me Lartësinë e Tij Sheikh Khaled bin Mohamed bin Zayed Al Nahyan, Princ i Kurorës së Abu Dhabit, si dhe me Lartësinë e Tij Sheikh Mansour bin Zayed Al Nahyan, Zëvendëspresident i Emirateve të Bashkuara Arabe dhe Kryetar i Gjykatës Presidenciale.
BE-ja përgjysmon fluksin e pakove të lira në përpjekje për të frenuar tregtinë online me Kinën
BE-ja ka përgjysmuar numrin e pakove me vlerë të ulët që hyjnë në rajon, pas futjes së një tarife fikse prej 3 eurosh. Masa është pjesë e një përpjekjeje më......
Evropa pati trafik ajror rekord gjatë kësaj vere, pavarësisht luftës në Lindjen e Mesme
Qiejt e Evropës ishin më të ngarkuarit ndonjëherë gjatë periudhës së pushimeve verore nga korriku deri në gusht 2026, pavarësisht ndërprerjeve të shkaktuara......
AAPSK raporton në Kuvend: Mbi 3,100 pasuri në administrim, rriten të ardhurat dhe ripërdorimi social
Kryeadministratorja e Agjencisë së Administrimit të Pasurive të Sekuestruara dhe të Konfiskuara (AAPSK), Risena Xhaja, raportoi sot në Komisionin për Nismat......
Çmimet “nën lupë” - Musabelliu: Do të identifikojmë hallkën ku shtrenjtohen produktet
Çmimi i të njëjtit produkt mund të ndryshojë nga një market në tjetrin, por konsumatori shqiptar sot nuk ka një pasqyrë të unifikuar për t’i krahasuar. Kjo......
10 mijë lekë për hektar - Mbi 20 mijë fermerë përfitues në fazën e parë
Fermerët do të përfitojnë 10 mijë lekë për hektar për sipërfaqet e mbjella me kultura bujqësore nga Skema Kombtëtare e Mbështetjes në Bujqësi 2026 . Në fazën......
Fillon shkolla! - 25 mijë nxënës ulen në banka për herë të parë
Nxënësit në të gjithë vendin kanë filluar këtë të hënë vitin e ri shkollor, ndërsa 25 mijë prej tyre ulen për herë të parë në bankat e shkollës”. Dita e parë,......
Fluturimet gjatë verës/ Shqipëria mes vendeve me rritje të lartë të trafikut ajror
Shqipëria ka qenë ndër vendet europiane me rritjen më të lartë të trafikut ajror gjatë muajve të verës 2026. Sipas raportit të fundit të EUROCONTROL, gjatë......
Më pak investime jashtë - BSH: Rreth 80 milionë euro u kanalizuan drejt bizneseve dhe kompanive të huaja
Kapitali që del nga Shqipëria për t’u investuar jashtë vendit ka arritur në dhjetëra milionë euro gjatë tremujorit të dytë të këtij viti. Sipas të dhënave të......
