Ari zbret drejt 2,000 dollarëve - Brenda një jave bie me rreth 130 USD, fokusi te bankat qendrore
Ari po qëndron në rënie në sesionin e sotëm dhe i është afruar më shumë nivelit të 2,000 dollarëve, me investitorët që po presin takimin e Rezervës Federale, të martën dhe të mërkurën, për të mësuar më tepër në lidhje me normat e interesit. Tregjet po presin edhe të dhënat e rishikuara mbi inflacionin në SHBA, që do të publikohen përpara takimit të Rezervës Federale. Ari po tregtohet në rreth 2,005 dollarë për onz, ndërsa argjendi po tregtohet në rreth 23.2 dollarë për onz.
Të premten e kaluar, të dhënat mbi punësimin në SHBA komplikuan pritshëritë në lidhje me normat e interesit. Ekonomia amerikane krijoi edhe 199 mijë vende të reja pune, gjatë nëntorit, ndërsa analistët parashikonin 180 mijë vende të reja pune.
Raporti i shtyu tregtarët të zvogëlojnë pritshmëritë se Rezerva Federale mund të ulë normat e interesit që në mars. Për të pasur një panoramë më të qartë mbi gjendjen e ekonomisë amerikane, tregjet do të presin raportin e çmimeve të konsumit për nëntorin, që publikohet të martën.
Rezerva Federale pritet gjerësisht ta lërë normën bazë të interesit, të pandryshuar në 5.25%-5.5%. Banka Qendrore Evropiane, Banka e Anglisë, Banka Qendrore e Norvegjisë dhe dhe Banka Kombëtare e Zvicrës do të zhvillojnë gjithashtu takimet e tyre mbi politikat monetare të enjten.
Goldman Sachs parashikon që Rezerva Federale do të ndërmarrë uljen e parë të interesave në tremujorin e tretë të vitit të ardhshëm, më herët se parashikimi i mëparshëm për tremujorin e katërt, duke cituar lajmet më të mira mbi inflacionin. Ndër metalet e tjera, platini po tregtohet në rreth 915 dollarë për onz, ndërsa paladiumi po tregtohet në rreth 940 dollarë për onz.
SCAN
Sondazh
Nafta, e qëndrueshme në mbi 75 USD - SHBA rrit kërkesën, pasi po mbush rezervat strategjike
Nafta po tregtohet e qëndrueshme në sesionin e sotëm, ndërsa një mbështetje e ka gjetur nga përpjekjet e Shteteve të Bashkuara për të mbushur rezervat......
Sesion i qetë për tregun e monedhave - FED dhe BQE mund të fillojnë uljen e interesave në mars 2024
Tregu i monedhave e ka nisur në qëndrueshmëri këtë javë, pasi investitorët po presin të dhënat mbi inflacionin në SHBA dhe takimet e bankave qendrore më të......
Bursat, në pritje të bankave qendrore - BQE, FED dhe Banka e Anglisë mblidhen këtë javë
Bursat europiane po karakterizohen nga qetësia në sesionin e parë të kësaj jave, pasi investitorët po presin takimet e bankave qendrore më të mëdha të botës.......
Rekord transaksionesh, 3.2 mld euro u transferuan përmes AIPS - Më shumë se 200 mijë pagesa bankare për periudhën janar-tetor 2023
Transaksionet bankare në euro përmes sistemit AIPS kanë shënuar një rekord të ri gjatë vitit 2023. Sipas të dhënave zyrtare të Bankës së Shqipërisë, nga janari......
Shqipëria mbetet pas me teknologjinë - Vetëm 20.1% e ndërmarrjeve përdorën shërbimet Cloud, në BE rreth 41%
Shqipëria është ndër vendet me normën më të ulët në Europë sa i përket ndërmarrjeve të cilat kanë blerë shërbime kompjuterike në vitin 2021, sipas të dhënave......
Ligji i pronave në Gjykatën Kushtetuese - Komuniteti Mysliman paralajmëron: Në Strasburg nëse nuk merren në konsideratë kërkesat
Më pak se 30 përqind e pronave të Komunitetit Mysliman janë kthyer apo kompensuar ndër vite, ndërsa nga ndryshimet e bëra në ligjin “Për trajtimin e pronave......
Sa biznese kanë aplikuar për ekskluzivitetin e emrit? - Analiza e shifrave/ Rritje e ndërgjegjësimit gjatë dekadës së fundit
Mbi 10 mijë biznese kanë bërë aplikime kombëtare për mbrojtjen e markës së subjektit që kanë në pronësi pranë Drejtorisë së Përgjithshme të Pronësisë......
Denaj nga Konispoli: Përmirësimi i infrastrukturës ujitëse dhe energjetike do rrisë prodhimin bujqësor!
Ministrja e Bujqësisë dhe e Zhvillimit Rural, Anila Denaj, gjatë një vizite në Konispol, u shpreh se përmirësimi i infrastrukturës së ujitjes dhe të......
