Zhvlerësimi i euros “përmbys” depozitat - Në rënie për të 6-tin muaj me radhë. Tkurren me 1.2% në Korrik
Depozitat në paranë e gjerë kanë rënë për të gjashtin muaj me radhë gjatë Korrikut, sinjalizojnë të dhënat më të fundit nga Banka e Shqipërisë. Kështu, shifrat e Korrikut flasin për 1.23 trilionë lekë depozita, nga rreh 1.24 trilionë lekë të muajit Qershor. Tkurrja e depozitave në paranë e gjerë ka nisur që në muajin Shkurt dhe nuk është ndalur mëqë prej atëherë, duke arritur në Korrik nivele thuajse të njëjta me ato të Majit të vitit 2022. Pra, në harkun e pak më shumë se një viti, depozitat bankare kanë mbetur thuajse të pandryshuara.
Në Korrik depozitat në paranë e gjerë janë tkurrur me plot 1.2%, njësoj sa ishte tkurrja në Shkurt të këtij viti. Në të dyja rastet bëhet fjalë për rënien më të madhe mujore të depozitave bankare që prej Prillit të vitit 2020, në kulmin e stuhisë dhe panikut që shkaktoi pandemia.
Sa i përket depozitave në lekë, rënia është më e kontrolluar në Korrik, prej vetëm 0.3% në terma mujorë, dhe depozitat kanë zbritur pranë 546 miliardë lekëve. Nga krahu tjetër, ato në valutë regjistrojnë një rënie më të madhe, prej 1.8%, por që është kryesisht efekt i kursit të këmbimit, pasi për arsye statistikore depozitat në valutë konvertohen në lekë.
Edhe nëse shohim agregatët monetarë, shifrat sinjalizojnë të njëjtën gjë, se, tkurrja e depozitave është thuajse ekskluzivisht rrjedhojë e zhvlerësimit drastik të euros. Kujtojmë se gjatë Korrikut, monedha e përbashkët europiane arriti thuajse “barazinë” me lekun, duke arritur shumë pranë nivelit të konvertimit 1 me 100. Ndërkohë që agregati monetar M3 që i referohet pikërisht parasë së gjerë dhe që përfshin edhe llogaritë bankare në valutë ka rënë ndjeshëm, agregatët e tjerë monetarë, përfshirë atë të parasë jashtë sistemit janë regjistruar në rritje të lehtë gjatë Korrikut.
Nga ana tjetër, nëse shohim treguesin e depozutave sipas monedhave, jo sipas indikatorit të parasë së gjerë, që përfshin ndryshe nga ky i fundit edhe paratë e jo-rezidentëve (të huajve), shohim se depozitat në euro janë rritur me 1.9% në Korrik, ose me rreth 130 milionë euro në një muaj. Kjo tendencë konfirmon kështu fluksin e lartë të injektimit të monedhës së përbashkët europiane në ekonominë shqiptare, çka ka ndikuar edhe në zhvlerësimin e euros.
Pra, duket se zhvlerësimi i euros ka zhvlerësuar ndjeshëm edhe depozitat e shqiptarëve dhe ky zhvlerësim vijon për të gjashtin muaj me radhë. Të dhënat e Gushtit ndërkohë, të cilat do të reflektojnë edhe forcimin e euros pritet të hedhin edhe më shumë dritë mbi këtë.
Roel Korkuti / SCAN
Sondazh
Zgjerime kolosale të aeroporteve në Dubai - Kostoja për vendin dhe pasojat për klimën
“Aeroporti i dytë” i Dubait mund të presë deri në 250 milionë pasagjerë në vit deri në vitin 2050. Ndërsa trafiku ajror në vend po lulëzon, dy aeroportet e......
Pasojat e rënda të ndryshimeve klimatike - FMN: Do të rrisin numrin e viktimave nga konfliktet
Ndryshimet klimatike ka të ngjarë të përkeqësojnë konfliktet në vendet e konsideruara të brishta dhe që janë të shkatërruara nga lufta, duke rezultuar në norma......
“Vrull” lejesh ndërtimi për banesa - Tirana rekord për sipërfaqe dhe vlerë, Durrësi kryeson për numër
Lejet e dhëna për ndërtim në të gjithë vendin, në tremujorin e dytë të vitit, janë rritur me 50.1 për qind, krahasuar me periudhën Janar-Mars 2023. Sipas të......
Bankat amerikane rrisin kufirin e borxhit - 70 miliardë dollarë për të zbutur pasojat e falimentimeve
Bankat e mëdha rajonale do të duhet të lëshojnë rreth 70 miliardë dollarë borxh të ri sipas një rregulli të ri të propozuar nga rregullatorët bankar të......
Kadastra, me superbuxhet 60 milionë euro - Rreth 10 milionë euro për Qendrën Dixhitale, infrastrukturë, programe e sisteme IT
Agjencia shtetërore e Kadastrës mbetet edhe këtë vit një prej më të buxhetuarave nga Qeveria. Ajo do të ketë në dispozicion deri në fund të vitit rreth 60......
Tenderi i inceneratorit të Elbasanit, KPP kërkon hetim / ECO-ELB lidhi kontratë, edhe pse procedura ishte ankimuar te Komisioni i Prokurimit Publik
Shoqëria ECO-ELB, që administron inceneratorin e Elbasanit pas sekuestrimit akuzohet nga Komisioni i Prokurimit Publik për shkelje të legjislacionit në fuqi në......
Zhvillim i qendrueshëm i peshkimit, ministrja Krifca në Lin: Program investimi 8.2 milione euro për 7 mole të reja
Qeveria kërkon t’i japë një dimension të ri zhvillimi, zonës piktoreske në Lin të Pogradecit përmes zhvillimit të qendrueshëm të peshkimit, që sjell më shumë......
Bankat kroate me fitime që nga anëtarësimi në eurozonë – Të ardhurat 60% më të larta se një vit më parë
Sipas të dhënave të bankës qendrore të publikuara të martën, bankat kroate shënuan një fitim gjysmë-vjeçar më shumë se 60% më të lartë se në të njëjtën......
