“Zgjerohet” Fondi i Ndërhyrjes së Jashtëzakonshme - Në prill u shtua me 896.2 milionë lekë nga arkëtimi i kontributit vjetor të bankave
Në prill 2023, Fondi i Ndërhyrjes së Jashtëzakonshme u shtua me 896.2 milionë lekë nga arkëtimi i kontributit vjetor të bankave. Në total, pas derdhjes së kontributit vjetor të bankave për gjashtë vite që nga themelimi i tij, Fondi i Ndërhyrjes së Jashtëzakonshme arrin në nivelin 4.457 miliardë lekë.
Fondi i Ndërhyrjes së Jashtëzakonshme u krijua në vitin 2018, për qëllime të zbatimit të instrumenteve të ndërhyrjes së jashtëzakonshme nga Banka e Shqipërisë. Fondi duhet të arrijë nivelin e synuar prej 0.5% të totalit të detyrimeve të sistemit bankar, të llogaritur si diferencë midis aktiveve totale dhe kapitalit rregullator të të gjitha bankave të licencuara në Republikën e Shqipërisë, brenda 10 viteve nga hyrja në fuqi e ligjit. Bankat paguajnë kontribute të rregullta vjetore, me qëllim plotësimin e nivelit të synuar të fondit.
Sipas afatit të përcaktuar në ligj, Fondi i Ndërhyrjes së Jashtëzakonshme duhet të arrijë vlerën 8 miliardë lekë brenda vitit 2027. Për plotësimin e këtij niveli të synuar, gjatë vitit 2023, kontributi vjetor i sektorit bankar u përllogarit në vlerën 896.2 milionë lekë.
Pas mbledhjes së kontributit për vitin e gjashtë, në fund të muajit prill 2023, mjetet financiare të fondit arritën nivelin e 4.457 miliardë lekëve, si rezultat i kontributeve vjetore të bankave të mbledhura në gjashtë vite (2018-2023). Fondi i Ndërhyrjes së Jashtëzakonshme administrohet nga Agjencia e Sigurimit të Depozitave, në përputhje me politikën e administrimit të mjeteve financiare të fondit, të miratuar nga Banka e Shqipërisë.
Ky fond mund të përdoret nga Banka e Shqipërisë për disa qëllime, të tilla si: garantimi i aktiveve ose pasiveve të bankës në ndërhyrje të jashtëzakonshme, bankës urë apo shoqërisë për administrimin e aktiveve; plotësimi i nevojës për likuiditet të bankës në procedurën e ndërhyrjes së jashtëzakonshme, bankës urë apo shoqërisë për administrimin e aktiveve; blerja e aktiveve të bankës në procedurën e ndërhyrjes së jashtëzakonshme, për të kontribuuar në kapital dhe për të siguruar fondet e tjera të nevojshme për bankën urë apo shoqërinë për administrimin e aktiveve; kompensimi i humbjeve të pambuluara që lindin për shkak të përjashtimit të detyrimeve të pranuara të kreditorëve të bankës në ndërhyrje të jashtëzakonshme; mbulimi i shpenzimeve për administrimin e Fondit të Ndërhyrjes së Jashtëzakonshme etj.
Marinela Lina/SCAN
Sondazh
“Vjosa n’Fest”, përtej çdo pritshmërie - Festivali maratonë, Ndoj: 12.000 vizitorë në 3 ditë, kontribut në zhvillimin e turizmit
Rreth 12 mijë vizitorë iu bashkuan festivalit 3-ditor “Vjosa n’Fest”, duke tejkaluar çdo pritshmëri të “Tirana Ekspres”, që për të dytin vit radhazi organizoi......
Rënie e porosive industriale në Gjermani - Më i dëmtuari sektori i mjeteve ajrore dhe hapësinore
Porositë industriale në Gjermani shënuan minus 10.7% në mars, siç raportohet nga të dhënat e publikuara nga Enti Federal i Statistikave. Kjo është shifra......
Kërkesa për gaz në BE - Gjatë vitit 2022 u shënua ulje prej 13.2%
Në vitin 2022, kërkesa për gaz natyror në BE u ul me 13.2 % krahasuar me vitin 2021, sipas të dhënave të publikuara nga Eurostat. Shifrat janë në nivelin e......
Arabia Saudite, paga të “arta” për drejtuesit e bankave - Synimi i Riadit është zhvillimi i madh i sektorit financiar
Ndërsa grupet e mëdha bankare dhe gjigantët e teknologjisë në Perëndim po vendosin për pushime masive nga puna dhe reduktime pagash, vendet e punës në banka......
Italia dëshiron të ndërtojë urën e varur më të gjatë në botë – Cilat janë pengesat?
Ekziston një thënie popullore në italisht që “do ta bëj kur ura për në Messina të përfundojë" pasi ëndrra e një ure që lidh kontinentin me Siçilinë përmes......
Zbresin më tej komisionet e ndërmjetësimit në sigurime - Rritet ndjeshëm totali i dëmeve të paguara nga kompanitë, ulen edhe dëmet pezull
Vijojnë të zbresin komisionet e ndërmjetësimit në sigurimin e detyrueshëm motorik, duke arritur në një mesatare tregu prej 16%. Nga janari i vitit 2023, bazuar......
Kërkesat për kursim energjie në ndërtesa - Qeveria përjashton disa kategori objektesh. Nga njësitë nëntokësore, te magazinat
Qeveria shqiptare ka vendosur të përjashtojë një sërë tipologjish ndërtimesh nga detyrimet që i ngarkon legjislacioni për garantimin e performancës së......
21 bashki “ngecin” në mbledhjen e të ardhurave - Si ka qenë ecuria gjatë vitit 2022 për pushtetin vendor?
40 nga 61 bashki, kanë arritur që të kenë një performancë pozitive të të ardhurave gjatë vitit që lamë pas, ndërkohë që 21 bashkitë e mbetura kanë pasur një......
