Turqi-Shqipëri/ Hasani: Marrëdhënie të shkëlqyera në çdo fushë, potencial për më shumë shkëmbime tregtare!
Ministri për Europën dhe Punët e Jashtme, Igli Hasani priti sot në një takim ministrin e Punëve të Jashtme të Republikës së Turqisë, Hakan Fidan me të cilin diskutoi mbi marrëdhëniet dypalëshe, bashkëpunimin ekonomik dhe zhvillimet globale dhe rajonale. Në konferencën e përbashkët për shtyp, Hasani vlerësoi veçanërisht ndihmën që ka dhënë Turqia ndaj vendit tonë në rastin e tërmetit të vitit 2019, pandemisë por edhe krizës energjetike.
“Sot ne zhvilluam takimin e dytë të grupit për Dialog Politik, një mekanizëm i paraparë nga deklarata e partneritetit strategjik e nënshkruar në 6 janar të vitit 2021 në Ankara. Ky takim e forcon edhe më tej karakterin strategjik të bashkëpunimit në të gjitha fushat me interes të përbashkët në rrafshin dypalësh, rajonal dhe global”, tha ai.
Intensifikimi i dialogut politik mes dy vendeve, sipas Hasanit, “është shoqëruar me një rritje kuptimplotë bashkëpunimi dypalësh duke e konkretizuar atë me nënshkrimin e një sërë marrëveshjesh në fushën e teknologjisë, transportit, energjisë, mbrojtjes, shëndetësisë, arsimit, mjedisit, kulturës etj”.
Ai vlerësoi se aktualisht marrëdhëniet mes vendeve janë të shkëlqyera në çdo fushë, si në nivelin politik edhe për sa i përket shkëmbimeve në fushën e ekonomisë, arsimit, kulturës dhe atë diplomatike, ku kanë njohur rritje e konsolidim. Duke u ndalur te bashkëpunimi në fushën ekonomike e tregtare, ai theksoi se investimet turke në vendin tonë kapin shifrën e 3.7 miliardë euro, me më shumë se 15 mijë të punësuar në 830 kompani turke që operojnë në Shqipëri.
“Konstatuam se niveli i shkëmbimeve tregtare në kuotën e gati 760 milionë euro nuk pasqyron realisht potencialin ekzistues mes dy vendeve, ndonëse klima e të bërit biznes në Shqipëri është tejet e favorshme. Jemi të vendosur që ky tregues të kalojë shifrën e 1 miliard eurove”, tha Hasani.
Ministru u ndal po ashtu edhe tek bashkëpunimi rajonal dhe mundësitë e përmirësimit të marrëdhënieve bazuar në parimin e fqinjësisë së mirë. “Pas përfundimit me sukses të mandatit si anëtare jo e përhershme në Këshillin e Sigurimit të OKB-së, Shqipëria do të vazhdojë angazhimin shumëpalësh në nisma të tjera. Përmbushja me sukses e angazhimeve të ndërmarra do të kërkojë bashkëpunimin e ngushtë me Turqinë”, tha ai.
Kryediplomati shqiptar vlerësoi po ashtu edhe mbështetjen e Turqisë për njohjen e Kosovës në arenën ndërkombëtare, si dhe përshëndeti miratimin nga parlamenti turk të rezolutës për anëtarësimin e Suedisë në NATO. Hasani nënvizoi se me homologun turk ndau vlerësime të njëjta lidhur me agresionin rus në Ukrainë, duke shprehur mbështetjen e palëkundur për sovranitetin territorial në kushtet e sfidave të reja.
E . S / SCAN
Sondazh
Anijet nga Kina ndryshojnë itinerar, cilat do jenë pasojat për Shqipërinë? - Rriten ndjeshëm kostot e transportit për shkak të krizës në Detin e Kuq
Qytetarët shqiptarë pritet të përballen me një valë të re të rritjes së çmimeve për shumë produkte në vend. Për shkak të krizës në Detin e Kuq, kompanitë......
Sa kushton të kurohesh për shëndetin mendor? - Psikologia: Kostot variojnë nga 3-5 mijë lekë seanca
Në media e më gjerë është publikuar rasti i një 35-vjeçari i cili ka pasur probleme të shëndetit mendor, e ndërsa monitoronte me kamera në çdo ambient të......
Raporti i BERZH 2023-2024 – Sejko: Shqipëria me normat më të larta të rritjes ekonomike në rajon!
Guvernatori i Bankës së Shqipërisë Gent Sejko gjatë prezantimit të Raportit të Tranzicionit të BERZH-it 2023-2024, theksoi se, “në krahasim me vendet e......
Bitcoin ngjitet në mbi 42,000 USD - Të premten u rrit me 6%, ngadalësohen flukset dalëse nga Grayscale
Bitcoin po qëndron në rritje edhe në sesionin e sotëm dhe po tregtohet në mbi 42 mijë dollarë, ndërsa të premten u rrit me mbi 6%. Anlistët mendojnë se......
Xhaferi, shqiptari i parë në historinë e Republikës së Maqedonisë së Veriut që merr këtë post!
Talat Xhaferi ka marrë zyrtarisht detyrën si kryeministër i Maqedonisë së Veriut, duke u bërë shqiptari i parë që mban këtë post. Në konferencën e parë të tij......
Si ka nisur java për tregun valutor? - Rritet dollari, paundi dhe franga. Euro e qëndrueshme përballë lekut
Kjo javë ka nisur në rritje të lehtë për monedhat kryesore, në raport me lekun, me përjashtim të euros, që këmbehet në të njëjtat nivele, krahasuar më mbylljen......
Nafta ngjitet drejt 84 USD për fuçi - Çmimet mbështeten nga sulmet ndaj trupave amerikane në Jordani
Nafta po tregtohet poshtë 84 dollarëve për fuçi në sesionin e sotëm, ndërsa një mbështetje në tregtinë aziatike e gjeti nga sulmet e militantëve që mendohet se......
Në Shqipëri, 1 në 4 të rinj ndjek një kurs online - Eurostat: Renditemi poshtë mesatares së Bashkimit Europian
Në vitin 2022, rreth 6.7% e përdoruesve të internetit në Shqipëri të moshës mbi 15 vjeç raportuan se kishin ndjekur një kurs online ose kishin përdorur......
