Temperaturat ekstreme në Kosovë - Qeveria merr masa, kufizon orarin e punës për disa kategori
Dorina Kurtaj/ SCAN
Për shkak të temperaturave të larta që kanë përfshirë vendin, qeveria e Kosovës ka marrë masa për kufizimin e orarit të punës nga data 13 korrik deri më 20 korrik 2024.
Sipas vendimit të ministrisë së Shëndetësisë kategoritë që përfitojnë janë gratë shtatzëna, qytetarët me sëmundje kronike dhe punëtorët në sektorin e ndërtimit.
Në njoftimin për mediat thuhet se në varësi të temperaturave që mbizotërojnë gjatë muajit korrik dhe gusht 2024, do ndërmerren masa të tjera
Në bazë të rekomandimeve të Institutit Kombëtar të Shëndetësisë Publike të Kosovës, për shkak të rritjes së konsiderueshme të temperaturave në ditët në vijim, me qëllim të mbrojtjes së shëndetit të qytetarëve, Ministria e Shëndetësisë merr vendim që të kufizohet orari i punës nga data 13.07.2024 deri më 20.07.2024 për këto kategori: gratë shtatzëna, të cilat do të punojnë nga shtëpia.
Qytetarët me sëmundje kronike punojnë me orar të shkurtuar deri në 4 orë në ditë.
Ndalohet puna në sektorin e ndërtimtarisë në ambiente të hapura gjatë orarit 11:00 – 17:00 në të gjithë territorin e Republikës së Kosovës.
Gjithashtu qeveria ndaloi qarkullimin e automjeteve të peshave të rënda për shkak të temperaturave të larta. Por Klubi i Biznesit ka shprehur “kundërshtimin e fuqishem” ndaj vendimit të fundit të Qeverisë për ta ndaluar qarkullimin e automjeteve me peshë mbi 7.5 tonë nga 14 korriku deri më 31 korrik 2024. Sipas tij ky vendim, do të ndikojë në ndërprerjen e zinxhirëve të furnizimit, të rrisë kostot operative dhe do të ndikojë negativisht në ekonomi sepse me këtë vendim preken prodhuesit, shitësit me pakicë dhe përfundimisht konsumatorët. Aktualisht kur ka “një fluks të madh të kërkesës për furnizime në treg për shkak të vizitës së bashkëkombasve nga diaspora”, Klubi i Biznesit thotë se “një vendim i tillë bëhet edhe më i pakuptimtë”. Ata i bëjnë thirrje qeverisë të rishikojë këtë vendim, të angazhohet në dialog me palët e interesuara dhe të zbatojë masa alternative që nuk e pengojnë aktivitetin ekonomi. Qeveria vendosi ta ndalojë qarkullimin e automjeteve të transportit të mallrave me peshë mbi 7.5 tonë “në autoudhë, rrugë nacionale dhe rajonale” për shkak të “ruajtjes së rrugëve nga dëmtimet si rezultat i temperaturave të larta”.
Si reaguan tregjet pas atentatit të Trump? - Përpjekja për vrasjen e Trump ndryshon tregun
Dorina Kurtaj/ SCAN Atentati ndaj Donald Trump është një pikë kthese në betejën parazgjedhore në Shtetet e Bashkuara, ku ish-presidenti amerikan duket se jo......
Spanja pret numër rekord turistësh këtë verë - Protestat anti turizëm përfshijnë vendin
Dorina Kurtaj/ SCAN Gati 41 milionë turistë të huaj, një rekord i ri, pritet të vizitojnë Spanjën këtë verë, ku lëvizja kundër hiperturizmit është në......
Zhvillimi ekonomik, SHBA dhe Kina po ngadalësohen - Rradha e Bashkimit Europian për të qenë në krye
Dorina Kurtaj/ SCAN Ekonomia e Eurozonës u rrit ndjeshëm në tremujorin e parë të këtij viti, ndërsa në të njëjtën kohë inflacioni ra ndjeshëm. Instituti......
130 miliard dollarë për centralet bërthamore në Europën Lindore - Qeveritë po planifikojnë projekte pa e ditur se kush do të paguajë për ‘to
Dorina Kurtaj/ SCAN Shpërthimi në uzinën e Çernobilit në vitin 1986 frenoi stuhinë e projekteve bërthamore në Europën Lindore gjatë epokës sovjetike dhe më......
Verërat “Made in Albania” vendosin rekord në eksport. Zgjerohet terreni i shitjeve në botë, më shumë vreshta në prodhim
Vera “Made in Albania” është produkt që po zgjeron çdo ditë e më shumë terrenin në tregjet ndërkombëtare, kjo si rrjedhojë e investimeve që kanë bërë fabrikat......
“Shpenzoni kusurin”, fushata e veçantë në Belgjikë. Objektiv, rikthimi në qarkullim i monedhave të vjetra
Një fushatë që u kërkon qytetarëve të shpenzojnë kusurin e tyre ka nisur në Belgjikë, duke dëshmuar se paratë e gatshme po humbasin “terren”. Fushata "shpenzo......
Si ka ndërhyrë Banka e Shqipërisë për stabilitetin e kursit të këmbimit? - BSH: Në tre muajt e parë janë janë blerë 32.60 milionë euro përmes ankandeve
Kursi i këmbimit midis monedhës shqiptare dhe asaj europiane prej më shumë se një viti nuk ka arritur stabilitetin e duhur. Por, që nga muaji maj i këtij viti......
“38% më shumë individë që punojnë në të zezë” - ISHP inspektoi 4948 biznese mbi bazë risku në 6 muajt e parë të vitit
Ledina Elezi/SCAN Inspektorati Shtetëror i Punës dhe Shërbimeve Shoqërore ka vijuar me kontrollet për respektimin e standarteve të punës sipas......
