Tarifë për apartamentet bosh - Kush s’paguan administrimin, kufizim prone në Kadastër
Pronarët e apartamenteve që nuk paguajnë tarifat e administrimit të pallateve mund të përballen me kamatëvonesa të larta, procedura përmbarimore dhe deri në kufizimin e pronës në Kadastër. Rregullorja e re e miratuar nga qeveria, e botuar në Fletoren Zyrtare të 23 tetorit, detajon mënyrën e zbatimit të detyrimeve financiare dhe rregullat për administrimin e ndërtesave të banimit.
Pagesa e tarifës së administrimit nuk është një detyrim i ri për qytetarët. Ajo parashikohej që në ligjin e vitit 2009, por kuadri ligjor i miratuar në vitin 2025 ka forcuar ndjeshëm masat ndaj pronarëve që nuk shlyejnë detyrimet. Një nga ndryshimet kryesore lidhet me kamatëvonesën, e cila nga 10% e tarifës mujore në legjislacionin e mëparshëm, është rritur në 30% për çdo muaj vonesë.
Risia më e rëndësishme lidhet me mundësinë e kufizimit të pronës në Kadastër. Sipas rregullave të reja, administratori mund të kërkojë vendosjen e kufizimit kur një pronar nuk ka paguar tarifat për të paktën 12 muaj, ose kur detyrimi i papaguar arrin të paktën 0.5% të vlerës së apartamentit. Në këto raste, pas ndjekjes së procedurave ligjore, prona nuk mund të shitet, transferohet apo të ngarkohet me barrë deri në shlyerjen e detyrimeve.
Vendosja e kufizimit nuk është automatike. Kryesia e pallatit duhet të marrë një vendim me shumicë të cilësuar, ndërsa pronari duhet të njoftohet me shkrim të paktën 10 ditë përpara marrjes së tij. Kadastra ka 15 ditë për regjistrimin e kufizimit, pas paraqitjes së dokumentacionit të kërkuar. Pas shlyerjes së borxhit dhe depozitimit të vërtetimit bankar, kufizimi hiqet brenda pesë ditëve.
Rregullorja përcakton gjithashtu se tarifa mujore duhet të paguhet edhe kur apartamenti është bosh, nuk përdoret nga pronari apo është dhënë me qira. Masa e tarifës vendoset nga asambleja e bashkëpronarëve, ndërsa në mungesë të dakordësisë zbatohet tarifa e referencës e miratuar nga këshilli bashkiak. Njësitë që përdoren për veprimtari tregtare duhet të paguajnë tarifa më të larta se apartamentet e banimit.
Një tjetër ndryshim lidhet me forcimin e administrimit financiar të pallateve. Parashikohet krijimi i llogarive bankare për mbledhjen e tarifave dhe administrimin e fondit rezervë, i cili do të përdoret për mirëmbajtjen, riparimet dhe ndërhyrjet emergjente. Bashkitë marrin gjithashtu përgjegjësi për mbikëqyrjen e zbatimit të standardeve të mirëmbajtjes së ndërtesave.
Rregullorja e re, e cila hyn në fuqi me botimin në Fletoren Zyrtare, synon të formalizojë më tej administrimin e pallateve dhe të garantojë mbledhjen e fondeve të nevojshme për mirëmbajtjen e hapësirave të përbashkëta. Ajo konkretizon dispozitat e ligjit të vitit 2025, duke përcaktuar procedura më të qarta për detyrimet financiare, përgjegjësitë e administratorëve dhe të drejtat e bashkëpronarëve.
Biznesi, 68% vlerëson koston / Sa rëndësi ka fuqia punëtore në bashkëpunimin me Ballkanin?
Cilësia dhe kostoja e fuqisë punëtore mbeten faktorë të rëndësishëm për zhvillimin e marrëdhënieve të biznesit mes Shqipërisë dhe vendeve të tjera të......
Si ndahen institucionet? - Rreth 158 struktura nën përgjegjësinë e ministrive
Ministritë në Shqipëri mbikëqyrin një rrjet të gjerë institucionesh, të cilat mbulojnë sektorë të ndryshëm të shërbimeve publike dhe zbatimit të politikave......
705 mln euro shtesë në buxhet/ 9-mujori, TVSH-ja dhe tatimi mbi pagat kryesojnë rritjen e të ardhurave
Buxheti i shtetit ka arkëtuar rreth 626.6 miliardë lekë, gjatë 9 muajve të parë të vitit, me një realizim në masën 100.3% të planit të periudhës. Të ardhurat......
Mbetjet, treg i ri biznesi? - Prodhuesve u kalon financimi i sistemit
Shqipëria po përgatitet të ndryshojë mënyrën se si menaxhon mbetjet, duke synuar krijimin e një tregu të ri për grumbullimin, ripërdorimin dhe riciklimin e......
Makinat për skrap, pa pagesë - Projektvendimi: Kostot i mbulojnë prodhuesit dhe importuesit, përjashtimet për pronarët
Pronarët e automjeteve që kanë dalë përfundimisht jashtë përdorimit do të mund t’i dorëzojnë ato për trajtim pa paguar, edhe kur makina nuk ka më vlerë tregu......
Blerja e elektroshtëpiakes së re? - Dyqanet mund të detyrohen të marrin falas pajisjen e vjetër
Një ndryshim i ri mund të vijë për të gjithë qytetarët që blejnë pajisje elektroshtëpiake. Kush blen një frigorifer, lavatriçe apo televizor të ri, mund të......
Fasoni humbet miliarda/ Eksportet bien fort, euro shton presionin mbi sektorin
Sektori fason po humbet terren me ritme që tashmë shihen jo vetëm në vlerën e eksporteve, por edhe në sasinë e mallrave që dalin nga vendi. Të dhënat e INSTAT......
Hungaria synon euron - Fitch vlerëson se Budapesti mund të plotësojë kriteret për eurozonën deri në vitin 2030
Hungaria mund të jetë në gjendje të plotësojë kriteret për anëtarësimin në eurozonë deri në vitin 2030, sipas agjencisë së vlerësimit të kreditit Fitch......
