Shqipëria dhe rajoni në fokus të kompanive europiane, - Raporti i Institutit të Vienës: Kompanitë europiane duan të lëvizin. Farmaceutika, automotivet dhe IT janë “gati”
Instituti i Vienës për Studime Ekonomike Ndërkombëtare ka publikuar së fundmi një raport të zgjeruar për mundësinë e “artë” që ka Shqipëria së bashku me 5 vendet e tjera të Ballkanit Perëndimor për të tërhequr kompani të huaja pas pandemisë. Sipas raportit që trajton fenomenin e “nearshoring”, në këndvështrimin e tendencave proteksioniste në tregtinë globale, një tranzicion nga prodhimi në Azi, drejt vendeve më të afërta dhe të industrializuara ka filluar qysh prej një dekade. Por, ky fenomen shpjegojnë ekspertët e Institutit të Vienës do të rritet ndjeshëm në Europë pas pandemisë. Një pjesë e madhe e kompanive europiane aktualisht janë duke kërkuar ndryshime madhore në zinxhiret e tyre të prodhimit dhe furnizimit. Për këtë arsye, Ballkani Perëndimor shikohet si mundësia e artë.
Raporti i cili është një bashkëpunim me partnEritetin e dhomaVe të tregtisë së rajonit, si dhe me përfaqësitë e biznesit nga secili vend i rajonit ( me Bashkimin e Dhomave të Tregtisë dhe Industrisë së shqipërisë si partner në vendin tonë ) analizon pikërisht këtë fenomen, jo vetëm në teori. Një pjesë e raportit vjen në formën e një ankete mbi 3500 kompani gjermane që operojnë nëpër botë dhe Europë. Anketa tregon se, një pjesë e madhe prej tyre, nga 20% në rastin e atyre që operojnë në Kinë, e deri në 55% në rastin e atyre që operojnë në Mbretërinë e Bashkuar, kërkojnë ndryshime në zinxhirin e furnizimit. Në të njëjtat norma mbetet edhe përqindja e atyre kompanive që janë në kërkim të lokaliteteve të tjera për t`u zhvendosur. Pjesa më e madhe e kompanive gjermane që shfaqin problem në zinxhirin e tyre të furnizimit operojnë në sektorin e tregtisë, industrisë automotive apo IT. Madje, mbi 70% e kompanive që operojnë në sektor si ai kimik, farmaceutik kërkojnë ndryshime në zinxhirin e tyre të furnizimit.
Të pyetur për problemet kryesore sipas tyre në Ballkanin Perëndimor, kompanitë gjermane radhisin qeverisjen e dobët dhe mungesën e institucioneve apo mungesën e stabilitetit. Nga ana tjetër, të pyetur nëse Covid-19 ka ndikuar në planet e tyre për të investuar në rajon, 60% e tyre shprehen se jo.
Por cfarë ofron shqipëria dhe vendet e tjera të rajonit për këto kompani? 71% e atyre kompanive që kanë vendosur të investojnë në vendin tonë shprehen se arsyeja kryesore ka qenë oportuniteti për një treg të ri. Kjo përqindje është më e larta mes të gjitha vendeve të tjera të rajonit. Me nga 14% vlerësohen faktorë si vendodhja gjeografike dhe pagat e ulta.
Sa i përket aspekteve negative për të ardhur në Shqipëri, kompanitë gjermane të anketuara radhisin në vend të pare, me 6.4 pikë mbështetjen e dobët nga qeveria, si skemat incentivuese. Edhe qeverisja dhe institucionet e dobëta, ku përfshihet sundimi i ligjit apo korrupsioni merr një vlerësim të lartë sa i përket problmatikave. Vendodhja gjeografike ndërkohë merr pikëzimin më të ulët si problametikë, çka e bën Shqipërinë të preferuarën në rajon nga kompanitë e huaja në këtë drejtim.
Sa i përket barrierave që hasin me kompanitë vendase, rreth 36% e tyre shprehen se pamundësia për të ofruar të njëjtat standarde dhe cilësi është problem madhor. Kjo përqindje është më e larta mes vendeve të rajonit.
Një anketim është kryer edhe mbi kompanitë vendase në rajon. Të pyetur për bashkëpunimin me kompani të huaja, në Shqipëri vetëm 40% e tyre shprehen se kanë një partneritet. Kjo është norma e dytë më e ulët në rajon, me Kosovën që është e fundit, me vetëm 25%.
Sondazh
Veriu bëhet më tërheqës për vendasit, rritet numri i vizitorëve me 47.3% gjatë T1 2021
Instituti i Statistikave ka publikuar së fundmi treguesit statistikorë rreth akomodimit për turizmin shqiptar, tregues të cilët janë përpunuar nga “Scan......
Lista e borxheve të institucioneve, kryesojnë "super ministritë" dhe Bashkitë e qarkut Tiranë, - Presidenca, Bujqësia, KLGJ dhe Bashkia Shkodër, më të "ndershmet"
Detyrimet e prapambetura të institucioneve qendrore dhe institucioneve vendore deri në fund të marsit të këtij viti rezultojnë në rreth 20.7 mld lekë, nga......
Prilli regjistron rekord historik të importit të produkteve farmaceutike dhe të pijeve
Muaji prill i vitit 2021 duket se është një moment interesant sa i takon Tregtisë së Jashtme të mallrave. Gjatë këtij muaji, sipas të dhënave të Institutit të......
Tregtia e jashtme në “rrugën” e duhur. Eksportet dhe importet, rritje me 92,3% dhe 72,9% gjatë muajit Prill 2021
Pandemia dhe kriza ekonomike që e ka shoqëruar atë duket se nuk e vijojnë më ndikimin negativ në tregtinë e jashtme të vendit tonë. Të dhënat më të fundit të......
23% e shqiptarëve në prag të varfërisë, instat publikon të dhënat e 2019-ës
Instituti i Statistikave ka publikuar "Anketën e të Ardhurave dhe Nivelit të Jetesës" për vitin 2019, vit para pandemisë, e cila pasqyron nivelin e jetesës në......
Barometri Ekonomik Scan: 31% e familjeve me të ardhura deri në 30 mijë lekë në muaj
Në një tjetër vrojtim të Barometrit Ekonomik Scan të publikuar nga “Radio Televizioni Scan” dhe “Scan Intelligence Unit” në bashkëpunim me “IDRA Research &......
Tkurret popullsia e vendit në T1 2021. Vdekjet "kërcënojnë" lindjet duke i tejkaluar ato me 3 651 persona
Shtesa natyrore e popullsisë, për tremujorin e parë të vitit 2021 ka pësuar një rënie po ta krahasojmë me të njejtën periudhë të vitit 2020. Kjo situatë......
17% e deputetëve të ri do të jenë sipërmarrës! Partia Demokratike, me përfaqësimin më të madh
“Scan Intelligence Unit” ka kryer një tjetër analizë në lidhje me kandidatët që janë sipërmarrës, por kësaj here janë marrë në analizë vetëm deputetët që do të......
