Rikthehemi mes 10 vendeve me naftën më të shtrenjtë në planet/ Shqipëria renditet krah shteteve që kanë një pagë mesatare 8.3 herë më të lartë
Shqipëria është rikthyer sërish mes 10 vendeve me naftën më të shtrenjtë në botë. Për herë të fundit diçka e tillë ndodhte në mes të muajit qershor. Gjatë periudhës pasardhëse vendi ynë ka vijuar të qëndrojë në pjesën e sipërme të tabelës së shteteve me naftën më të shtrenjtë në planet, kryesisht mes 20 vendeve të para. Ndërkohë, me rritjen e çmimit të naftës në 248 lekë për litër, Shqipëria i është rikthyer klasifikimit fatkeq. Nafta në Shqipëri është më e lartë se vende si Finlanda, Gjermania, Luksemburgu, Singapori, Monako, Holanda, Spanja, Portugalia, Italia, Greqia, etj.
Ndërkohë, pranë Shqipërisë në klasifikimin e 10 vendeve me naftën më të shtrenjtë në botë renditen: Belgjika dhe Mbretëria e Bashkuar me një çmim pranë 250 lekëve për litër, Danimarka me rreth 257 lekë për litër, Islanda me 267 lekë për litër, Norvegjia me 275 lekë për litër, Zvicra me 282 lekë për litër, Suedia me 284 lekë, Hong Kongu me 323 dhe Zimbabwe me 326 lekë për litër. Kujtojmë se për një pjesë të këtyre vende, siç është rasti i Italisë, ka incentiva shtesë për konsumatorin final, siç është pezullimi i pagesës së akcizës, gjë që e zbret edhe më tej çmimin.
Me përjashtim të Zimbabwes, të gjitha vendet e tjera të listës së 10 dhe 20 shteteve me çmimin më të lartë të naftës në botë kanë një nivel të ardhurash, jetese dhe ekonomie disa herë më të larta se vendi ynë.
“Scan Intel” i ka analizuar shifrat për të kuptuar krahasimin e Shqipërisë me këto vende, me të cilat ndan pozita të përafërta sa i përket çmimit të karburantit.
Në Shqipëri paga mesatare neto mujore fiksohet pranë rreth 400 eurove, ndërkohë që 9 vendet e tjera me të cilat ndajmë listën e 10 shteteve me naftën më të shtrenjtë në planet kanë një pagë mesatare neto mujore prej rreth 3327 eurosh (në këtë mesatare është përfshirë edhe Zimbabwe). Kjo do të thotë se Shqipëria ofron një çmim nafte të ngjashëm me vende të cilat ofrojnë një pagë mesatare rreth 8.3 herë më të lartë se Shqipëria.
Sondazh
Ulen lejet e ndërtimit/Tremujori i dytë me 2.3% rënie. Por gjithsesi, këtë vit, 23% më shumë se viti i kaluar
Lejet e ndërtimit paraqiten më rënie gjatë tremujorit të dytë të këtij vitit pas një rritje të vazhdueshme përgjatë tremujorëve paraardhës. Kështu sipas......
Ekskluzive/ Moody`s skanon ekonominë shqiptare - Vitin e ardhshëm do ketë ngadalësim. Turizmi dhe integrimi, të vetmit faktorë pozitiv
Më datë 26 gusht gjigandi i vlerësimit të kreditit, Moody`s konfirmoi pa asnjë rishikim notën e borxhit sovran të Shqipërisë, në “B1 me perspektivë të......
Korriku pakëson kursimet në bankë/ Depozitat bien me rreth 5 milionë euro. Në 7 muaj “avulluan” 6 miliardë lekë
Të dhënat më të fundit nga Banka e Shqipërisë sinjalizojnë se, totali i depozitave në sektorin bankar në vendin tonë ka rënë lehtë gjatë muajit korrik të këtij......
Shqiptarët “nuk pyesin” për çmimin e karburantit/ 3 në 4 makina të blera këtë vit punojnë me naftë, rritet pesha, “braktisen” makinat me gaz
Të dhënat zyrtare nga Drejtoria e Përgjithshme e Shërbimeve të Transportit Rrugor (DPSHTRR) japin një panoramë deri diku të qartë të qasjes së shqiptarëve ndaj......
Çmimet pengojnë tregtinë, por jo turistët/ Bie volumi i mallrave me 28.1%, pasagjerët dhe fluturimet me rritje për korrikun
Efekti i rritjes së çmimeve vijon të reflektohet në volumin e mallrave edhe përgjatë muajit korrik të këtij viti. Shifrat e transportit të publikuara nga......
Shqiptarët dhe puna, paradoksi i “Gallup”/ Shprehen se punojnë më shumë se austriakët, francezët, finlandezët, por duan të ikin!
81,396 është numri i orëve që kalon një njeri mesatarisht nga jeta duke punuar. I vetmi aspekt të cilit njeriu i dedikon më tepër kohë sesa punës është gjumi.......
Abuzimi i administratës, "industri" më vete/ Dëmi ekonomik, sa paga vjetore e 132 mijë shqiptarëve, ose sa 20% rritje page për çdo punonjës
Sipas Kontrollit të Lartë të Shtetit, sa i përket vitit 2021, dëmi i përgjithshëm në ekonomi si pasojë e keqpërdorimit dhe keqmanaxhimit të buxhetit të shtetit......
Turistët "mësyjnë" Shqipërinë/ Në korrik rriten hyrjet me 19.2%, krahasuar me 2019-ën
Sezoni i verës regjistron shifra pozitive sa i përket lëvizjes së shtetasve. Hyrjet e shtetasve të huaj në territorin e Shqipërisë, gjatë muajit korrik të......
