Ekskluzive/ Moody`s skanon ekonominë shqiptare - Vitin e ardhshëm do ketë ngadalësim. Turizmi dhe integrimi, të vetmit faktorë pozitiv
Më datë 26 gusht gjigandi i vlerësimit të kreditit, Moody`s konfirmoi pa asnjë rishikim notën e borxhit sovran të Shqipërisë, në “B1 me perspektivë të qendrueshme”. Ndërkohë, këtë të martë, agjencia ka publikuar raportin periodik për vendin tonë, ku në analizë merret performanca e përgjithshme ekonomike dhe financiare e vendit, si dhe analizohet efekti i zhvillimeve më të fundit. “Scan Intel” e ka siguruar ekskluzivisht këtë raport.
Ajo që bie në sy më së shumti në këtë dokument është rishikimi i projeksioneve për rritjen ekonomike të vendit tonë këtë vit dhe vitin e ardhshëm. Sa i përket vitit aktual, agjencia ka rritur projeksionet, duke u treguar më optimiste. Tashmë, Moody`s parashikon një rritje ekonomike të Shqipërisë pranë 3.8% këtë vit, nga 3.4% që parashikonte gjatë pranverës. Por, për vitin e ardhshme vijnë lajme të këqija, pasi agjencia ka shkurtuar projeksionet, nga 3.6% rritje ekonomike që parashikonte më parë, në vetëm 2.5%. Por, gjithsesi, mes reshtave në raport nënvizohet fakti se këto projeksione rrethohen nga një pasiguri e lartë për shkak të zhvillimeve të vazhdueshme në frontin e luftës mes Rusisë dhe Ukrainës. “Rritja e kostove të materialeve dhe të energjisë krijon presione inflacionsite të vazhdueshme, duke sjellë një dobësim të kërkesës së brendshme dhe një rritje më të ulët ekonomike”-nënvizon agjencia, që ndër të tjera e vendos theksin edhe te energjia elektrike, duke qenë se Shqipëria është një vend i varur nga kushtet atmosferike. “Shkurtimet e energjisë elektrike si pasojë e thatësirës mund të dobësojnë rritjen ekonomike dhe të shtojnë shpenzimet e qeverisë nëpërmjet rritjes së importeve”-thekson Moody`s për Shqipërinë.
Në drejtim të inflacionit parashikohet që pjesën më të madhe të këij viti dhe vitit të ardhshëm të mbetet në nivele të larta, pranë 7% këtë vit dhe mesatarisht pranë 4% vitin e ardhshëm. Por, sa i përket vitit të ardhshëm, ngadalësimi i hapit të rritjes së çmimeve pritet të nisë nga fundi i vitit, duke projektuar kështu ritme të larta të rritjes së çmimeve edhe për pjesën më të madhe të vitit të ardhshëm.
Sa i përket arsyeve që mund të çojnë në një rishikim të notës së borxhit sovran të vendit, agjencia nuk ka bërë ndryshime krahasuar me raportin e kaluar, duke e vendosur theksin kryesisht me faktorë që kanë të bëjnë me stabilitetin dhe konsolidimin fiskal, dhe kryesisht normës së borxhit publik.
Ndër të tjera, agjencia nënvizon edhe faktin se performanca e Shqipërisë sa i përket sundimit të ligjit dhe kontrollit të korrupsionit mbetet relativisht e dobët.
Ambienti i polarizuar politik në vendin tonë dhe prania në Nato, duke pasur parasysh gjasat hipotetike të një lufte të mundshme dhe detyrimin e Shqipërisë për t`u përfshirë ushtarakidht, i japin gjithashtu një vlerësim negativ notës së borxhit sovran të vendit, pasi përbëjnë rrezik të shtuar.
Ashtu si edhe në raportet e kaluara, agjencia ndalet edhe te faktorët shtesë që përcaktojnë vlerësimin për notën e borxhit sovran të vendit tonë, siç është emigracioni i lartë, dobësimi progresiv i forcës së punës, pagesat e larta për shëndetësinë nga xhepi, të ardhurat e ulta, etj.
Dy aspektet e vetme pozitive në këtë raport ndërkohë duket të jenë turizmi dhe integrimi. Sa i përket turizmit agjencia sqaron se, flukset hyrëse në vendin tonë këtë vit kanë qenë më të larta edhe se nivelet e para-pandemisë. “Hapja formale e negociatave për anëtarësim në Bashkimin Europian është një faktor pozitiv për notën e borxhit sovran të Shqipërisë, pasi në këndvështrimin tonë do të nxisë implementimin e reformave, çka do të mbështesë edhe forcën institucionakle të vendit. Ne presim që ky zhvillim të përmirësojë klimën e përgjithshme të biznesit si dhe të rrisë nivelin e Investimeve të Huaja Direkte”-nënvizon Moody`s në raport sa i përket impaktit të hapjes së negociatave në ekonominë shqiptare.
Sondazh
Korriku pakëson kursimet në bankë/ Depozitat bien me rreth 5 milionë euro. Në 7 muaj “avulluan” 6 miliardë lekë
Të dhënat më të fundit nga Banka e Shqipërisë sinjalizojnë se, totali i depozitave në sektorin bankar në vendin tonë ka rënë lehtë gjatë muajit korrik të këtij......
Shqiptarët “nuk pyesin” për çmimin e karburantit/ 3 në 4 makina të blera këtë vit punojnë me naftë, rritet pesha, “braktisen” makinat me gaz
Të dhënat zyrtare nga Drejtoria e Përgjithshme e Shërbimeve të Transportit Rrugor (DPSHTRR) japin një panoramë deri diku të qartë të qasjes së shqiptarëve ndaj......
Çmimet pengojnë tregtinë, por jo turistët/ Bie volumi i mallrave me 28.1%, pasagjerët dhe fluturimet me rritje për korrikun
Efekti i rritjes së çmimeve vijon të reflektohet në volumin e mallrave edhe përgjatë muajit korrik të këtij viti. Shifrat e transportit të publikuara nga......
Shqiptarët dhe puna, paradoksi i “Gallup”/ Shprehen se punojnë më shumë se austriakët, francezët, finlandezët, por duan të ikin!
81,396 është numri i orëve që kalon një njeri mesatarisht nga jeta duke punuar. I vetmi aspekt të cilit njeriu i dedikon më tepër kohë sesa punës është gjumi.......
Abuzimi i administratës, "industri" më vete/ Dëmi ekonomik, sa paga vjetore e 132 mijë shqiptarëve, ose sa 20% rritje page për çdo punonjës
Sipas Kontrollit të Lartë të Shtetit, sa i përket vitit 2021, dëmi i përgjithshëm në ekonomi si pasojë e keqpërdorimit dhe keqmanaxhimit të buxhetit të shtetit......
Turistët "mësyjnë" Shqipërinë/ Në korrik rriten hyrjet me 19.2%, krahasuar me 2019-ën
Sezoni i verës regjistron shifra pozitive sa i përket lëvizjes së shtetasve. Hyrjet e shtetasve të huaj në territorin e Shqipërisë, gjatë muajit korrik të......
“Tkurren” fondet e investimit, efekt i krizës? Bie numri i anëtarëve dhe aseteve këtë vit, performanca e dytë më e dobët në 8 vite
Shifrat më të fundit zyrtare nga Autoriteti i Mbikqyrjes Financiare (AMF), tregojnë se në 6 muajt e parë të këtij viti Fondet e Investimeve janë tkurrur, si në......
Rriten pagesat me kartë/BSH: Në tremujorin e dytë 2,57 mln transaksione dhe 11,8 mld lekë pagesa nëpërmjet POS
Shifrat më të fundit nga Banka e Shqipërisë, sa i përket instrumentave të pagesave, tregojnë se numri i transaksioneve nëpër terminalet POS gjatë tremujorit të......
