Abuzimi i administratës, "industri" më vete/ Dëmi ekonomik, sa paga vjetore e 132 mijë shqiptarëve, ose sa 20% rritje page për çdo punonjës
Sipas Kontrollit të Lartë të Shtetit, sa i përket vitit 2021, dëmi i përgjithshëm në ekonomi si pasojë e keqpërdorimit dhe keqmanaxhimit të buxhetit të shtetit fiksohet pranë 74.5 miliardë lekëve në total, çka përkthehet në rreth 633 milionë euro në total. Por, cfarë domethënë kjo vlerë? “Scan Intel” ka analizuar këtë shifër në raport me ekonominë, buxhetin, shpenzimet, etj, për të kuptuar edhe më thjesht përmasat e dëmit që i shkaktohet qytetarëve dhe vendit nga keqmenaxhimi i financave publike.
Rreth 633 milionë euro që vlerësohet dëmi në total përkthehet në plot 3.5% të asaj që e gjithë ekonomia shqiptare ka prodhuar gjatë vitit të kaluar. Ndërkohë, 3.5% ka qenë pasha me të cilën ka rënë e gjithë ekonomia shqiptare gjatë vitit të pandemisë, atë 2020. Pra, thënë më thjesht, sipas KLSH, dëmi që i shkaktohet vendit nga vetë shteti në vit është i njëjtë me dëmin që pandemia shkaktoi gjatë 2020-ës, kur u paralizua thuajse çdo aktivitet ekonomik dhe shoqëror për një periudhë kohore të konsiderueshme gjatë vitit.
Po krahasuar me të ardhurat, pra paratë që arka e shtetit mbledh çdo vit nga taksapaguesit, sidomos nëpërmjet taksave dhe tarifave të ndryshme? Dëmi ekonomik është i barabartë me 14.6% të totalit të të ardhurave në buxhetin e shtetit gjatë vitit 2021. Pra, thuajse nga 7 lekë të derdhura në arkën e shtetit, 1 lek përkthehet në abuzim, pra ose ikën dëm, ose kanalizohet në drejtime të tjera, jo për qytetarët.
Në nivel shpenzimesh së përgjithshme ndërkohë, 633 milionë euro përkthehen në 11.8% të totalit. Krahasuar vetëm me shpenzimet kapitale ndërkohë, pra investimet, dëmi ekonomik është i barabartë me 75.4%. Gjatë vitit 2021 totali i investimeve të qeverisë fiksohej në 838 milionë euro. Në rast se financat publike nuk do të ishin keqmenaxhuar, të paktën sipas shifrave të auditimeve të KLSH, atëherë investimet mund të ishin thuajse dyfish, ose më saktë rreth 1.5 miliardë euro, nga 833 milionë euro që janë aktualisht.
Po krahasuar me sektorë të veçantë? Shifra që sipas KLSH vlerësohet se është dëmi ekonomik që shkaktohet në vit nga keqmenaxhimi i financave publike është më e lartë se i gjithë sektori financiar dhe ai i sigurimeve në vend, më e lartë se sektorit i informacionit dhe komunikacionit apo sektori i “artit, argëtimit dhe çlodhjes”.
Në rast se krahasimin do ta bënim me individët, shuma prej 633 milionë eurosh është e barabartë me pagën vjetore neto të rreth 132 mijë shqiptarëve (referuar pagës mesatare). Ose, thënë edhe më ndryshe, dëmi ekonomik është i barabartë me një rritje të përfarërt pagash për të gjithë shqiptarët e punësuar prej rreth 20%.
Të gjitha këto krahasime tregojnë përmasat e keqmenaxhimit të buxhetit të shtetit dhe jo vetëm, të cilat sipas KLSH janë kryesisht abuzim me fondet dhe tenderat.
Sondazh
Turistët "mësyjnë" Shqipërinë/ Në korrik rriten hyrjet me 19.2%, krahasuar me 2019-ën
Sezoni i verës regjistron shifra pozitive sa i përket lëvizjes së shtetasve. Hyrjet e shtetasve të huaj në territorin e Shqipërisë, gjatë muajit korrik të......
“Tkurren” fondet e investimit, efekt i krizës? Bie numri i anëtarëve dhe aseteve këtë vit, performanca e dytë më e dobët në 8 vite
Shifrat më të fundit zyrtare nga Autoriteti i Mbikqyrjes Financiare (AMF), tregojnë se në 6 muajt e parë të këtij viti Fondet e Investimeve janë tkurrur, si në......
Rriten pagesat me kartë/BSH: Në tremujorin e dytë 2,57 mln transaksione dhe 11,8 mld lekë pagesa nëpërmjet POS
Shifrat më të fundit nga Banka e Shqipërisë, sa i përket instrumentave të pagesave, tregojnë se numri i transaksioneve nëpër terminalet POS gjatë tremujorit të......
Shqiptarët, “shpërdoruesit” e internetit/ Vetëm 1 në 4 e përdor për t`u informuar, jemi të fundit në Europë
Interneti është padiskutim një prej teknologjive që i ka shërbyer më shumë njerëzimit dhe zhvillimit gjatë dekadave të fundit. Por, disa shifra të publikuara......
Çmimet, Shqiptarët shqetësohen më pak se Europianët/ Anketa e KE, renditja e shqetësimeve kryesore të familjeve dhe krahasimi Shqipëri-Europë
Shqetësimet kryesore të aktualitetit sot në Shqipëri dhe Europë duket se janë inflacioni, çështjet e shëndetit, financat personale, situata e përgjithshme......
Spitalet private rrisin të ardhurat, por mbeten me humbje/ Edhe pse në pandemi raportojnë 1.6 mln euro humbje në total në 2021-shin, analiza e 6 kompanive
“Scan Intel” ka risjellë në vëmendje performancën financiare të spitaleve private me shifra të përditësuara për të parë se si kanë ndryshuar të ardhurat dhe......
Përse vijnë të huajt në Shqipëri? Vetëm gjysma për punësim, pjesa tjetër, bashkim familjar dhe arsye humanitare
Numri i të huajve me leje qëndrimi në Shqipëri ka pësuar rritje me 9,6 % duke e çuar në 14,921 banorë shifrën e të huajve rezidentë në Shqipëri krahasuar me......
Shqiptarët "humbasin" €1.4 mld në vit nga mosshfrytëzimi i pronave/ Thuajse 7.5% e Prodhimit të Brendshëm Bruto. Vetëm 2.64% e familjeve përfitojnë, nga 36% që kanë prona
Një vrojtim i pak kohëve më parë nga Banka e Shqipërisë tregonte se një pjesë e madhe e pronave të shqiptarëve nuk shfrytëzohen aspak (shiko këtu). “Scan......
