Policia e Shtetit, thirrje qytetarëve për kujdes - “Mos bini pre” e mashtrimeve me aplikacionin “PLINKO” dhe mesazheve në WhatsApp
Ledina Elezi/SCAN
Policia e Shtetit ka bërë thirrje që të tregohet kujdes gjatë përdorimit të aplikacionit “PLINKO”, por edhe mesazheve që po dërgohen në WhatsApp nga numra të huaj, të cilët kërkojnë të dhënat e llogarive në Facebook.
Kjo thirrje vjen pasi kohët e fundit po reklamohen në rrjetet sociale lojëra nëpërmjet të cilave fitohen para. Për ta bërë të besueshme, përdoren videot e njerëzve të famshëm që luajnë lojën “PLINKO”, gjë që në fakt është mashtrim. Ofruesit e kësaj loje kërkojnë numrat e llogarive bankare, skemë kjo për marrjen e të dhënave të llogarive bankare nga të cilat mund të vidhen shuma të larta monetare.
Nisur nga rastet e shtuara të përdorimit të këtij aplikacioni, me qëllimin për të fituar para sidomos nga nxënësit, Policia e Shtetit apelon për prindërit që të tregohen të kujdesshëm, për të mos lejuar fëmijët që të përdorin këtë aplikacion dhe në rastet kur ata e përdorin, të tregojnë kujdes, pasi duke dorëzuar të dhëna personale dhe të llogarive bankare, mund t’iu tërhiqen para nga llogaria e tyre.
Më herët, Sektori për Hetimin e Krimeve Kibernetike në DVP Tiranë gjatë monitorimit të vazhdueshëm të burimeve të hapura të informacionit dhe platformave virtuale, me qëllim evidentimin e veprimtarive të kundraligjshme kryesisht në fushën e krimeve kibernetike, ka konstatuar mesazhe të maskuara si ato të kompanisë Meta Platforms, drejt numrave të telefonit, për konfirmimin e të dhënave në rrjetin social Facebook të lidhura me shërbimin Facebook Ads, (por jo vetëm).
Në këto mesazhe pretendohet verifikimi i llogarive në Facebook ose në të kundërt, llogaria do të mbyllet. Mesazhet mashtruese kanë si synim orientimin e zotëruesve të llogarive drejt linqeve mashtruese me qëllim marrjen në zotërim të llogarive të personave të mashtruar.
Nis puna për rehabilitimin e bulevardit kryesor të Peshkopisë, Balluku: Investime të shumta në qarkun e Dibrës
Në qytetin e Peshkopisë ka nisur puna për rikualifikimin urban të bulevardit kryesor. Investimi po realizohet nga Fondi Shqiptar i Zhvillimit dhe parashikon......
Nis punën Komisioni i ri Evropian - Von der Leyen emëron për herë të parë një komisioner për mbrojtjen
Kristi Ceta/SCAN Shefja e Komisionit Evropian Ursula von der Leyen emëroi të martën ekipin e saj, i cili do të drejtojë institucionin më të fuqishëm të......
“Supertenderët” e FSHZH, fondi limit 5.4 mld lekë - Hapen 7 procedura prokurimi: Sistemim rrugësh, përmirësim transporti dhe termoizolim
Ola Mitre/SCAN Me një fond limit prej 5.4 mld lekë, Fondi Shqiptar i Zhvillimit ka hapur 7 procedura prokuruese për sistemim rrugësh, përmirësim të......
Eksportet nuk e ndalin rënien edhe në gusht - E thellojnë me 18.2%. Na "braktisin" partnerët kryesorë
Xhorxhina Deda/SCAN Eksportet kanë vijuar të thellojnë rënien edhe në gusht të këtij viti tregojnë të dhënat më të fundit nga tregtia e jashtme. Nëse......
Shqipëria forcon sigurinë kibernetike - Ndër vendet që po përparon me shpejtësi në këtë fushë. Kuadri ligjor, më i përmirësuari
Ledina Elezi/SCAN Shqipëria është ngjitur me 22 pikë në Indeksin Global të Sigurisë Kibernetike, duke u klasifikuar ndër vendet që po përparojnë me......
Biznesi shqiptar, i prirur për të kërkuar forcë punëtore nga rajoni - Kosova kryeson, shumica e bizneseve të Ballkanit Perëndimor shfaqen skeptikë
Armela Duka/SCAN Sipas të dhënave të publikuara nga Barometri i Ballkanit 2024, tendenca e bizneseve në Shqipëri për të kërkuar forcë punëtore nga......
“Pasojat negative të Brexit do të vazhdojnë” - Rënia e tregtisë Britani-BE është intensifikuar vitet e fundit
Kristi Ceta/SCAN Marrëveshja e Brexit ka shkaktuar një rënie të dukshme në tregtinë mes Mbretërisë së Bashkuar dhe BE-së, dhe ka të ngjarë të vazhdojë......
Kërkesa globale e bakrit do të rritet me 72% në 2050 - Zhvillimi i “IA” shton përdorimin e metalit në qendrat e të dhënave
Kristi Ceta/SCAN Zhvillimi i inteligjencës artificiale do të intensifikojë mungesën e pritshme të bakrit, që është vendimtar për tranzicionin e energjisë,......
