Pandemia uli lehtë vdekjet nga vetëvrasja. Gjirokastra dhe Vlora në vend të parë
INSTAT ka bërë publike së fundmi statistikat për shkaqet e vdekjeve si pasojë e vetëvrasjes për vitin 2020. Në analizë është marrë periudha 2012-2020 për të bërë një krahasim të këtyre periudhave dhe për të arritur në kokluzione sa më të sakta. “Scan Intelligence Unit” ka përpunuar këto të dhëna për të parë se cili nga qarqet ka numrin më të lartë të vetëvrasjeve për 10 000 banorë, kush nga grupmoshat është më shumë e prekur nga ky fenomen si edhe cila nga gjinitë është më e prekur ndër vite?
“Scan Intelligence Unit” ka kryer një analizë të shifrave, me qëllimin për të treguar se cili nga 12 qarqet për vitin 2020 është më shumë i prekur nga ky fenomen për 10 000 banorë. Raporti bazohet në numrin e popullsisë për secilin qark dhe numrin e vdekjeve si pasojë e vetëvrasjes. Shifrat sinjalizojnë se, qarku i Gjirokastrës është ai me problematiku në këtë drejtim, me gati 1.5 vetëvrasje për 10 mijë banor. Pas Gjirokastrës, renditet qarku i Vlorës, Lezhës, Fieri dhe Berati me 1 vdekje si pasojë e vetëvrasjes për 10 000 banorë. Në vendet e fundit renditet qarku i Kukësit dhe Dibrës, ku raporti në këto qarqe është posht 0.5. Tirana, edhe pse ka numrin më të lartë të vdekjeve si pasojë e vetëvrasjes në rang kombëtar, renditet në 3 vendet e fundit. Kjo si pasojë e numrint të lartë të banorëve në këtë qark.
Për 2020-ën numri i vdekjeve si pasojë e vetëvrasjes është 215, një vetëvrasje më pak se në vitin 2019. Të dhënat e paraqitura në mënyrë grafike tregojnë se Tirana, Durrësi dhe Fieri janë 3 qarqet që kanë numrin më të lartë të vetëvrasjeve ndër vite. Për vitin 2020 qarku i Tiranës regjistron 38 vdekje si pasojë e vetëvrasjes, 32 për qarkun e Fierit dhe 23 për qarkun e Durrësit. Qarqet si Kukësi, Dibra dhe Gjirokastra regjistrojnë numrin më të ulët të vdekjeve si pasojë e vetëvrasjes.
Grupmoshat më të prekura për periudhën 2012-2020 rezultojnë të jenë: 45-49 vjeç, 50-54 vjeç si edhe 55-59 vjeç. Për vitin 2020 grupmosha që ka regjistruar numrin më të lartë të vetëvrasjeve është grupmosha 55-59 vjeç. Pas saj vijon grupmosha 50-54 vjeç dhe grupmosha 45-49 vjeç, përkatësisht 31 vetëvrasje për grupmoshën 55-59 vjeç, 29 dhe 24 vetëvrasje për 2 grupmoshat vijuese. Po të shohim vijueshmërinë nga viti 2018, vërehet se grupmoshat e përmendura më sipër kanë pasur rritje të numrit të vdekjeve si pasojë e vetëvrasjeve. Për grupmoshat nën 1 vjeç, 5-9 vjeç dhe 10-14 vjeç nuk rezulton asnjë numër humbje jete si pasojë e vetëvrasjes.
Për vitin 2020, meshkujt regjistrojnë numrin më të lartë të vdekjeve si pasojë e vetëvrasjeve që nga viti 2014, me 155 vdekje, ndërsa për femrat, numri i vetëvrasjeve ka pësuar rënie nga viti 2019, ku shohim se regjistrohen 60 vdekje,13 më pak e në vitin 2019. Viti në të cilin femrat regjistrojnë numrin më të lartë të vetëvrasjeve është 2016, me 94 të tilla. Nga paraqitja grafike, duket se mashkulli është më i prekur nga ky fenomen.
Sondazh
Lëvizjet e shtetasve, gjatë muajit prill 18 herë më shumë të huaj se një vit më parë
Statistikat e lëvizjes së shtetasve për muajin Prill të këtij viti, të publikuar nga Instituti i Statistikave, paraqesin një rritje të këtij treguesi krahasuar......
Shpenzimet për shëndetësinë dhe strehimin rriten nga 20%-41% në T1 të vitit, bien vetëm ato për argëtimin
Ministria e Financave dhe Ekonomisë ka përditësuar të dhënat për tremujorin e parë për vitin 2021 sa i përket “Shpenzimeve sipas klasifikimit funksional”, në......
Ekskluzive/ Raporti i zgjeruar i Moody`s për Shqipërinë, - Përmirësohet në ba2 nota e ekonomisë, vlerësim për rezultatin e 25 prillit
“Scan Intelligence Unit” ka siguruar ekskluzivisht raportin e zgjeuar të agjencisë së vlerësimit të kreditit, Moody`s, që shoqëron vendimin për të mbajtur të......
Indeksi i Cilësisë së Elitave,- Shqipëria e 77-ta në botë, me cilësi mesatare
Fondacioni për krijimin e vlerave (The Foundation for Value Creation) ka publikuar së fundmi “Indeksin e Cilësisë së Elitave 2021” (The 2021 Elite Quality......
Moody`s mban të pandryshuar notën e Shqipërisë Në B1 me perspektivë të qendrueshme, falë menaxhimit të krizës dhe sektorit bankar
Agjencia e vlerësimit të kreditit, Moody`s ka mbajtur të pandryshuar notën e borxhit sovran të Shqipërisë, në B1 me perspektivë të qendrueshme. Vendimi për të......
25.8% më shumë vdekje gjatë 2020-ës. Covid-19 rrit me 4.5 herë vdekshmërinë nga sëmundjet e aparatit të frymëmarrjes
INSTAT ka publikuar të dhënat e fundit mbi shkaqet e vdekshmërisë në vend për vitin 2020, të cilat përfshijnë të dhënat mbi vdekshmërinë meshkuj dhe femra,......
Pakësohen azilantët shqiptarë, 11.2% më pak kërkesa gjatë marsit të vitit 2021 se një vit më parë
Të dhënat e marsit nga “Zyra Europiane për mbështjen e azilantëve” tregojnë një ulje të kërkesave për azil të shqiptarëve në një prej shteteve të Bashkimit......
Shqipëria dhe rajoni në fokus të kompanive europiane, - Raporti i Institutit të Vienës: Kompanitë europiane duan të lëvizin. Farmaceutika, automotivet dhe IT janë “gati”
Instituti i Vienës për Studime Ekonomike Ndërkombëtare ka publikuar së fundmi një raport të zgjeruar për mundësinë e “artë” që ka Shqipëria së bashku me 5......
