Nxitet kthimi i emigrantëve të kualifikuar në Shqipëri - Hyn në fuqi “Strategjia Kombëtare për Migracionin 2024-2030”
Menaxhimi i flukseve migratore, promovimi i të drejtave të migrantëve dhe integrimi i tyre në shoqërinë shqiptare janë ndër qëllimet kryesore të strategjisë më të fundit mbi migracionin. Është botuar në Fletoren Zyrtare vendimi për miratimin e strategjisë kombëtare për migracionin 2024 – 2030 dhe planit të saj të veprimit.
Kjo strategji parashikon zhvillimin e politikave efektive për migrantët që zhvendosen nga një vend në një vend tjetër për arsye punësimi, duke rritur ndikimin pozitiv të migracionit në zhvillimin social-ekonomik kombëtar ose vendor, promovimin e migracionit të rregullt, si dhe mbrojtjen e të drejtave të migrantëve, azilkërkuesve dhe refugjatëve.
Migrimi në kontekstin shqiptar vazhdon të karakterizohet më shumë nga emigracioni ndërkombëtar i popullsisë vendase dhe më pak nga imigrimi i të huajve në vend. Strategjia e re synon që të realizojë integrimin e qëndrueshëm të shtetasve shqiptarë të kthyer nga emigracioni deri në vitin 2030, përmes vlerësimit të nevojave dhe vështirësive që ata hasin me qëllim adresimin e tyre në mënyrë efektive.
Strategjia përfshin masa për lehtësimin dhe nxitjen e kthimit të emigrantëve të kualifikuar në Shqipëri dhe maksimizimin e potencialit të tyre për zhvillimin ekonomik të vendit përmes promovimit të kapitalit njerëzor dhe investues të tyre, krijimit të paketave informuese mbi procesin e kthimit dhe riintegrimit, si dhe kushtet e tregut të punës. Edhe për të huajt, gjithashtu parashikohen masa për informimin mbi format, mundësitë dhe procedurat e migrimit për arsye pune në Shqipëri, si dhe përmirësimin e veprimtarisë së agjencive private të punësimit dhe punëdhënësve, me qëllim zbatimin e standardeve të punësimit etik.
Në kuadër të agjendës kombëtare të integrimit në Bashkimin Evropian, ky dokument është hartuar në përputhje me përmbushjen e detyrimeve të kapitujve të legjislacionit evropian në fushën e azilit, migracionit dhe lëvizjes së lirë.
Kostoja e përgjithshme e përllogaritur për zbatimin e planit të veprimit të dokumentit strategjik të Migracionit 2024-2030, për periudhën e parë trevjeçare është rreth 727.9 milionë lekë. Për periudhën afatmesme 2024-2026, shpenzimet e planifikuara në buxhetet e institucioneve përgjegjëse janë rreth 391.8 milionë lekë, të planifikuara në buxhetin vjetor dhe Programin Buxhetor Afatmesëm 2024-2026.
Ledina Elezi/SCAN
Sondazh
Bonot e thesarit dominojnë titujt e Qeverisë - Më shumë investitorë individual, pjesëmarrës në tregun sekondar
Gjatë tre muajve të parë të këtij viti, vëllimi i tregut sekondar të titujve të Qeverisë u dominua në masën e 81.41% nga transaksione në instrumente......
Turqia do të blejë gaz nga ExxonMobil - Ankaraja synon të reduktojë varësinë e saj nga energjia ruse
Duke synuar një pikë të re furnizimi me energji, në mënyrë që të mos varet nga burime individuale, Turqia është në bisedime me gjigantin e naftës amerikane......
Sezoni turistik/ Durrësi ndriçon rrugët e plazhit. Implementon teknologjitë e reja EE LED
Pak para çeljes së sezonit turistik, Bashkia e Durrësit ka nisur një investim të ri në drejtim të përmirësimit të kushteve për turistët. Në Agjencinë e......
Fondi i Ndërhyrjes së Jashtëzakonshme shtohet me 982 mln lekë - Që prej vitit 2018 u arkëtuan nga bankat tregtare rreth 5.5 mld lekë
Që prej krijimit të tij në vitin 2018, Fondi i Ndërhyrjes së Jashtëzakonshme ka arritur në vlerën 5.5 miliardë lekë si rezultat i kontributeve vjetore të......
Ndërtimi i rrugës Elbasan- Qafë Thanë - Balluku: Punimet, me ritme të shpejta. Anashkalohet kalimi brenda Librazhdit
Punimet për ndërtimin e aksit rrugor Elbasan – Qafë Thanë, pjesë e korridorit VIII po ecin sipas parashikimeve kontraktuale, duke garantuar përfundimin e tyre......
Kafeja në Shqipëri, më e lirë se në rajon - Eurostat: Norma e rritjes së çmimit për këtë produkt në mars regjistrohet në 1.2%
Në mars të vitit 2024, norma vjetore e ndryshimit të çmimit të kafesë në vendet e Bashkimit Europian ishte 1.0%, krahasuar me 13.5% që ishtë në marsin e vitit......
ENI, shpime për naftë në Dumre - Shtyhen me 1 vit operacionet për vlerësimin e rezervuarit naftëmbajtës
Kompania ENI ka shtyrë me një vit planet për nisjen e shpimit të një pusi për kërkimin e naftës në Dumre. Në gusht të vitit që shkoi kompania italiane, që......
Identifikim elektronik për leje pune në Rajon - Nxitja e tregut të përbashkët të punës në Ballkanin Perëndimor
Për të punuar në Serbi dhe Maqedoninë e Veriut, shtetasit shqiptarë duhet të aplikojnë në mënyrë elektronike për leje pune në një nga këto vende. Ka hyrë në......
