Maji rikthen rritjen e çmimeve - Norma e inflacionit arriti në 2.2%. Mobiljet dhe veshjet, grupet më të shtrenjta
Çmimet i janë rikthyer rritjes në muajin Maj të këtij viti, sipas të dhënave zyrtare nga “Instituti i Statistikave”. Ndryshimi vjetor i indeksit të çmimeve të konsumit në muajin që lamë pas është vlerësuar në 2.2%, nga 2.1% që ishte në muajin Prill. Ndërkohë, nga ana tjetër, në Majin e një viti më parë ky ndryshim ishte 4.7%. Gjithsesi, pavarësisht rritjes, inflacioni mbetet poshtë objektivit të Bankës së Shqipërisë prej 3%.
Rritja vjetore e çmimeve në muajin Maj është ndikuar kryesisht nga grupi “Ushqime dhe pije joalkoolike” me 0.69 pikë përqindje, pasuar nga grupi “Qira, ujë, lëndë djegëse dhe energji” me 0.42 pikë përqindje. Gjithashtu, çmimet e grupit “Mobilje, pajisje shtëpie dhe mirëmbajtje e shtëpisë” ndikuan me 0.28 pikë përqindje. Edhe për muajin Maj shohim se grupi “transporti” sërish ka dhënë kontribut pozitiv, ndryshe nga disa muaj më parë.
Krahasuar me muajin Maj të vitit 2023, rritja më e madhe e çmimeve vërehet në grupet “Mobilje, pajisje shtëpie dhe mirëmbajtje e shtëpisë” dhe “Argëtim dhe kulturë” me 3.7% secili, “Veshje dhe këpucë” me 3.2%, “Pije alkoolike dhe duhan” me 3.1%, “Mallra dhe shërbime të ndryshme” me 2.5%, “Hotele, kafene dhe restorante” me 2.4% dhe “Qira, ujë, lëndë djegëse dhe energji” dhe “Shërbimi arsimor” me 2.2% secili. Nga ana tjetër, grupi “Ushqime dhe pije joalkoolike” u rrit me 1.9%, “Shëndeti” me 1.7%, “Transporti” me 1.1% dhe “Komunikimi” me 0.1%.
Brenda grupit të ushqimeve çmimet e nëngrupit “zarzavate përfshirë patatet” patën një rritje me 4.6%, pasuar nga nëngrupet “peshk” me 4.1%, “qumësht, djathë dhe vezë” u rritën me 3.6%, “sheqer, recel, mjaltë, çokollata dhe mbëlsira” me 2.9% dhe “mish” me 2.3%.
Rikujtojmë se pak kohë më parë institucioni kërkimor “Raiffeisen Research”, i cili ofron një pasqyrë të plotë mbi tendencat aktuale ekonomike, ka treguar përmes një publikimi se beteja e Shqipërisë kundër inflacionit nuk ka përfunduar akoma. Edhe pse inflacioni është në nivelin më të ulët në dy vite, sipas të dhënave të institucionit çmimet pritet të rriten sërish gjatë periudhës së verës, të nxitura kryesisht nga turizmi.
Xhorxhina Deda/SCAN
Sondazh
Rrjet ujitës me pus në 4 zona të Tiranës - Hapen procedurat e studimit, masa për te përballuar thatësirën
Referuar nevojave emergjente për ujitje të bimësisë në Tiranë, Drejtoria e Përgjithshme e Pastrimit dhe Gjelbërimit, institucion në varësinë e Bashkisë së......
Pse koalicioni i Olaf Scholz pësoi një goditje në zgjedhjet e mbrëmshme?
Qeveria e koalicionit qeverisës të Gjermanisë pësoi një goditje në zgjedhjet e mbrëmshme, me partinë socialdemokrate SPD të kancelares gjermane që u rendit në......
Sa përdoret telefoni fiks në Shqipëri? - Rreth 634 mijë pajtimtarë me akses broadband në internet nga rrjete fikse
Rreth 171 mijë pajtimtarë përdorën linjën e telefonisë fikse në tremujorin e parë 2024. Referuar të dhënave nga Autoriteti i Komunikimeve Elektronike dhe......
Cila është natyra e bizneseve që hapen në Shqipëri? - Nga IT te ndërtimi, sipërmarrjet që kanë mbi 10 punonjës
Regjistrimi i biznesevë është në trend rënës në Shqipëri. Sipas ekonomistëve, bizneset me 1-4 punonjës janë shtuar më shumë. Ndërtimi dhe IT janë sipërmarrjet......
Shqipëria, destinacioni "kampion" për netë qëndrimet - Renditemi vendi i parë në Europë me rritjen më të lartë në tre muajt e parë të vitit
Në Shqipëri u regjistruan gjithsej rreth 563 mijë nëtë qëndrime, përgjatë tre muajve të parë të vitit 2024, në strukturat akomoduese. Sipas të dhënave të......
50% e lejeve minerare, në 3 qarqe - Kryeson Dibra, Berati e Elbasani. Në fund të listës renditet Fieri, me 2%
Mbi 50% e lejeve minerare janë të përqëndruara në 3 qarqe të vendit e më konkretisht në Dibër, Elbasan dhe Berat. Sipas të dhënave nga Agjencia Kombëtare e......
Rritet numri i kompanive në shërbime financiare dhe sigurime - Analiza/ Si ka ndryshuar numri i bizneseve në 5 vitet e fundit
Në 5 vitet e fundit, numri i ndërmarrjeve aktive në sektorin e aktiviteteve financiare dhe të sigurimit është rritur ndjeshëm. Nga 1.297 ndërmarrje që......
Kujdes me paratë në pikat kufitare! - Nëse keni mbi 10 mijë euro, duhet t’i deklaroni
Nisja e sezonit turistik dhe rikthimi i emigrantëve në vendlindje për të pushuar shoqërohet shpesh edhe me bllokimin e parave të tyre në kufi. Referuar ligjit......
