Cilat janë mashtrimet që mund t’ju zbrazin llogaritë bankare? - Sadiku: Bankat nuk kërkojnë kurrë të dhëna personale sensitive përmes mesazheve
A ju kanë ardhur email-e apo mesazhe në telefon nga numra që hiqen si të bankës, me linqe që ju kërkojnë të dhënat bankare? Nëse po, kjo ka qenë një përpjekje për të vjedhur paratë në llogarinë tuaj bankare, duke përdor metoda si phishing apo smishing.
Sipas Specialistes së Hetimit të Incidenteve Kibernetike nga AKSK, Eriola Sadiku, hakerët përdorin mesazhe të sofistikuara dhe të vërteta në pamje, duke i bërë qytetarët të mendojnë se janë duke komunikuar me bankën e tyre, me qëllim mashtrimi.
“Këto mesazhe shpesh përmbajnë lidhje të dyshimta që ju kërkojnë të klikoni për të "konfirmuar" ose "verifikuar" diçka, mund të jenë në trajten e kërcënimeve për mbyllje të llogarisë, ose premtime për shpërblime dhe dhurata të rreme. Kur qytetari klikon në këto lidhje, mund të dërgojë informacionet e tij sensitive, si numrin e kartës, fjalëkalimin ose PIN-in, që dërgohen më pas në servera të paligjshëm të hakerëve. Këto të dhëna mund të përdoren për të kryer vjedhje financiare dhe aktivitete të tjera kriminale”, tha Sadiku.
Sipas saj, këto skema janë një mënyrë e shpejtë për të realizuar fitime të paligjshme. Shumë qytetarë nuk janë të vetëdijshëm se po hyjnë në një faqe të rreme.
“Rastet e phishing janë shtuar për shkak të përdorimit gjithnjë e më të madh të shërbimeve online dhe të bankave digjitale. Hakerët përfitojnë nga mungesa e informacionit të qytetarëve, të cilët shpesh nuk janë të informuar se si të identifikojnë këto mesazhe të dyshimta. Është shumë e rëndësishme të theksohet se bankat kurrë nuk kërkojnë të dhëna personale sensitive përmes mesazheve SMS apo emaileve.”
Por cilat janë hapat që duhet të ndjekin qytetarët për të mos rënë pre e këtyre mashtrimeve? Sadiku shprehet se për të shmangur rënien pre e sulmeve phishing, është e rëndësishme që të kontrolloni gjithmonë URL-në/linkun e faqeve që vizitoni, duke u siguruar që të jetë e saktë dhe e besueshme, si dhe të shmangni klikimin në lidhje të dyshimta.
“Aktivizimi i verifikimit me dy faktorë është një masë shtesë sigurie që mund të mbrojë llogaritë tuaja, ndërkohë që përdorimi i fjalëkalimeve të forta dhe të ndryshme për çdo llogari do t'ju ndihmojë të mbroni informacionet. Mos ndani kurrë informacione personale sensitive si numra kartash, fjalëkalime ose kode njëpërdorimshme përmes lidhjeve të dyshimta, pasi bankat nuk kërkojnë të dhëna të tilla përmes mesazheve SMS apo email-eve. Gjithashtu, duhet të shmangni përdorimin e Wi-Fi publik për transaksione financiare dhe të kontaktoni drejtpërdrejtë institucionin për çdo mesazh të dyshimtë që merrni”, sugjeroi Specialistja.
Bazuar në statistikat e Autoritetit Kombëtar për Sigurinë Kibernetike, në gjysmën e parë të 2025 numërohen 43 incidente kibernetike. Sulmet më të shpeshta në tremujorin e dytë kanë qenë të tipit DDoS, me qëllim ndërprerjen e shërbimeve publike, por edhe 4 tentativa phishing, spear phishing, 3 skanime të paautorizuara të rrjeteve e të tjera.
Cili është qarku më “punëtor” në vend? Kukësi dhe Gjirokastra kryesojnë listën. Janë më aktivët në ekonomi
Kur flasim për punësimin në Shqipëri, të dhënat tregojnë se jo të gjithë qarqet ecin me të njëjtin ritëm. Në vitin 2024, shkalla e punësimit dhe ajo e......
Më shumë naftë në treg në vitin 2025 - IEA rrit parashikimin pas vendimit të OPEC+ për të shtuar prodhimin
Agjencia Ndërkombëtare e Energjisë (IEA) njoftoi se ka rritur parashikimin për furnizimin me naftë për këtë vit, pas vendimit të grupit prodhues OPEC+ për të......
Ministria Mbrojtjes urdhëron evakuim urgjent të banorëve në Nartë, Skënderbegas dhe Delvinë!
Ministria e Mbrojtjes nxori sot urdhër urgjent evakuimi për banorët në Nartë, Skënderbegas (Gramsh) dhe Delvinë. “Për shkak të përhapjes së shpejtë të......
“Situata e zjarreve, drejt stabilizimit” - Ministria e Mbrojtjes: Mbi 10 mijë forca të emergjencave, në terren
Gjatë 24 orëve të fundit janë evidentuar 64 vatra zjarri, nga të cilat 24 vatra zjarri janë ende aktive. Sipas Ministrisë së Mbrojtjes, mbi 10 mijë forca të......
Dollari i rikthehet rënies ndërsa Franga rikuperon pikë!
Dollari amerikan ka regjistruar sërish zbritje të vlerës këtë mëngjes teksa është blerë sot me 82.2 lekë dhe është shitur me 83.6 lekë sipas kursit të......
Rama: Mirënjohje për zjarrfikësit, dënimin më të rëndë atyre që ndezin zjarre qëllimisht!
Kryeministri Edi Rama reagoi sot lidhur me situatën e zjarreve në vend duke falënderuar të gjitha forcat e angazhuar për shuarjen e tyre, ndërsa theksoi se......
Operacion i gjerë kundër zjarreve gjatë natës/ Vengu: Tre helikopterë në Gramsh dhe dy në Delvinë!
Ministri i Mbrojtjes, Pirro Vengu njoftoi sot se operacioni i gjerë kundër zjarreve ka vijuar pa ndalim gjatë gjithë orëve të natës për të kufizuar......
Cilat janë 10 bashkitë më të rrezikuara nga zjarret? - BB: Shqipëria, në nivele të larta ekspozimi. 900 ngjarje në 2 dekada
Në një kohë kur disa bashki në vend po përballen me zjarre dhe dëme të konsiderueshme, rreziku nga ky fenomen parashikohet në rritje. Në raportin e fundit......
