891 milionë lekë për Censin e Bujqësisë - Parashikohen gjoba kush nuk jep informacione të sakta
Pas përmbylljes së Censit të Popullsisë dhe Banesave në vitin 2023, Instituti i Statistikave po përgatitet për Censin e Bujqësisë. Projektligji është nxjerrë për konsultim publik, ndërsa synimi është që ky cens të mbulojë të gjitha njësitë ekonomike që përdorin tokë bujqësore ose që kryejnë aktivitete bujqësore dhe blegtorale brenda territorit të Republikës së Shqipërisë.
Këto njësitë ekonomike mund të tregtojnë plotësisht apo pjesërisht produktet e tyre, ose t’i përdorin vetëm për nevoja familjare. Qëllimi i censit është të mbulojë 98 për qind të sipërfaqes së përdorur për bujqësi, me përjashtim të kopshtarisë, si dhe 98 për qind të njësive blegtorale në të gjithë vendin.
Nga ana financiare, ky proces pritet të kushtojë rreth 891 milionë lekë. Mbi gjysmën e kësaj shume, ose 475 milionë lekë, do të përdoren për pagesën e burimeve njerëzore, ku përfshihen anketues, kontrollorë, specialistë IT dhe staf mbështetës në fushat e financës, ligjit dhe logjistikës. Shpenzimet për udhëtime dhe monitorime në terren janë planifikuar në vlerën 17 milionë lekë.
Për pajisjet dhe furnizimet, ku përfshihen kryesisht marrja me qira e makinave dhe pajisjet kompjuterike për stafin, janë parashikuar rreth 60 milionë lekë. Gjithashtu, në buxhet janë llogaritur edhe 29 milionë lekë për zyrat me qira, që do të përdoren për trajnime dhe operacione gjatë zhvillimit të censit në terren.
Për zbatimin e këtij procesi ngarkohen Instituti i Statistikave dhe Ministria e Bujqësisë dhe Zhvillimit Rural, e cila do të sigurojë personelin e specializuar dhe mbështetjen e nevojshme për realizimin e aktivitetit.
Sipas projektligjit, refuzimi për të dhënë informacionin e kërkuar apo dhënia e të dhënave të rreme do të gjobitet me vlerë që varion nga 30 mijë deri në 100 mijë lekë.
Ky Cens i Bujqësisë është një nga proceset më të rëndësishme statistikore në vend, i cili do të sigurojë të dhëna të sakta dhe të përditësuara për sektorin bujqësor dhe blegtoral, duke ndihmuar në hartimin e politikave zhvillimore dhe menaxhimin më të mirë të burimeve rurale në Shqipëri.
Tarifa për turistët i sjell Venecias 5,4 mln euro - Në qendrën historike jetojnë më pak se 50.000 vetë, por vijnë miliona turistë në vit
Dhjetë euro u është dashur të paguajnë turistëve ditorë për të vizituar qendrën historike të Venecias më 2025. Qyteti ndërkohë ka përfunduar fazën e provës me......
Qeveria gjermane miraton pr/buxhetin 2026 - Trefishohet huamarrja. Investime rekord për mbrojtjen dhe infrastrukturën
Kabineti gjerman miratoi një projektbuxhet të vitit 2026 që përmban investime rekord dhe tre herë më shumë huamarrje se vitin e kaluar. Ekonomia më e madhe e......
SHBA po humb garën kundër Kinës? - Analiza/ Politikat e Trump po thellojnë diferencën midis superfuqive
Shtetet e Bashkuara po e humbasin garën me Kinën. Ky nuk është një përfundim që shumë do ta kishin nxjerrë gjashtë muaj më parë, por tani duket i......
Fed nuk i “nënshtrohet” Trump - I mban normat e interesit të pandryshuara, pavarësisht presionit politik
Rezerva Federale i mbajti normat e interesit të qëndrueshme dhe nuk ofroi shumë të dhëna se kur mund të ulen kostot e huamarrjes. Vendimi shkaktoi mospajtime......
SHBA vendos tarifa 15% për Korenë e Jugut - Marrëveshja tregtare përfshin 350 miliardë dollarë investime në SHBA
Presidenti i SHBA-së, Donald Trump, njoftoi se Uashingtoni kishte arritur një marrëveshje tregtare "të plotë" me Korenë e Jugut, duke vendosur tarifa të......
Tarifat e Trump favorizojnë Kanadanë dhe Meksikën - Prodhuesit amerikanë të çokollatës përballen me kosto më të larta se fqinjët
Tarifat tregtare të Presidentit të SHBA-së, Donald Trump, synojnë të nxisin prodhimin vendas. Por në industrinë e çokollatës, ato po bëjnë të kundërtën: po......
Si është mbyllur ky muaj për valutat kryesore?
Dollari amerikan është blerë këtë të enjte me 84 lekë dhe është shitur me 85.5 lekë duke e mbyllur muajin në rritje sipas kursit të këmbimit lokal. Monedha......
Balluku: Nesër afati i fundit për bizneset që të zhvendosen nga hapësirat që kanë zaptuar pranë akseve kombëtare
Data 31 korrik është afati i fundit për të gjitha subjektet tregtare të vendosura pranë akseve kombëtare që të zhvendosen vetë nga hapësira që kanë zaptuar......
