Europa Postuar më 3 Mars 2025, 16:20

Britania, 2 mld dollarë për Ukrainën Financimi lejon blerjen e 5,000 raketave të mbrojtjes ajrore 

Nga Kristi Ceta

Britania, 2 mld dollarë për Ukrainën  Financimi lejon blerjen e

Mbretëria e Bashkuar do t'i sigurojë Ukrainës një paketë të re financimi prej 2 miliardë dollarësh për të forcuar mbrojtjen e saj, duke lejuar blerjen e 5,000 raketave të mbrojtjes ajrore.

Kryeministri britanik Keir Starmer u kërkoi fuqive evropiane të ndërmarrin veprime vendimtare, pas një samiti për mbrojtjen e Ukrainës. Ai paralajmëroi se Perëndimi po qëndron në një "udhëkryq të historisë".

Ai u bëri thirrje gjithashtu liderëve evropianë që t'i bashkohen Britanisë dhe Francës për të ndihmuar në ruajtjen e stabilitetit, nëse lufta në Ukrainë arrin një zgjidhje të negociuar.

Britania priti një samit të liderëve evropianë të dielën për të përforcuar mbështetjen për presidentin ukrainas Volodymyr Zelensky, pas tensioneve në takimin e Zyrës Ovale me Presidentin e SHBA-së Donald Trump.

Starmer njoftoi se Britania, Franca dhe Ukraina kishin rënë dakord të zhvillonin një plan armëpushimi për t’ua paraqitur Shteteve të Bashkuara. Ai tha se propozimi doli nga diskutimet midis udhëheqësve pas mosmarrëveshjes në Shtëpinë e Bardhë.

Mbretëria e Bashkuar njoftoi para disa ditësh një hua prej 2.26 miliardë paundësh për Ukrainën, që synon të forcojë industrinë e mbrojtjes së Kievit.

Marrëveshja e huasë u nënshkrua nga kancelarja e Mbretërisë së Bashkuar Rachel Reeves dhe ministri i financave të Ukrainës Sergii Marchenko, me këstin e parë që pritet javën e ardhshme.

Britania tha se kredia për Kievin do të financohet nga fitimet nga asetet e ngrira ruse si pjesë e një pakete mbështetjeje prej 50 miliardë dollarësh të zotuar nga vendet e G7.

 

Sondazh

Poll

Live TV

Të fundit
Të gjitha lajmet

Më të vizituarat