Kina, masa të reja për të inkurajuar lindjet - Propozohet ulja e moshës së martesës për të frenuar “tkurrjen” e popullsisë
Kina propozon uljen e moshës ligjore të martesës për të inkurajuar lindjet. Ky është një nga propozimet që po shqyrtohet këtë javë nga Konferenca Konsultative Politike e Popullit Kinez, një nga organet kryesore të qeverisjes së Pekinit.
Nisma, konkretisht, konsiston në reduktimin e moshës ligjore të martesës në 18 vjeç për të dyja gjinitë, në raport me 22 vjeç për burrat dhe 20 për grate që është aktualisht. Ideja vjen nga një profesor i ekonometrisë në Universitetin e Pekinit, anëtar i së njëjtës Konferencë, i bindur se kjo masë mund të ndihmojë në rritjen e lindjeve, të cilat kanë ardhur në rënie prej disa kohësh.
Në fakt, kjo çështje ka qenë në qendër të debatit publik prej vitesh në Kinë. Në vitin 2022, popullsia u tkurr për herë të parë në gjashtëdhjetë vjet dhe, sipas ekspertëve, rënia pritet të vazhdojë. Ky trend nuk nxitet vetëm nga kostoja e lartë e jetesës, por edhe nga faktorë socio-kulturorë, si zgjedhja për t'u martuar dhe për të pasur fëmijë në një moshë më të vonë.
Kufiri ligjor prej 22 vitesh për burrat dhe 20 për gratë u prezantua rreth vitit 1980, në lidhje me politikën e “vetëm një fëmije”, kur qeveria e Pekinit synoi të frenonte rritjen e popullsisë. Me kalimin e kohës, shoqëria kineze është mësuar të planifikojë me kujdes martesën dhe fëmijët, duke i dhënë përparësi studimit, punës dhe konsolidimit të pozitës ekonomike.
Sipas të dhënave të fundit, në vitin 2020 mosha mesatare në martesën e parë ishte rreth 29 vjeç për burrat dhe 28 për gratë. Për shumë vëzhgues, edhe nëse ligji e lejon martesën në moshën 18-vjeçare, nuk do të kishte gjasa që zakonet e konsoliduara të ndryshonin papritur: kostoja e lartë e arsimit cilësor dhe konkurrenca në tregun e punës në fakt po i nxisin të rinjtë të shtyjnë martesën dhe formimin e një familjeje.
Shumë njerëz mendojnë se pengesa e vërtetë e lindjeve nuk është mosha ligjore e martesës, por presionet ekonomike që rëndojnë mbi të rinjtë. Kostot e larta të rritjes së fëmijëve, nga kujdesi shëndetësor deri te tarifat e shkollë, dekurajojnë shumë çifte, veçanërisht në qytetet e mëdha, ku ritmi i jetës është i furishëm dhe strehimi është i shtrenjtë.
Të tjerë, megjithatë, kritikojnë hapur idenë e uljes së moshës së martesës, nga frika se rrezikon të "instrumentalizojë" popullatën e re, duke e konsideruar atë një burim lindjesh të reja në dobi ekskluzive të statistikave kombëtare. Propozuesi i masës u përgjigj se nisma e tij përfshin edhe sugjerime shtesë, si stimuj ekonomikë dhe forcimin e shërbimeve mjekësore kushtuar prindërve.
Sipas parashikimeve të shumë ekonomistëve, qeveria kineze do të vendosë një objektiv rritjeje ekonomike prej rreth 5%. Por ka shumë të panjohura: kërkesa e brendshme mbetet e dobët pas periudhave të gjata të kufizimeve shëndetësore dhe eksportet përballen me tarifa dhe tensione nga Shtetet e Bashkuara.
Sondazh
Si po evoluon tregtia midis Bashkimit Europian dhe Ukrainës?!
Eksportet e BE-së në Ukrainë u rritën me 9.3% në tre muajt e fundit të 2024 krahasuar me tremujorin e mëparshëm, ndërsa importet nga Ukraina panë një rënie......
Buxheti, rreth 60.8 mld lekë të ardhura në janar - Shpenzimet e përgjithshme publike arritën në rreth 45 mld lekë
Gjatë muajit të parë të vitit buxheti i shtetit arkëtoi rreth 60,8 miliardë lekë të ardhura. Referuar të dhënave paraprake nga Ministria e Financave, të......
Shqiptarët po organizojnë vetë udhëtimet e tyre - Agjencitë turistike, në sfidë. Gjecaj: Ndikuan linjat ajrore low-cost
Shqiptarët po shkëputen nga mënyra tradicionale e prenotimit të pushimeve përmes agjencive turistike dhe po zgjedhin të organizojnë vetë çdo detaj. Sipas të......
Nis shpërndarja e bonusit të pranverës - Pensionistët: Shpërblimi ndihmon, por do të preferonim rritje të pensionit!
“Duke filluar nga dita e sotme, të gjithë pensionistët mund të tërheqin bonusin e pranverës. Pensionistët që marrin deri në 20 mijë lekë pension do të......
Bursa Shqiptare me çmime “të kripura” energjie - Janari shënon shtrenjtim me 68%, vlera e transaksioneve arriti në rreth 33.8 mln euro
Rreth 115 mln mWh energji u tregtua në Bursën Shqiptare të Energjisë Elektrike gjatë muajit janar të këtij viti, teksa vlera e transaksioneve përllogaritet......
Zgjerohet tregu i lirë energjetik - OSHEE ngre Platformën e Funizuesit, vitin që vjen dalin klientët e tensionit 6 kV
Tregu i liberalizuar i energjisë elektrike do të zgjerohet vitin e ardhshëm me klientët e lidhur në tensonin 6 kV. Gjithçka u bë me dije gjatë prezantimit të......
“Viti 2025 shpallet viti i diasporës”! - Berisha, thirrje emigrantëve të regjistrohen për të votuar në zgjedhjet e 11 majit
2025-a do hyjë në historinë tonë kombëtare si viti i diasporës shqiptare. Deklarata është bërë nga kryetari i Partisë Demokratike, Sali Berisha, referuar......
“Priten blerje të mëdha nga qytetarët” - BSH: Rritet besimi në ekonomi. Ndërtimi dhe shërbimet, të vetmit me rënie
Pas një rënieje në dy muajt e mëparshëm, besimi në ekonomi është përmirësuar gjatë shkurtit. Sipas vrojtimit të Bankës së Shqipërisë, treguesi i ndjesisë......
