KMD zbret në Fushë-Arrëz – Në fokus, shqetësimet e qytetarëve për diskriminimin dhe aksesin në shërbime
Komisioneri për Mbrojtjen nga Diskriminimi zhvilloi takimin e dytë të turit kombëtar “Udhëtimi në Shqipëri”, këtë herë në Fushë-Arrëz, ku qytetarë, përfaqësues të institucioneve vendore dhe organizata të shoqërisë civile diskutuan për problematikat e diskriminimit në zonat rurale.
Komisionerja Genta Tafa Bungo tha se diskriminimi nuk është vetëm një problem i zonave urbane, por mund të shfaqet kudo ku ka marrëdhënie shoqërore. Sipas saj, zonat e thella rurale përballen me vështirësi të veçanta për shkak të mungesës së shërbimeve dhe barrierave sociale.
Një nga kategoritë e prekura janë gratë në zonat rurale, të cilat, sipas Komisioneres, përballen me pengesa në trashëgiminë e pronës, pjesëmarrjen në vendimmarrje dhe aksesin në burime ekonomike, si toka dhe kreditë.
Vëmendje iu kushtua edhe personave me aftësi të kufizuara, për të cilët rrugët, transporti dhe ndërtesat publike jo gjithmonë plotësojnë nevojat e tyre. Këto problematika, sipas KMD-së, mund të shtojnë izolimin dhe vështirësitë në marrjen e shërbimeve.
Në takim u diskutua gjithashtu për të rinjtë, veçanërisht vajzat, të cilat në zonat rurale mund të përballen me presione sociale që ndikojnë në mundësitë e tyre për arsimim. Komisionerja përmendi edhe komunitetet rome dhe egjiptiane, si dhe personat e moshuar, të cilët hasin pengesa të ndryshme në aksesin e barabartë në shërbime.
Përfaqësuesit e Komisionerit informuan qytetarët mbi të drejtat që garanton ligji dhe mënyrat e mbrojtjes nga diskriminimi, ndërsa gjatë takimit u diskutuan edhe raste konkrete të evidentuara nga banorët.
Nisma “Udhëtimi në Shqipëri”, e mbështetur edhe nga projekti PACEP II, synon ta afrojë institucionin me qytetarët në zona të ndryshme të vendit. Pas Malësisë së Madhe dhe Fushë-Arrëzit, turi do të vijojë në Kukës më 29 shtator, ku fokusi do të jetë përfshirja dhe aksesueshmëria e personave me aftësi të kufizuara.
Mishi, rekord importi/ Rritet fatura për kilogram. Rreth 939 milionë lekë në total për një muaj
Shqipëria po paguan gjithnjë e më shumë për mishin e importuar, edhe kur sasia nuk është në nivele rekord. Në gusht 2026, importet e grupit “Mish dhe të......
Ujësjellësit, më shumë energji - Raporti i ERRU: Eficienca energjetike, përmirësim vetëm Korça dhe Lezha
Konsumi i energjisë elektrike nga ujësjellësit ka shënuar rritje për të dytin vit radhazi, duke evidentuar sfidat e sektorit të ujësjellës-kanalizimeve në......
Arsimi, më shumë programe - Njësimi përfshin diploma të tjera ndërkombëtare të shkollave private
Diplomat e programeve të tjera ndërkombëtare, të lëshuara nga gjimnazet private të licensuara në Shqipëri, do të përfshihen në procedurën e......
Nafta ndez alarmin e kuq - Një zhvillim i papritur po trazon tregjet
Nafta po përballet me një tjetër kthesë të fortë, pasi shpresa për një zgjidhje diplomatike mes Shteteve të Bashkuara dhe Iranit nuk është materializuar ende.......
Sa po përdoren aplikacionet? ChatGPT dhe Temu kryesojnë, por TikTok nuk mbetet pas
Tregu i aplikacioneve po tregon gjithnjë e më shumë ndryshime në mënyrën se si përdoruesit zgjedhin të shpenzojnë kohën, të blejnë online, të komunikojnë apo......
Borxhi po rëndon familjet - BSH: 16% e tyre kanë kredi. Këstet zënë një pjesë më të madhe të të ardhurave
Më pak familje shqiptare kanë hua për të shlyer, por për ato që kanë marrë kredi, pesha e kësteve mbi të ardhurat është rritur. Të dhënat e Bankës së......
Manifaktura drejt integrimit - Shoqata e industrisë prodhuese, letër ambasadores së BE në Shqipëri
Shoqata “Manifaktura Shqiptare” i është drejtuar Ambasadores së Bashkimit Evropian në Shqipëri me kërkesën për një dialog më të strukturuar dhe të vazhdueshëm......
Treni vjen në 2027-ën? - Muçaj: Tiranë-Durrës-Rinas, drejt vënies në funksion. Vorë-Hani i Hotit e Durrës-Rrogozhinë, deri në 2030
Hekurudha Tiranë–Durrës dhe lidhja me aeroportin ndërkombëtar të Rinasit synohen të vihen në funksion gjatë vitit 2027. Afati është bërë i ditur nga......
