"Gara e kuzhinës" si renditet Shqipëria? “TasteAtlas”: E 90-ta në botë, vlerësohemi me 3.9 yje. Italia mban 'kurorën'
“TasteAtlas”, një udhëzues me përvojë për ushqimin tradicional që mbledh receta autentike, komente të kritikëve të ushqimit dhe artikuj kërkimor rreth përbërësve e pjatave të njohura e ka renditur kuzhinën shqiptare në vend të 90-të në botë mes 100 vendeve të marra në analizë në total për vitin 2023.
Mikpritja është një zakon themelor i shoqërisë shqiptare dhe shërbimi i ushqimit është pjesë përbërëse e pritjes së mysafirëve dhe vizitorëve. Përsa i përket traditës së gatimit të popullit shqiptar themi se gatimet janë të larmishme dhe favorizohen nga fakorët mjedisorë, faktorë këto të përshtatshëm për kultivimin e pothuajse të gjitha llojeve të bimëve, perimeve dhe frutave.
Por cilat janë ushqimet më të preferuara sipas “Tasteatlas”? Vlerësimet rendisin si ushqime të preferuara kryesisht gatimet që në përbërjen e tyre kanë produkt mishin. Në vendin e parë renditet sarma me 4.4 yje, më pas qofte të fërguara me 4.3 yje dhe tavë kosi me 3.5 yje. Gjithashtu, vlerësohen me pikë të kënaqshme edhe gatimet si Fërgesë Tirane, Fli dhe Ballokume Elbasani .
Nga ana tjetër, gatimet italiane vlerësohen me 4.65 yje duke bërë kështu që kuzhina italiane të pozicionohet në vendin e parë mes 100 shteteve të marra në studim, renditje kjo e njëjtë edhe me atë të vitit 2022. Më pas ndiqet nga kuzhina japoneze dhe ajo greke të cilat po ashtu gëzojnë vlerësime të larta, mbi 4.6 yje. Në vend të fundit, të cilësuara si kuzhina më pak të preferuara, renditen kuzhina e Uellsit dhe Republikës Domenikane me vlerësime të barabarta, përkatësisht me 3.88 yje.
Por si paraqitet “gara e kuzhinës “ për vendet e rajonit? Vlerësimet tregojnë se Shqipëria ka humbur garën. Ashtu si edhe në vitin 2022 kuzhina shqiptare nuk ka arritur të përmirësohet në vlerësim pasi krahasuar me vendet e rajonit ajo renditet në fund të tyre. Serbia, Bosnje Hercegovina dhe Maqedonia e Veriut renditen në vend të 20-të, 27-të dhe 61-të. Ndërkohë, Mali i Zi dhe Kosova nuk janë në listë.
Theksojmë se vlerësimi i kuzhinës për çdo vend bazohet në mendimin e përdoruesve për tridhjetë pjatat, pijet dhe produktet ushqimore më të mira në secilin vend. Në qoftë se ndonjë vend nuk përmbush këtë kriter, pra nuk ka artikuj mjaftueshëm për t'u vlerësuar atëherë nuk bëhet pjesë e listës. Duke e përshkruar veten si “një atlas botëror i pjatave tradicionale, përbërësve vendas dhe restoranteve autentike”, “TasteAtlas” përmban një hartë globale interaktive ushqimore me ikona të pjatave të shfaqura në rajonet e tyre përkatëse dhe supozohet se përmban gati 10,000 pjata, pije dhe përbërës, si dhe 9,000 restorante.
Sondazh
Më pak lodra se një vit më parë/ Bie importi me 7% gjatë 11-mujorit, Kina zë rreth 84% të peshës
Periudha e festave ndikon në importin e produkteve të caktuara dhe sidomos në tregun e lodrave dhe produkteve piroteknike. Tregu i tyre pëson një rritje të......
PBB ngjitet me 3.46% në tremujorin e tretë/ "Adminstrata Publike " dhe "Real Estate" stimuluan rritjen ekonomike
Ekonomia në vendin tonë përgjatë vitit 2023 pati një performancë pozitive që u stimulua nga rritja e të ardhurave në sektorët kryesorë të saj, megjithëse është......
Mjetet për pasagjerë, cili qark kryeson?/ Durrësi ka numrin më të lartë për banorë, Dibra me rritjen më të lartë vjetore
Historiku i statistikave të mjeteve rrugore reflekton një rritje të numrit të automjeteve në vendin tonë nga viti në vit, duke na lënë të kptojmë se Shqipëria......
Çmimet në Shqipëri 'kapërcejnë' kufirin e BE-së/ Në muajin Nëntor inflacioni sipas Eurostat arrin në 4.5%
Indeksi i Harmonizuar i Çmimeve të Konsumit, që mat rritjen e çmimeve sipas metodologjisë së ‘Agjencisë Europiane të Statistikave', në muajin Nëntor të vitit......
Cili është qarku më “punëtor”? Berati dhe Elbasani, me shkallën më të lartë të punësimit. Lezha e Dibra, rekord papunësie
Sipas shifrave zyrtare të INSTAT, në vitin 2022, forcat e punës në Shqipëri numërojnë rreth 1.45 milion persona, të cilët përfaqësojnë popullsinë aktive të......
Rriten shitjet me pakicë me 5.6%/ Ndikimi i turizmit, karburantet dhanë kontributin më të madh
Sipas të dhënave të INSTAT tregtia më pakicë paraqitet me rritje në tremujorin e tretë të këtij viti për shkak të rritjes së konsumit si pasojë e sezonin veror......
Ekzaminimet mjekësore, Shqipëria në fund të Europës/ Eurostat: 13.7% e shqiptarëve raportojnë nevoja të paplotësuara
Sipas të dhënave të publikuara nga EUROSTAT, Shqipëria është vendi i parë në Europë me përqindjen më të lartë të popullsisë së moshës 16 vjeç e lart, të cilët......
Paga mesatare arrin në 71,486 lekë/ Instat: Vlerat më të larta të rritjes për punonjësit e shtetit
Sipas të dhënave zyrtare nga “INSTAT” paga mesatare mujore bruto në vendin tonë për tremujorin e tretë të këtij viti arriti në 71,486 lekë. Rritja shënohet si......
