Paga mesatare arrin në 71,486 lekë/ Instat: Vlerat më të larta të rritjes për punonjësit e shtetit
Sipas të dhënave zyrtare nga “INSTAT” paga mesatare mujore bruto në vendin tonë për tremujorin e tretë të këtij viti arriti në 71,486 lekë. Rritja shënohet si në terma vjetorë me 16%, ashtu edhe krahasuar më tremujorin e kaluar. Po të flasim në shifra absolute rritja e pagave përgjatë një viti është afërsisht 10 mijë lekë, ndërsa gjatë tre muajve është rritur me 5 mijë lekë.
Nëse flasim për aktivitetet ekonomike shohim se grupet që ofrojnë pagë mesatare mujore bruto, më të lartë se paga mesatare në nivel kombëtar, janë Aktivitetet Financiare dhe të Sigurimit dhe Informacioni dhe Komunikacioni, me 132,686 lekë dhe 105,585 lekë përkatësisht. Nga të dhënat pagën më të ulët bruto e regjistrojnë “Bujqësia” dhe “Ndërtimi” me 47,648 lekë dhe 57,080 lekë.
Sipas shifrave, krahasuar me të njëjtin tremujor të vitit të kaluar, gjatë tremujorit të tretë 2023 paga mesatare bruto për grup-aktivitetin e ‘Administratës publike dhe mbrojtjes; sigurimi social i detyrueshëm; arsimi; shëndetësia dhe aktivitete të punës sociale’, ka rritjen më të madhe prej 18.6%. Me rritje po ashtu vërehet paha në sektorin e ndërtimit me 16.3%, ndjekur nga tregtia me 16%. Ndërkohë, rritjen më të vogël e ka grup-aktiviteti ‘Aktivitetet Financiare dhe të Sigurimit’ prej 11.4% dhe ‘Arte, argëtim dhe çlodhje’ me 11.7%.
Por si është ndryshimi tremujor i pagës për aktivitetet ekonomike? Sipas të dhënave të analizuara nga “Scan Intel” rritjen më të madhe, krahasuar me tremujorin e kaluar, e ka shënuar grupi i aktiviteteve të pasurive të paluajtshme me 3.7%, pasuar nga administrata publike me 3.2% duke reflektuar kështu ndryshimet e pagave të miratuara nga qeveria. Nga ana tjetër, krahasuar me tremujorin e dytë, me rënie paraqiten pagat për grupin e aktiviteteve financiare me 11% dhe informacionit e komunikacionit me 5.8%.
Gjatë tremujorit të tretë 2023, grup-profesionet e “Manaxherëve, Ligjvënësve, Nëpunësve të lartë të administratës shtetërore dhe drejtorëve ekzekutivë” dhe “Specialistë me arsim të lartë (profesionistë)”, ofrojnë pagat mesatare mujore bruto më të larta, krahasuar me pagën mesatare në nivel kombëtar.
Sa i përket papunësisë, norma në tremujorin e tretë të këtij viti fiksohet pranë 10.5%, duke shënuar një rekord historik minimal. Sipas të dhënave të INSTAT, shkalla zyrtare e papunësisë u ul me 0,03 pikë përqindje, në krahasim me tremujorin e tretë të vitit 2022, dhe me 0,2 pikë përqindje, krahasuar me tremujorin e dytë të vitit 2023.
Sondazh
Çmimet e prodhimit rriten më shumë se të importit/ Rritja u ndikua kryesisht nga industria nxjerrëse dhe energjia
Sipas të dhënave të publikuara nga INSTAT dy tregues të rëndësishëm si indeksi i çmimit të prodhimit dhe indeksi i çmimit të importit kanë shënuar rritje në......
Kostot në ndërtim rriten me 4.2%/ Shpenzimet për energji dhe materiale me ndikimin më të lartë
Indeksi i Kushtimit në Ndërtim vijon rritjen edhe gjatë muajve Korrik-Shtator, por këtë tremujor duket se rritja është ngadalësuar. Sipas të dhënave të......
Çmimet i rikthehen rritjes/ Inflacioni në Nëntor pranë 3.9%, zarzavatet vijojnë me rritje dyshifrore
Ndërkohë që norma e inflacionit gjatë Tetorit ishte pranë 3.8%, të dhënat nga “Instituti i Statistikave” tregojnë se në muajin Nëntor të këtij viti norma e......
Të rinjtë në vend, sa punojnë gjatë arsimit? Instat: Rreth 44% e të rinjve gjithsej janë edhe në punë edhe në shkollë
Tregu shqiptar i punës, gjatë vitit 2022, u karakterizua nga një rënie prej 0,6 pikë përqindje e shkallës së papunësisë, krahasuar me një vit më parë. Shkalla......
Më pak fatalitete nga shkaqet natyrale/ Instat: Rritet pesha e vetëvrasjeve dhe aksidenteve në humbjet e jetëve.
Të dhënat demografike të publikuara nga INSTAT për vitin 2022, flasin për një rënie të numrit total të fatalitetve në vendin tonë. Numri i humbjeve gjatë......
Dhuna në familje, 68.9% e rasteve nga bashkëshorti/ Durrësi regjistron numrin më të lartë, kuksianët 'larg' dhunës
‘Instituti i Statisitikave’ raporton se gjatë dy viteve të fundit, 2021-2022, rastet e evidentuara nga policia për dhunën e ushtruar në familje kanë......
Konsumatorët "i largohen" blerjeve të mëdha/ Treguesi i besimit në ekonomi në rënie, optimist vetëm ndërtimi
Banka e Shqipërisë, nëpërmjet vrojtimit të besimit të biznesit dhe konsumatorit, sinjalizon se Treguesi i Ndjesisë Ekonomike vijon rënien edhe në muajin nëntor......
Shqiptarët, pronarë. Europianët, me qira/ Renditemi të dytët në Europë me përqindjen më të lartë të pronësisë së shtëpive
Të dhënat nga "Instituti i Statistikave" tregojnë se është rritur përqindja e familjeve që kanë statusin pronar dhe të dhënat historike bëjnë me dije se shifra......
