Financimi i Murriqan–Lezhë, nga BERZH? - Banka po shqyrton mundësitë, segmenti 40,3 km është pjesë e Korridorit Adriatiko – Jonian
Banka Evropiane për Rindërtim dhe Zhvillim po shqyrton mundësinë e financimit të ndërtimit të autostradës Murriqan – Lezhë, një nga segmentet e Korridorit Adriatiko – Jonian në territorin shqiptar. Interesi i bankës bëhet i ditur në Planin e Angazhimit të Palëve të Interesuara, të përgatitur në kuadër të projektimit të detajuar, përditësimit të vlerësimit të ndikimit mjedisor e social dhe hartimit të dokumenteve të tenderit.
Sipas dokumentit, BERZH po vlerëson financimin për Ministrinë e Infrastrukturës dhe Energjisë, që është institucioni përfitues i projektit, teksa identifikohet si institucioni financiar ndërkombëtar kryesor për këtë investim. Megjithatë, dokumenti nuk përcakton shumën e financimit dhe nuk konfirmon një vendim përfundimtar për miratimin e tij. Financimi që po shqyrtohet nga BERZH për segmentin Murriqan – Lezhë ndryshon nga skema që ka zgjedhur qeveria për financimin e segmenteve të tjera të Korridorit Adriatiko–Jonian, nga Balldreni deri në Fier, për të cilat është vepruar përmes kontratave të partneritetit publik – privat (PPP).
Autostrada e parashikuar ka një gjatësi prej rreth 40,3 km. Ajo nis në pikën kufitare të Murriqanit, në kufirin me Malin e Zi, dhe përfundon në zonën e Balldrenit, në veri të Lezhës. Gjurma kalon në territorin e bashkive Shkodër, Vau i Dejës dhe Lezhë.
Projekti parashikon një autostradë me katër korsi, nga dy për secilin drejtim, me shpejtësi projektimi prej 120 km/orë. Ajo do të ndërtohet në një gjurmë të re, ndërsa rruga ekzistuese kombëtare do të ruhet për t’i shërbyer trafikut lokal dhe si alternativë për lëvizjen e automjeteve.
Sipas objektivave të paraqitura në dokument, ky segment synon të përmirësojë lidhjen me Malin e Zi dhe lëvizjen përgjatë aksit veri – jug, të reduktojë kohën e udhëtimit dhe të lehtësojë ngarkesën e trafikut në zonat urbane. Po ashtu, përmirësimi i sigurisë rrugore dhe krijimi i kushteve për zhvillimin ekonomik lokal e rajonal renditen ndër përfitimet e pritshme.
Rikthim në auditore - Nis viti akademik, 20 mijë të rinj për herë të parë në universitet
Rreth 120 mijë studentë nisën këtë të hënë vitin e ri 1akademik 2026–2027 në universitetet publike dhe private të vendit. Afro 20 mijë prej tyre ulen për herë......
Vajzat po dominojnë auditorët/ Shqipëria ndjek trendin global të dominimit të femrave në arsimin e lartë
Viti i ri akademik 2026-2027 ka nisur në Shqipëri me rreth 120 mijë studentë në universitetet e vendit, ndërsa rreth 20 mijë prej tyre janë të rinj që ulen......
Spanja, zgjedhje më 29 nëntor - Sanchez shpërndan Parlamentin pas humbjes së paketës për strehimin
Kryeministri spanjoll Pedro Sánchez ka shpallur zgjedhje të parakohshme për 29 nëntor, pas humbjes së qeverisë në Parlament për dy dekretet që synonin të......
Rumania ndez bateritë - Era, dielli dhe magazinimi përballë krizës energjetike
Rumania po përshpejton investimet në energjinë e rinovueshme dhe sistemet e magazinimit, teksa përballet me mungesë energjie pas problemeve me prodhimin......
Pensionistët, pa kontribute? - Propozimi/ Të përjashtohen për 4 vite nga detyrimi për të paguar
Një nismë e re ligjore e dorëzuar në komisionet kuvendore synon t'u vijë në ndihmë mijëra qytetarëve që, pavarësisht se kanë mbushur moshën e daljes në......
Avancon sistemi i pagesave - ATS/RTGS, synon modernizimin e infrastrukturës financiare në Kosovë
Banka Qendrore e Republikës së Kosovës (BQK) ka realizuar avancimin e infrastrukturës së saj të pagesave përmes kalimit në versionin më të ri të sistemit......
Financim hekurudhave - BERZH i jep Malit të Zi hua 50 milionë euro për përmirësimin e lidhjes kryesore
Banka Evropiane për Rindërtim dhe Zhvillim (BERZH) i ka dhënë hua Malit të Zi 50 milionë euro për të mbështetur përmirësimin e një hekurudhe 39 km të gjatë që......
Mbi 100 mld euro borxhe - Greqi, rriten detyrimet e prapambetura ndaj tatimeve
Me borxhe të reja prej 9.86 miliardë euro në një vit, grupi i borxheve të prapambetura ndaj Autoritetit Tatimor është "fryrë", me totalin që ka arritur në......
