Financim për bypass-in e Elbasanit, ministri Karakaçi: Buxhet i dedikuar në vitin 2027
Punimet për dy fazat e para të Bypass-it të Elbasanit kanë hyrë në zbatim, ndërsa qeveria paralajmëron vijimin e financimit të fazave të tjera edhe gjatë vitit 2027. Ministri i Infrastrukturës dhe Energjisë, Enea Karakaçi, bëri të ditur se kontratat për dy fazat e para janë lidhur dhe punimet kanë nisur në terren, ndërsa mungesa e shpronësimeve të mëdha pritet të favorizojë ritmin e projektit.
“Kemi lidhur kontratat për dy fazat e para. Aty ku përfundon autostrada Tiranë-Elbasan, ku krijohet dhe fluksi më i madh i trafikut, tashmë kontratat janë lidhur dhe vijon avancimi i punimeve. E kam ndjekur vetë në terren ecurinë e punimeve në këtë kantier dhe fatmirësisht, në të dyja këto faza nuk kemi nevojë për shpronësime të mëdha, sepse një pjesë e këtyre shpronësimeve janë kryer në një kohë të mëparshme dhe, si e tillë, presim të vijojë puna me ritme të mira. Lajmi i mirë është që edhe në buxhetin e vitit 2027 ne do të vazhdojmë me financimin e fazave pasuese të Bypass-it të Elbasanit, që është një nyje strategjike e veprave infrastrukturore në vend, që bën ndarjen e juglindjes me jugun e Shqipërisë”, tha Enea Karakaçi – Ministër i Infrastrukturës dhe Energjisë.
Paralelisht, një tjetër projekt i rëndësishëm infrastrukturor ka hyrë në një fazë të re. Bëhet fjalë për hekurudhën Tiranë-Durrës, me lidhjen me aeroportin e Rinasit, ku interesi ndërkombëtar për operimin e linjës duket se është i lartë.
“Kishim një takim shumë të rëndësishëm dje, që është për përzgjedhjen e operatorit ndërkombëtar për hekurudhën Tiranë-Durrës, me stacionin kryesor, aeroportin e Rinasit. Lajmi i mirë është që janë nga 3 deri në 5 kompani ndërkombëtare me shumë eksperiencë që kanë shfaqur interes dhe duan të jenë pjesë e garës së operatorit ndërkombëtar. Procesi është në vijim dhe shumë shpejt do të kemi finalizimin e këtij procesi”, deklaroi Karakaçi
Dy projektet synojnë të ndikojnë drejtpërdrejt në lëvizjen e njerëzve dhe mallrave, duke lehtësuar trafikun rrugor dhe duke zgjeruar alternativat e transportit publik.
Politika monetare, Sejko: Prania e rreziqeve forcon premisat e një reagimi në kahun shtrëngues
Edhe pse Këshilli Mbikqyrës nuk e ndryshoiu normën bazë të interesit, guvernatori Gent Sejko nuk e përjashtoi mundësinë që kjo të ndodhë së shpejti. Sipas tij......
Bizneset kërkojnë 21 mld lekë - Ibrahimaj: Mbi 1 mijë kërkesa, 35 kredi të miratuara deri tani
Mbi 1 mijë kërkesa janë paraqitur nga bizneset që prej lançimit të programit “Dyfisho Sipërmarrjen Tënde” në korrik, ndërsa deri tani 35 biznese kanë marrë......
Prokurimet publike ndryshojnë sistem - Ibrahimaj: Fondet do të gjurmohen nga tenderi deri te fiskalizimi
Ministrja e Ekonomisë dhe Inovacionit, Delina Ibrahimaj, njoftoi pas mbledhjes së Këshillit të Ministrave se qeveria po përgatit një sistem më të centralizuar......
Çfarë sjell grupi i ri? - Monitorim, të dhëna dhe koordinim në rast krizash furnizimi me naftë
Krijimi i një Grupi Koordinues për Naftën për vendet e Komunitetit të Energjisë nuk nënkupton krijimin e një rezerve të përbashkët rajonale dhe as një......
Ballkani koordinohet për naftën - Grup i ri lidhet me mekanizmin europian për rezervat emergjente
Komuniteti i Energjisë po krijon një Grup Koordinues për Naftën, një mekanizëm të ri që synon të forcojë koordinimin mes vendeve anëtare në rast krizash të......
Hekurudha, më shumë kontrata - Verdho: 25 nënkontraktorë në Tiranë-Durrës-Rinas, mundësi të reja nga projektet e tjera
Projektet për modernizimin e hekurudhave në Shqipëri pritet të krijojnë mundësi për përfshirjen e shumë kompanive, përmes kontraktimit dhe nënkontraktimit të......
Ari në rrezik? - Forcimi i dollarit dhe pritja për sinjalet e Fed shtojnë presionin mbi metalin e çmuar
Ari pësoi rënie këtë të mërkurë, pasi forcimi i dollarit dhe pritshmëritë për politikën e Rezervës Federale shtuan presionin mbi metalin e çmuar. Ari spot......
Pushime më lirë? Borshi, Shëngjini e Saranda ofrojnë alternativa më të përballueshme jashtë pikut
Shqipëria po bëhet gjithnjë e më tërheqëse për udhëtarët me buxhet të kufizuar, por rritja e kërkesës gjatë muajve të verës po i shtyn turistët të kërkojnë......
