Incidentet online shtohen me 46%/ Tirana dhe Fieri kryesojnë rastet, shumica lidhen me rrjetet sociale
Përveç përfitimeve të shumta që ofrojnë rrjetet sociale dhe aksesi në internet, një nga shqetësimet më të mëdha, veçanërisht për të rinjtë, mbeten rreziqet që lidhen me sigurinë dhe mirëqenien në hapësirën digjitale. Ekspozimi ndaj ngacmimeve kibernetike, bullizmit online, përmbajtjeve të papërshtatshme, shantazheve, kërcënimeve, manipulimit apo shfrytëzimit seksual po bëhet gjithnjë e më problematik në mjedisin virtual.
Sipas të dhënave nga platforma iSigurt.al, gjatë vitit 2025 janë raportuar 615 incidente, duke shënuar një rritje prej 46% krahasuar me vitin 2024. Analiza mujore tregon se numri më i lartë i rasteve është regjistruar në muajt shkurt, mars dhe prill, ndërsa gushti rezulton periudha me më pak raportime, kryesisht për shkak të pushimeve verore dhe kohës më të madhe që kalon me familjen.
Nga ana gjinore, vajzat përbëjnë pjesën më të madhe të raportuesve, me rreth 71% të incidenteve të raportuara. Ndërkohë, 23% e rasteve janë raportuar nga djemtë, ndërsa në 6% të rasteve raportuesit kanë zgjedhur të mos deklarojnë gjininë.
Qytetet e mëdha mbajnë peshën kryesore të raportimeve. Tirana kryeson me 335 raste, që përbëjnë mbi 64% të totalit. Pas saj renditen Fieri me rreth 10% të rasteve, Durrësi me 8% dhe Kukësi me 7% të referimeve gjatë gjithë vitit.
Edhe pse rrjeti social TikTok u mbyll ligjërisht në Shqipëri më 16 mars 2025, mbi 82% e incidenteve të raportuara lidhen pikërisht me këtë platformë. Instagram renditet i dyti me 149 raste, që përbëjnë rreth 9% të raportimeve, ndërsa Facebook numëron 127 raste, ose rreth 7% të totalit.
Sa i përket natyrës së ankesave, bullizmi online rezulton forma më e përhapur e incidenteve me 191 raste, ose 32% të totalit. Denigrimi dhe gjuha e urrejtjes zënë vendin e dytë, duke përbërë mbi 40% të rasteve të raportuara. Një ndër shqetësimet më të theksuara mbetet edhe përdorimi i fotove pa autorizim dhe krijimi i profileve të rreme me qëllim dëmtimin e imazhit të individëve.
Sipas grupmoshave, më aktivët në raportimin e incidenteve janë të rinjtë 19–24 vjeç, të cilët përbëjnë 29% të rasteve. Ata ndiqen nga grupmosha 25–35 vjeç me 24%, ndërsa për herë të parë në vendin e tretë renditet grupmosha 15–18 vjeç me rreth 20% të raportimeve.
Më të vizituarat
Cili rrjet social përdoret më shumë në Shqipëri? TikTok mbetet programi më i shkarkuar në nisje të vitit
Rrjetet sociale janë kthyer në një pjesë të pandashme të jetës së përditshme për shumicën e njerëzve, sidomos në një kohë kur trendet e botës virtuale po......
Beja: Doganat drejt inteligjencës artificiale, 112 masa ndaj subjekteve të hidrokarbureve
Administrata doganore po orienton punën drejt përdorimit të inteligjencës artificiale dhe analizës së riskut për të luftuar kontrabandën dhe fenomenet e......
Ilir Binaj: Dixhitalizimi kursen miliona orë pune, fokus i ri te ndërtimi dhe turizmi
Dixhitalizimi i shërbimeve mbetet një nga shtyllat kryesore të administratës tatimore për përmirësimin e shërbimit ndaj tatimpaguesve. Kështu u shpreh......
Petrit Malaj: Të ardhurat në nivele historike, mbi 1 miliard euro më shumë në 2025-2026
Ekonomia shqiptare po hyn në një fazë të re zhvillimi, ku financat publike po shndërrohen në një motor real të rritjes. Kështu u shpreh ministri i Financave,......
Rama: Negociatat me BE-në, proces historik që transformon shtetin shqiptar
Kryeministri Edi Rama vlerësoi sot se procesi negociatave me Bashkimin Europian rrit në mënyrë thelbësore kapacitetet institucionale të vendit. Në një takim......
Video
