Bizneset shqiptare përballë epokës së IA/ BERZH thekson adaptim të ulët, por mund të kompensojë rënien e fuqisë punëtore
Përdorimi i inteligjencës artificiale po përhapet me ritme të shpejta në ekonomitë e zhvilluara, ndërsa vendet e Ballkanit Perëndimor, përfshirë Shqipërinë vazhdojnë të mbeten pas, ndonëse tregojnë shenja të qarta përparimi.
Raporti më i fundit i Bankës Europiane për Rindërtim dhe Zhvillim, “Transition Report 2025-26”, tregon se firmat në rajon po nisin të zbatojnë teknologji të reja të automatizimit dhe IA-së, por niveli i adoptimit është ende dukshëm më i ulët krahasuar me vendet e avancuara. Në këtë kontekst, Shqipëria është pjesë e një grupi vendesh që përballen me të njëjtat sfida teknologjike si mungesën e aftësive të mjaftueshme digjitale, mungesën e investimeve dhe kapacitetet ende të kufizuara të bizneseve për të aplikuar teknologji të gjeneratës së re.
Sipas raportit, firmat më të reja dhe ato të drejtuara nga menaxherë të rinj, me akses më të mirë në talent dhe software plotësues, janë më të prirura të jenë përditësuesit e parë të teknologjive të IA-së.
Shqipëria, ashtu si vendet e tjera të Ballkanit Perëndimor, përballet me një sfidë të madhe niveli i aftësive digjitale. Në raportin e BERZH theksohet se në disa vende të rajonit më pak se 40 për qind e të rinjve arrijnë një nivel të mjaftueshëm të përdorimit të teknologjisë digjitale, çka përkthehet në vështirësi për të përfituar shpejt nga inteligjenca artificiale. Ndërkohë, shumë punonjës të rinj dhe gra gjenden në pozicione pune me rrezik të lartë zëvendësimi nga IA, duke e bërë edhe më urgjente nevojën për investime në trajnime dhe rikualifikim profesional.
Në disa skenarë të modelimit ekonomik, IA mund të kompensojë deri në gjysmën e humbjes së pritshme të produktivitetit që vjen si pasojë e plakjes demografike një skenar i rëndësishëm për Shqipërinë, e cila po përballet me emigrim të lartë dhe tkurrje të fuqisë punëtore.
Në rajon shihet qartë se vendet e avancuara po ecin shumë më shpejt. Shtetet e Bashkuara dhe vendet kryesore të Bashkimit Europian po adoptojnë teknologji të inteligjencës artificiale në shkallë të gjerë, duke krijuar një hendek të ri teknologjik që vendet e Ballkanit duhet ta adresojnë shpejt për të mos mbetur pas.
Shqiptarët, mikpritës ndaj punëtorëve të huaj/ Serbia dhe Maqedonia e Veriut, skepticizëm për rritjen e lejeve të punës
Raporti Securimeter i Këshillit për Bashkëpunim Rajonal hedh dritë mbi perceptimet e qytetarëve të gjashtë vendeve të Ballkanit Perëndimor lidhur me......
Vaji i ullirit, fermerët rrisin cilësinë - Rrapaj: Kultivarët autoktonë prodhim të dobët
Disa nga kultivarët autoktonë të ullirit nuk kanë pasur një sezon të mirë prodhimi këtë vit dhe faktori kryesor që ka ndikuar është thatësira. Në një......
Shqipëria Europiane
E martë 20:00
Inside News
E Premte 20:00
BE arrin marrëveshje për klimën - Synon uljen e emetimeve me 90% deri në vitin 2040
Bashkimi Evropian ra dakord për vendosjen e një objektivi ligjërisht të detyrueshëm për të ulur emetimet e gazeve serrë me 90% deri në 2040, krahasuar me......
Çfarë e pengon rritjen ekonomike në Greqi? - Kriza e banesave dhe mungesa e fuqisë punëtore, ndër faktorët kryesorë
Kriza e banesave, mungesa e fuqisë punëtore të kualifikuar dhe funksionimi joefikas i sistemit gjyqësor përbëjnë, sipas Goldman Sachs, sfidat kryesore për......
Shteg i ri turistik në Dumre - Synohet rritje e aksesit dhe vizitorëve
Bashkia Belsh ka shpallur hapjen e garës krijimin e shtegut turistik Liqeni i Degës – Liqeni i Çestijes – Liqeni Merhojës dhe Kompleksi Dumrea Eco Park në......
Kush duhet të rrisë vlerën e pronës? - Rivlerësimi i pasurive, kostot dhe përfitimet
Nga 1 Janari 2026 qytetarët shqiptarë do të kenë mundësinë të rivlerësojnë pasuritë e tyre me normë tatimore 5 %, me qëllim për të afruar vlerat kadastrale......
