2026 nis “mbarë” për turizmin/ Vizitorët shënuan 15.1% rritje, me fluks të lartë nga rezidentët
Gjatë muajit të parë të vitit 2026, numri i vizitorëve që u akomoduan në strukturat akomoduese në Shqipëri shënoi një rritje të ndjeshme prej 15.1% krahasuar me të njëjtën periudhë të vitit të kaluar. Ky trend tregon se edhe në muajin e janarit, kur nuk konsiderohet sezoni turistik i lartë, turizmi në vend vazhdon të regjistrojë fluks pozitiv vizitorësh.
Të dhënat e INSTAT tregojnë se vizitorët rezidentë kanë shënuar një rritje prej 16.8%, ndërsa vizitorët jo-rezidentë u rritën me 13.8%. Një faktor i mundshëm që ndikoi në këtë trend është prezenca e emigrantëve që vizituan vendin gjatë festave, të cilët përveç takimeve familjare, mund të kenë zgjedhur të bëjnë edhe pushime.
Sa i përket net-qendrimeve, ato gjithashtu shënuan një rritje të përgjithshme prej 9%. Në detaje, net-qëndrimet e vizitorëve rezidentë u rritën me 16.4%, ndërsa vizitorët jo-rezidentë regjistruan një rritje më modeste prej 4.3%.
Analiza rajonale tregon se qendra e vendit vazhdon të jetë destinacioni më i frekuentuar nga vizitorët, e ndjekur nga veriu, ndërsa jugu ka numrin më të ulët të vizitorëve. Edhe zonat jo-bregdetare kanë tërhequr një numër të konsiderueshëm vizitorësh, duke sugjeruar një diversifikim të interesit turistik dhe zhvillimin e turizmit brenda vendit, përtej destinacioneve bregdetare tradicionale.
Për sa i përket vizitorëve të huaj, Italia dominon me pjesëmarrjen më të madhe, duke përbërë 25% të totalit, e ndjekur nga Kosova me 14%. Gjermania kontribuoi me 6%, ndërsa Mbretëria e Bashkuar dhe Franca sollën respektivisht 5% dhe 4% të vizitorëve të huaj. Ndërsa nga vendet e tjera kanë ardhur 46%. Kjo tregon se Shqipëria vazhdon të mbetet një destinacion atraktiv për vendet fqinje dhe ato europiane, madje edhe jashtë sezonit të verës.
Në aspektin e performancës hotele, norma e shfrytëzimit të dhomave arriti 15.4%, një rritje nga 14.5% që ishte në janar 2025. Ky tregues tregon një zhvillim gradual të turizmit, duke reflektuar një interes më të qëndrueshëm të vizitorëve për të qëndruar në hotele, edhe në periudha jashtë sezonit të madh turistik.
Live TV
Rama nga Cernobbio: Integrimi gradual, rruga e Shqipërisë drejt BE-së
Kryeministri Edi Rama, i pranishëm në Forumin e Cernobbios në Itali, ka folur për perspektivën europiane të Shqipërisë dhe mënyrën se si vendi mund të......
Is the German economic recession coming to an end? Germany's economy records its best figures in years
The German economy is showing the first signs of a recovery after a long period of stagnation. Europe's largest economy is on track for its strongest GDP......
Fuel prices at record highs, despite crude oil/ In Europe, costs are affected by refining capacities
The prospect of peace between Iran and the US has driven oil prices up and down sharply in recent months. Brent crude, the international benchmark, has......
TikTok sjell komente me zë/ Përdoruesit do të mund të reagojnë me audio dhe të ndajnë më shumë foto
Seksioni i komenteve në TikTok do të bëhet shumë më kaotik.Platforma po ofron një sërë mënyrash të reja për të bashkëvepruar nën video, duke përfshirë......
