Zyra e Komisionerit organizon panelin me temë “Mbrojtja e të Dhënave si Infrastrukturë e së Ardhmes Digjitale”
Zyra e Komisionerit për të Drejtën e Informimit dhe Mbrojtjen e të Dhënave Personale zhvilloi sot, më 7 nëntor 2025, në kuadër të Panairit Ndërkombëtar “Klik Ekspo Group 2025”, panelin e diskutimit me temë: “Mbrojtja e të Dhënave si Infrastrukturë e së Ardhmes Digjitale”.
Aktiviteti u mbajt në Pallatin e Kongreseve dhe mblodhi së bashku ekspertë nga institucionet publike, përfaqësues të biznesit dhe nga sektori bankar, për një diskutim të thelluar mbi rëndësinë e mbrojtjes së të dhënave personale në epokën e transformimit digjital.
Diskutimet u përqendruan në zbatimin e ligjit të ri nr. 124/2024 “Për mbrojtjen e të dhënave personale”, ndikimin e tij në sektorin publik e privat, si dhe rolin e mbrojtjes së të dhënave në ndërtimin e një të ardhmeje të qëndrueshme dhe të sigurt digjitale.
Paneli u moderua nga Zëdhënësja e Zyrës së Komisionerit, znj. Joniada Koçi dhe solli diskutime ndërvepruese mes institucioneve publike dhe biznesit mbi standardet e reja të përputhshmërisë dhe transparencës.
Në panel morën pjesë:
· Znj. Blerta Nerguti, Sekretare e Përgjithshme në Zyrën e Komisionerit;
· Znj. Pjerina Mema, Drejtore e Përgjithshme e Mbrojtjes së të Dhënave në Zyrën e Komisionerit.
· Z. Dhimitër Shuli, Nënkryetar i Komitetit Digjital të Dhomës Amerikane të Tregtisë dhe Drejtor Teknik pranë Beta Balkan Team;
· Z. Arjan Ymeri, Drejtor i Agjencisë Startup Albania;
· Znj. Elona Llaci, Drejtore e Strategjisë dhe Inovacionit në Raiffeisen Bank;
Pjesëmarrësit ndanë përvoja dhe praktika konkrete mbi mënyrat se si mbrojtja e të dhënave mund të shërbejë si bazë për inovacionin dhe zhvillimin ekonomik.
Znj. Blerta Nerguti nënvizoi rolin e Zyrës së Komisionerit në zbatimin e kuadrit të ri ligjor dhe përgatitjen e udhëzimeve praktike për institucionet dhe bizneset, ndërsa znj. Pjerina Mema theksoi rëndësinë e kulturës së përputhshmërisë dhe rritjen e ndërgjegjësimit të autoriteteve publike dhe sektorit privat, si pjesë e strategjisë institucionale për vitin e parë të zbatimit të ligjit.
Nga ana e tyre, përfaqësuesit e sektorit privat theksuan nevojën për bashkëpunim të ngushtë mes bizneseve dhe autoritetit mbikëqyrës, Zyrës së Komisionerit, në mënyrë që mbrojtja e të dhënave të kthehet në avantazh konkurrues dhe element të integruar në produktet dhe shërbimet digjitale.
Paneli konkludoi se inovacioni dhe mbrojtja e të dhënave nuk janë në kundërshtim, por ecin paralelisht në ndërtimin e një Shqipërie digjitale të qëndrueshme, të sigurt dhe të besueshme.
Ky aktivitet u zhvillua si pjesë e programit të gjerë të Klik Ekspo Group 2025, me temë “Dritare drejt së ardhmes – Shqipëria 2030”, ku Zyra e Komisionerit merr pjesë me një stendë të dedikuar informuese dhe ndërvepruese, duke promovuar një kulturë të re mbi mbrojtjen e të dhënave, transparencën dhe inovacionin digjital.
Shoqëria civile, në qendër të Tregut të Përbashkët Rajonal - Transparencë, bashkëpunim dhe rekomandime
Pas samitit të Liderve të Procesit të Berlinit është mbajtur në Tiranë tryeza e rrumbullakët me temë “Shoqëria Civile në tregun e përbashkët......
Partneriteti për Bashkëpunim Transatlantik në Energji - Zv/kryeministrja Belinda Balluku merr pjesë në takimin e zhvilluar në Greqi
Zv/kryeministrja, njëherësh ministre e Infrastrukturës dhe Energjisë, Belinda Balluku, ka marrë pjesë në takimin me temë Partneriteti për Bashkëpunim......
Si ndikon digjitalizimi në rritjen e sigurisë ushqimore? - “Klik Ekspo Group”/ Jaupllari: Element kyç për konkurrueshmëri dhe integrim në BE
Shqipëria po hyn në një fazë të re transformimi të sektorit bujqësor, ku digjitalizimi dhe teknologjia do të jenë në vëmendjen e qeverisë me rritjen e......
Zgjedhjet e pjesshme/ Kush janë 13 kandidatët që garojnë më 9 nëntor për drejtimin e 5 bashkive?
Zgjedhjet vendore të 9 nëntorit janë afër tashmë dhe gara për drejtimin e disa bashkive kryesore ka marrë formë konkrete. Partitë politike dhe kandidatët e......
“Mineralet, prioritet kyç për SHBA-në” - Trump diskuton forcimin e bashkëpunimit me liderët e Azisë Qendrore
Presidenti Donald Trump e quajti çështjen e mineraleve kritike si një prioritet kyç, ndërsa priti në Shtëpinë e Bardhë liderët e pesë vendeve të Azisë......
Rikonstruksion i rrjetit elektrik në Lushnjë e Gramsh - OSSH, investim 89 milionë lekë për përmirësimin e energjisë
Drejtoria Rajonale e OSSH Berat ka shpallur hapjen e garës për zhvillimin e rrjetit të tensionit të ulët dhe rikonstruksionin e kabinave në zonat: Zhamë,......
BE, 3 miliardë euro për karburantet e gjelbra - Objektivi, ulja e emetimeve të karbonit nga transporti ajror dhe detar
Komisioni Evropian njoftoi një plan prej 2.9 miliardë eurosh për të rritur investimet në karburantet e gjelbra deri në vitin 2027, me qëllim reduktimin e......
Investimet në ujësjellës-kanalizime - Financimi i brendshëm shkon në 11.8 mld lekë, 2.51 mld lekë nga grantet dhe kreditë
Mbështetja buxhetore për sektorin e ujësjellës–kanalizimeve parashikohet në rritje gjatë vitit 2026. Sipas projektbuxhetit të vitit të ardhshëm, investimet......
