Skemat, fermerët afat për dokumentacionin shtesë - Kush nuk plotëson kushtet skualifikohet nga përfitimi i fondeve
Fermerët e shpallur fitues për të përfituar mbështetje financiare nga Skema Kombëtare 2026, duhet të paraqesin në afat dokumentet shtesë që u janë kërkuar.
Agjencia për Zhvillimin Bujqësor dhe Rural njofton përfituesit për masat 1 deri në 4, lista e të cilëve është bërë publike më 21 korrik, se kanë afat për plotësimin e kushteve deri në datën 10 gusht 2026.
Ndërsa fermerët e shpallur fitues në listat e aplikimeve për masat 5 deri në 7 dhe masën 9, të publikuara më 24 korrik 2026, kanë afat për plotësimin e kushteve të përfitueshmërisë deri më datën 13 gusht 2026.
Aplikantët e shpallur fitues janë të detyruar të plotësojnë dokumentacionin përkatës dhe të përmbushin të gjitha kushtet e përfitueshmërisë brenda afateve të përcaktuara më sipër. Agjencia për Zhvillimin Bujqësor dhe Rural, bën me dije se dokumentacioni i paraqitur pas përfundimit të afatit nuk do të merret në shqyrtim. Aplikantët që nuk plotësojnë dokumentacionin e kërkuar brenda afatit të përcaktuar do të skualifikohen nga skema mbështetëse.
Skema Kombëtare e Mbështetjes në Bujqësi 2026 ka shënuar një interes të lartë nga fermerët në të gjithë vendin duke regjistruar gjithsej 42.728 aplikime, ndërsa vlera e kërkesave ka arritur në 7.2 miliardë lekë, nga 5,2 miliardë lekë që është fondi i vënë në dispozicion
Qarku i Fierit kryeson me numrin më të lartë të fermerëve aplikues, i ndjekur nga Korça, Elbasani dhe Vlora, qarqe që vijojnë të mbajnë peshën kryesore të prodhimit në vend.
Këtë vit Skema Kombëtare u organizua në 12 masa mbështetetëse të ndara në 9 masa direkte dhe 3 masa investimesh, duke ofruar mundësi financimi në sektorë të ndryshëm. Masat direkte përfshijnë 1. Tufën bazë të gjedhit; 2. Tufën bazë të të imtave; 3.Bletarinë; 4. Dosat dhe paradosat; 5.Kontrollin biologjik; 6. Fermat organike; 7. Certifikimin Global G.A.P; 8. Mbështetjen për sipërfaqet e mbjella; 9.Ripopullimin e ujërave të brendshme.
Ndërsa 3 masat e investimeve, përfshijnë mbështetjen e fermerëve të rinj deri në 40 vjeç; ndërtimin dhe rikonstruksionin e staneve; Mekanizimin e bujqësisë.
Këto masa synojnë të mbështesin fermerët në uljen e kostove të prodhimit, rritjen e cilësisë së produkteve, përmirësimin e standardeve të prodhimit dhe nxitjen e praktikave të qëndrueshme bujqësore.
Depozitat e energjisë elektrike - ERE: Operatorët e impianteve duhet të regjistrohen, detyrim për ushtrimin e aktivitetit
Operatorët e impianteve të depozitimit të energjisë duhet të regjistrohen pranë Entit Rregullator të Energjisë, për të ushtruar veprimtarinë e tyre. Ky......
1 mijë biznese, në fokus të digjitalizimit - Shqipëria ngre qendrën kombëtare të inovacionit digjital
Shqipëria synon të përshpejtojë transformimin digjital të biznesit përmes inteligjencës artificiale dhe teknologjive të avancuara. Në Fletoren Zyrtare janë......
Si do mbyllen kompanitë shtetërore në likuidim? - Krijohet “Operatori i Shoqërive Shtetërore”, do të menaxhojë asetet dhe detyrimet
Qeveria ka përcaktuar rregullat dhe procedurat për mbylljen dhe çregjistrimin përfundimtar të shoqërive tregtare me kapital shtetëror në likuidim, si dhe......
BE synon të parandalojë zjarret - Nis nga zbatimi strategjia e re me fonde dhe mjete konkrete
Më shumë se 434,976 hektarë janë djegur në të gjithë BE, sipas të dhënave të 30 korrikut nga Sistemi Evropian i Informacionit për Zjarret në Pyje (EFFIS). Në......
Fluturime elektrike në Evropë? - Pritet të bëhen realitet në më pak se 4 vite për distanca të shkurtra
Udhëtarët evropianë mund të bëjnë fluturime elektrike në disa nga rrugët më të njohura të kontinentit deri në fillim të viteve 2030, falë përparimeve të......
“49 mln njerëz, pasiguri akute ushqimore” - Programi Botëror i Ushqimit parashikon efektet e El Niño
Një ngjarje e fuqishme meteorologjike si El Niño mund të shtyjë rreth 49 milionë njerëz të tjerë në pasiguri akute ushqimore në disa nga rajonet më të......
Zgjerohet programi “Pas shkolle” - Përfshihen edhe gjimnazistët, 1,000 lekë ora për mësuesit
Referuar vendimit të Këshillit të Ministrave, programi “Pas shkolle” do të zbatohet për nxënësit e arsimit bazë dhe, për herë të parë, edhe për nxënësit e......
Hungarezët kufizojnë përdorimin e energjisë - Ujërat e Danubit në nivele rekord të ulëta shkaktojnë krizë energjetike
Kompanitë dhe familjet hungareze kanë ulur konsumin e energjisë këtë javë në një mënyrë të paprecedentë, pas një apeli të qeverisë për të lehtësuar presionin......
