Shqiptarët po preferojnë shërbimet bankare nga shtëpia - BSH: Në pesë muaj, 21% më shumë transaksione me home banking se në 2024
Shqiptarët po përdorin më shumë shërbime bankare nga shtëpia, përmes faqeve online ose aplikacioneve të bankave, duke kursyer kohë dhe shmangur radhën në degët fizike të tyre.
Sipas të dhënave nga Banka e Shqipërisë, në pesë muajt e parë të vitit, numri i transaksioneve të realizuara me home banking arriti në 4.3 milionë, një rritje me 21% në krahasim me të njëjtën periudhë të 2024.
Nga ana tjetër, edhe shuma e transaksioneve kapi një vlerë rekord prej 1 miliardë lekësh, duke u rritur me 14.7% krahasuar me janar-maj 2024. Kjo do të thotë se shqiptarët jo vetëm që po kryejnë më shumë transaksione në numër, por edhe po transferojnë më shumë para.
Viti 2025 nisi shumë pozitivisht për home banking, por me disa luhatje në muaj të caktuar. Maji shënoi një rënie prej 4% në numër transaksionesh dhe 3.1% në vlerën e tyre.
Home banking, i quajtur ndryshe si bankingu në shtëpi, përdoret për të kryer transferta parash, paguar taksat, faturat e energjisë elektrike, ujit, të telefonit, gjobat e policisë, pagesat e kartës së kreditit dhe të tjera, pa qenë nevoja e paraqitjes në degët fizike të bankave.
Klientët e bankave mund të kenë qasje në këto shërbime bankare kudo që ndodhen për sa kohë që kanë internetin. Më parë, klientët duhet të paraqiteshin vetëm fizikisht për të kryer qoftë edhe shërbime të thjeshta bankare, por tani, falë digjitalizimit, shumë shërbime mund të kryhen përmes internetit edhe jashtë orareve zyrtare të bankave.
Rritja e transaksioneve që kryhen përmes aplikacioneve ose faqeve online të bankave është një tregues i digjitalizimit të shërbimeve bankare, ndërsa rrit edhe më tepër përfshirjen financiare të qytetarëve, si dhe transparencën e veprimeve bankare.
Shkollat, me rregulla të reja - Nga lufta ndaj bullizmit, te oficerët e sigurisë
Në Fletoren Zyrtare është publikuar udhëzimi “Për kualifikimin e vazhduar profesional të mësimdhënësve të kulturës profesionale në arsimin dhe formimin......
Rritet konsumi i energjisë në ujësjellësa - ERRU: Çdo shoqëri duhet të hartojë studime specifike për eficiencën
Eficienca e energjisë në sektorin e ujësjellës-kanalizimeve ka pësuar një përkeqësim të lehtë gjatë vitit 2024, në raport me një vit më parë. Të dhënat e......
TEG Talent”, spektakli i fëmijëve më të spikatur të skenës, po vjen!
Për herë të parë në Shqipëri, një talent show unik zhvillohet në një qendër tregtare. Dhe kush tjetër përveçse TEG mund ta sillte këtë risi? Këtë shtator,......
Kina “pushton” tregun evropian të makinave - Regjistrimet e automjeteve elektrike kineze rriten me 60%
Konkurrenca e fortë nga Kina dhe mungesa e infrastrukturës së karikimit në shumë vende evropiane po krijojnë sfida serioze për prodhuesit e automjeteve......
Kostot e luftës në Ukrainë - Cili shtet po mban “barrën” kryesore të mbrojtjes?
Teksa bisedimet transatlantike për të ardhmen e Ukrainës intensifikohen, një çështje del në pah, veçanërisht në deklaratat e presidentit amerikan Donald......
Evropa motivon vizitorët e “gjelbër” - Qytetet ofrojnë shpërblime inovatore për të nxitur turizmin e qëndrueshëm
Dhjetëra destinacione të njohura në Evropë kanë vendosur gjoba, taksa dhe kufizime të tjera për udhëtarët në muajt e fundit, me synimin për të luftuar......
UBS “tkurr” rritjen ekonomike të Greqisë - Por, banka zvicerane mbetet optimiste për vitin e ardhshëm
Një raport i ri i UBS (Union Bank of Switzerland) ka ulur parashikimin për rritjen ekonomike të Greqisë në vitin 2025, nga 2.6% në 2.3%. Në të njëjtën kohë,......
Meta, marrëveshje 10 mld USD me Google - Gjigantët teknologjikë bashkëpunojnë për shërbimet “cloud”
Google ka arritur një marrëveshje gjashtëvjeçare me Meta Platforms për shërbime “cloud”, me vlerë mbi 10 miliardë dollarë, tha për Reuters një burim i njohur......
