“Qasje e re, nxitje bashkëpunimit mes fermerëve” - Rama: Përfitime konkrete. Balluku: Po shtohen të rinjtë në bujqësi
Kryeministri Edi Rama zhvilloi sot një bashkëbisedim me fermerët në Krutje të Lushnjës, mbi rritjen e investimeve në bujqësi, lehtësitë e reja fiskale dhe risitë e skemës së re kombëtare për mbështetjen e këtij sektori, me synimin për të arritur standardet e kërkuara të tregut të BE.
“Vetëm duke u bashkuar secili fiton 30% më shumë, është llogari e bërë. Vetëm në prodhim, bashkë në shitje. Secili ka tokën e vetë, por ama kur del në treg bashkë krijon masë, krijon fuqi negocimi për çmimin, krijon garanci dhe krijon qëndrueshmëri”, u shpreh Rama.
Ndërkohë, Drejtuesja politike e Partisë Socialiste të Qarkut Fier dhe deputete Belinda Balluku, tha se falë punës së feremerëve, por edhe mbështetjes me subvecioneve të qeverisë, janë rritur investimet.
“Kemi zgjedhur këtë fermë pasi është një shembull i bashkëpunimit të suksesshëm. Dy fermerë, me eksperienca të ndryshme në jetë, si Erion Bufasi dhe Afrim Çela, kanë vendosur të bashkojnë forcat dhe të zhvillojnë më tej aktivitetin e tyre bujqësor. Erioni e ka nisur me vetëm 2 dynym tokë dhe sot ka arritur në 30 dynym ose rreth 3 hektarë. Së bashku me Afrimin, ata menaxhojnë një sipërfaqe prej 5 hektarësh, duke ndërtuar një sipërmarrje të qëndrueshme” – tha Balluku.
Ministri i Bujqësisë dhe Zhvillimit Rural Andis Salla deklaroi se rritja e prodhimit bujqësor dhe forcimi i mbështetjes për fermerët mbeten prioritet kryesor i qeverisë.
“Qëllimi ynë është ulja e kostove për çdo sipërfaqe të mbjellë dhe rritja e prodhimin bujqësor duke forcuar qëndrueshmërinë e fermave shqiptare, duke mbështetur investimet në sera, në përpunimin e tokës dhe në kultura të tjera bujqësore, në mënyrë që fermerët të kenë më shumë të ardhura dhe më shumë siguri në aktivitetin e tyre,” u shpreh Salla.
Ndërkohë, ministri i Financave, Petrit Malaj, theksoi se buxheti për bujqësinë është pesëfishuar gjatë qeverisjes së mazhorancës socialiste.
“Po si mund të themi që nuk është bërë asgjë për bujqësinë kur vetëm buxheti i bujqësisë është pesëfishuar që nga momenti që ne kemi marrë detyrat. E gjetëm me 34 milionë euro buxhetin e bujqësisë, dhe sot që flasim e kemi 160 milionë euro”- tha Malaj.
Financimi dhe mbështetja synojnë të nxisin bashkëpunimin mes fermerëve, duke subvencionuar ata që kërkojnë të rriten, të forcohen dhe të zhvillojnë jo vetëm prodhimin, por edhe përpunimin përmes projekteve konkrete.
“Fermerët në Myzeqe kanë ndërtuar jetën mbi tokën dhe punën e palodhur’’ - Balluku: Myzeqeja mbetet një nga zonat më të rëndësishme bujqësore
Drejtuesja politike e Partisë Socialiste të qarkut Fier dhe deputete Belinda Balluku, tha gjatë takimit me fermerët në Krutje të Lushnjes se falë punës së......
ARRSH: Punimet në rrugët lidhëse të Llogarasë arrijnë 65%, përfundimi para sezonit veror
Drejtori i Autoritetit Rrugor Shqiptar, Ami Kozeli, ka inspektuar nga afër ecurinë e punimeve për ndërtimin e segmentit rrugor të rrugëve lidhëse të......
Malaj në Lushnjë: 31 mln euro subvencione dhe skema e re e TVSH-së për fermerët në 2026
Ministri i Financave, Petrit Malaj, gjatë një takimi me fermerët në Lushnjë, theksoi mbështetjen në rritje të qeverisë për sektorin bujqësor, duke e cilësuar......
Bordi i Transparencës ul çmimet e karburanteve, gazoili në 209 lekë/litër
Bordi i Transparencës ka vendosur uljen e çmimeve të karburanteve në mbledhjen e zhvilluar më 11 prill 2026, duke reflektuar luhatjet në tregjet......
Koçiu në Shkodër: Investimet në arsim dhe rritja e pagave po transformojnë shkollat në të gjithë vendin
Transformimi i sistemit arsimor në Shqipëri po vijon me ritme të shpejta, falë investimeve të qëndrueshme dhe reformave të ndërmarra në këtë sektor. Kjo u......
Kontribute të mbipaguara nga qytetarët? - Avokati i Tatimpaguesve: Sistemim automatik pa pasur nevojë për kërkesë
Avokati i Tatimpaguesve evidenton nevojën për lehtësim procedural në sistemimin e detyrimeve të kontributeve të sigurimeve shoqërore që rezultojnë të......
Sektori i turizmit, me informalitet të lartë - ALTAX: 70-80% e njësive akomoduese afatshkurtra, jashtë sistemit tatimor
Turizmi shqiptar po përballet me një asimetri fiskale, që do të thotë se rritja e vrullshme e viteve të fundit e numrit të turistëve, nuk po shoqërohet me......
“KAYO” drejt partneritetit për industrinë e mjeteve pa pilot - Qeveria miraton kushtet për bashkëpunim publik–privat në prodhimin e dronëve
Këshilli i Ministrave ka miratuar vendimin për përcaktimin e kushteve të negociimit të shoqërisë shtetërore “KAYO”, me partnerë privatë, me synim krijimin......
