Malaj në Lushnjë: 31 mln euro subvencione dhe skema e re e TVSH-së për fermerët në 2026
Ministri i Financave, Petrit Malaj, gjatë një takimi me fermerët në Lushnjë, theksoi mbështetjen në rritje të qeverisë për sektorin bujqësor, duke e cilësuar atë si një ndër shtyllat kryesore të ekonomisë shqiptare.
Në fjalën e tij, Malaj solli në vëmendje disa prej zonave më prodhuese si Krutja, Divjaka, Fiershegani, Allkaj, Hysgjokaj, Ballagati, Dushku dhe Golemi, duke i cilësuar si histori suksesi që jo vetëm furnizojnë tregun vendas, por edhe eksportojnë jashtë vendit.
Ministri kundërshtoi zërat kritikë për mungesë mbështetjeje ndaj bujqësisë, duke theksuar se buxheti për këtë sektor është rritur ndjeshëm ndër vite. “E gjetëm buxhetin e bujqësisë me 34 milionë euro dhe sot e kemi 160 milionë euro,” u shpreh ai, duke shtuar se eksportet janë pesëfishuar dhe sipërfaqet e serave janë trefishuar.
Për vitin 2026, Malaj bëri të ditur se qeveria ka parashikuar një paketë të gjerë mbështetëse për fermerët, ku përfshihen rreth 31 milionë euro subvencione, 20 milionë euro grante dhe një garanci sovrane prej 30 milionë eurosh. Kjo e fundit do t’u mundësojë fermerëve të përfitojnë kredi të buta me interesa të ulëta, ku shteti garanton deri në 70% të vlerës.
Një nga risitë kryesore është edhe skema e re e TVSH-së, e cila synon të mbështesë drejtpërdrejt fermerët. Sipas saj, 10% e vlerës së faturës për produktet e shitura do t’u rikthehet fermerëve në llogaritë e tyre, duke nisur nga mesi i këtij viti.
Gjithashtu, Malaj u shpreh optimist për hapjen e programit IPARD gjatë këtij viti, nga i cili pritet të injektohen mbi 100 milionë euro në sektorin bujqësor.
Ai nënvizoi se bujqësia punëson mbi 40% të fuqisë punëtore dhe kontribuon me më shumë se 15% në Prodhimin e Brendshëm Bruto, duke e bërë atë një sektor strategjik për zhvillimin ekonomik të vendit.
Në përmbyllje, ministri theksoi objektivin ambicioz të qeverisë për ta çuar eksportin bujqësor në të paktën 1 miliard euro deri në vitin 2030, si dhe për ta bërë sektorin konkurrues në tregjet e Bashkimit Europian.
Bordi i Transparencës ul çmimet e karburanteve, gazoili në 209 lekë/litër
Bordi i Transparencës ka vendosur uljen e çmimeve të karburanteve në mbledhjen e zhvilluar më 11 prill 2026, duke reflektuar luhatjet në tregjet......
Koçiu në Shkodër: Investimet në arsim dhe rritja e pagave po transformojnë shkollat në të gjithë vendin
Transformimi i sistemit arsimor në Shqipëri po vijon me ritme të shpejta, falë investimeve të qëndrueshme dhe reformave të ndërmarra në këtë sektor. Kjo u......
Kontribute të mbipaguara nga qytetarët? - Avokati i Tatimpaguesve: Sistemim automatik pa pasur nevojë për kërkesë
Avokati i Tatimpaguesve evidenton nevojën për lehtësim procedural në sistemimin e detyrimeve të kontributeve të sigurimeve shoqërore që rezultojnë të......
Sektori i turizmit, me informalitet të lartë - ALTAX: 70-80% e njësive akomoduese afatshkurtra, jashtë sistemit tatimor
Turizmi shqiptar po përballet me një asimetri fiskale, që do të thotë se rritja e vrullshme e viteve të fundit e numrit të turistëve, nuk po shoqërohet me......
“KAYO” drejt partneritetit për industrinë e mjeteve pa pilot - Qeveria miraton kushtet për bashkëpunim publik–privat në prodhimin e dronëve
Këshilli i Ministrave ka miratuar vendimin për përcaktimin e kushteve të negociimit të shoqërisë shtetërore “KAYO”, me partnerë privatë, me synim krijimin......
Nafta e mbyll javën pranë 95 USD për fuçi - Realizon humbjet më të mëdha javore që nga viti 2022
Nafta e mbylli javën pranë 95 dollarëve për fuçi, për shkak të arritjes së armëpushimit mes Shteteve të Bashkuara dhe Iranit. Megjithatë, tensionet janë......
Kosova miraton marrëveshje kredie për zhvillim ekonomik - Financime për sektorin financiar, energji dhe tregti rajonale
Kuvendi i Kosovës ka miratuar të gjitha marrëveshjet ndërkombëtare të parashikuara në rendin e ditës, duke i dhënë dritën jeshile disa projektligjeve të......
''Paga e 13-të, praktikë e zakonshme në vendet e BE-së'' - Ministri Murati: Shtesa, 200 milionë euro
Ministri i Financave, Hekuran Murati, ka deklaruar se praktika e pagës së 13-të ekziston në vendet e Bashkimit Evropian dhe nuk është një ide e re, duke iu......
