Ibrahimaj në Kuvend: Marrëveshja me Italinë përkthehet në përfitim real për qytetarët
Ministrja e Ekonomisë dhe Inovacionit, Delina Ibrahimaj, prezantoi në seancë plenare projektligjin për ratifikimin e Marrëveshjes ndërmjet Qeverisë Shqiptare dhe asaj italiane “Për bashkëpunimin strategjik në kujdesin shëndetësor, energjinë, mjedisin, industrinë e sigurisë dhe mbrojtjes, menaxhimin e migracionit, arsimin, inovacionin, diasporën, transformimin ekonomik dhe rritjen inteligjente”.
Në fjalën e saj ministrja Ibrahimaj, theksoi rëndësinë e kësaj marrëveshjeje që është ndër të parat e këtij niveli që Shqipëria nënshkruan me një vend të Bashkimit Europian, që siç e cilësoi ministrja, vjen në një moment kur jemi më pranë se kurrë anëtarësimit. Për këtë arsye, ajo ka rëndësi, jo vetëm politike, por edhe praktike: na ndihmon të përgatitemi konkretisht për tregun e përbashkët europian.
Marrëveshja e çon partneritetin Shqipëri-Itali në një nivel më të lartë, strategjik, duke përfshirë fusha kyçe si shëndetësia, arsimi, energjia, mjedisi, siguria, inovacioni, migracioni dhe transformimi ekonomik. Kjo marrëveshje, sipas Ministres, është plotësisht në përputhje me prioritetet e Bashkimit Europian, dhe do të ndikojë drejtpërdrejt edhe në punësim dhe kapitalin njerëzor. “Projektet që priten të zhvillohen do të krijojnë vende të reja pune, do të rrisin cilësinë e punësimit dhe do të investojnë në aftësi profesionale në sektorë me vlerë të shtuar si energjia, industria, infrastruktura, mbrojtja, shëndetësia dhe inovacioni”, u shpreh Ministrja Ibrahimaj.
Fjala e plotë e ministres Delina Ibrahimaj, në Kuvend:
I nderuar Kryetar i Kuvendit,
Të nderuar deputetë,
Të dashur qytetarë,
Është kënaqësi që të paraqes sot para jush dhe qytetarëve tanë projektligjin për ratifikimin e Marrëveshjes ndërmjet Qeverisë Shqiptare dhe asaj italiane “Për bashkëpunimin strategjik në kujdesin shëndetësor, energjinë, mjedisin, industrinë e sigurisë dhe mbrojtjes, menaxhimin e migracionit, arsimin, inovacionin, diasporën, transformimin ekonomik dhe rritjen inteligjente”.
Kjo marrëveshje është ndër të parat e këtij niveli që Shqipëria nënshkruan me një vend të Bashkimit Europian, e cila vjen në një moment kur Ne jemi më pranë se kurrë anëtarësimit. Dhe pikërisht për këtë arsye, ajo ka rëndësi, jo vetëm politike, por edhe praktike: na ndihmon të përgatitemi konkretisht për tregun e përbashkët europian.
Marrëveshja ndërqeveritare është një akt që ndërton mbi një marrëdhënie reale, të konsoliduar dhe funksionale ndër vite.
Italia është sot partneri ynë më i rëndësishëm ekonomik. Në Shqipëri operojnë mbi 6 200 kompani italiane, ndërsa stoku i investimeve të huaja italiane ka arritur në 1.84 miliardë euro. Italia përfaqëson mbi 45% të eksporteve të mallrave shqiptare, duke qenë destinacioni kryesor i produkteve shqiptare. Këto shifra tregojnë qartë se bashkëpunimi mes dy vendeve tona është konkret, i thellë dhe me ndikim të drejtpërdrejtë në ekonomine shqiptare.
Ndërkohë jo i vogël është kontributi që shqiptarët kanë në Itali, jo vetëm në drejtim të punësimit, por dhe si sipërmarrje janë plot 102 000 shqiptarë të regjistruar si persona fizikë ose si sipërmarrës që zotërojnë apo drejtojnë kompani. Ata janë një aset ekonomik dhe social për të dy vendet dhe një urë e rëndësishme bashkëpunimi.
E pra, kjo marrëveshje e re strategjike nuk nis nga zero. Ajo ndërtohet mbi një bashkëpunim të konsoliduar ndër vite, që ka dhënë rezultate konkrete. Një shembull tjetër shumë i qartë është marrëveshja e firmosur më herët për njohjen e pensioneve, e cila ka filluar tashmë të zbatohet. Deri sot, 3 800 shqiptarë që jetojnë në Itali po përfitojnë nga kjo marrëveshje, ndërsa rreth 500 shqiptarë të rikthyer në Shqipëri kanë përfunduar dokumentacionin për të përfituar të drejtat e tyre. Ky është një tregues se bashkëpunimi mes Shqipërisë dhe Italisë që përkthehet në përfitime reale për qytetarët.
Në këtë kontekst, marrëveshja që po ratifikojmë sot e çon këtë partneritet në një nivel më të lartë, strategjik, duke përfshirë fusha kyçe si shëndetësia, arsimi, energjia, mjedisi, siguria, inovacioni, migracioni dhe transformimi ekonomik.
Italia është një nga ekonomitë më të industrializuara të Europës dhe botës. Përvoja e saj në zhvillimin industrial, në shërbimet publike dhe në inovacion është një vlerë e shtuar për Shqipërinë. Përmes kësaj marrëveshjeje synohet transferimi i dijes, teknologjisë dhe praktikave më të mira, duke forcuar institucionet tona dhe duke përmirësuar cilësinë e shërbimeve publike.
Në terma konkretë, kjo do të thotë më shumë projekte të përbashkëta, më shumë bashkëpunim mes universiteteve, institucioneve kërkimore dhe bizneseve, si dhe një rol më aktiv të diasporës në zhvillimin ekonomik dhe social të vendit.
Një element thelbësor i kësaj marrëveshjeje është transformimi ekonomik. Shqipëria ka nevojë të kalojë drejt një ekonomie më industriale, më teknologjike dhe më konkurruese. Kjo marrëveshje ndihmon në rritjen e vlerës së shtuar, forcimin e zinxhirëve të prodhimit dhe përfshirjen më të madhe të bizneseve shqiptare, veçanërisht ndërmarrjeve të vogla dhe të mesme, në tregjet rajonale dhe europiane.
Me të drejtë, qytetarët pyesin për koston buxhetore. Dua të jem shumë e qartë: kjo marrëveshje nuk krijon asnjë detyrim financiar të drejtpërdrejtë për buxhetin e shtetit. Ajo është një kornizë bashkëpunimi dhe çdo projekt konkret do të vlerësohet dhe miratohet rast pas rasti, vetëm nëse sjell përfitim të qartë për vendin.
Marrëveshja ndikon drejtpërdrejt edhe në punësim dhe kapitalin njerëzor. Projektet që priten të zhvillohen do të krijojnë vende të reja pune, do të rrisin cilësinë e punësimit dhe do të investojnë në aftësi profesionale në sektorë me vlerë të shtuar si energjia, industria, infrastruktura, mbrojtja, shëndetësia dhe inovacioni.
Ajo është plotësisht në përputhje me prioritetet e Bashkimit Europian për tranzicionin e gjelbër dhe digjital, si dhe me rrugën e Shqipërisë drejt anëtarësimit.
Zbatimi i marrëveshjes do të monitorohet përmes mekanizmave të përbashkët koordinimi dhe Kuvendi do të informohet rregullisht për ecurinë e saj.
Të nderuar kolegë,
Ky projektligj forcon një partneritet që tashmë funksionon dhe e çon atë në një nivel më të lartë strategjik. Ai përgatit Shqipërinë për të qenë pjesë e plotë e Bashkimit Europian dhe sjell përfitime konkrete për qytetarët shqiptare brenda vendit dhe në diaspore.
Për këto arsye, ju ftoj ta votojmë këtë marrëveshje në interes të Shqipërisë dhe të qytetarëve të saj.
Faleminderit.
In one year, over 1 thousand complaints were addressed to the Public Procurement Commission - For 2025, 70.5 million lek in financial fees are deposited in the budget
December ended with 92 complaints from economic operators regarding tenders, according to data from the Public Procurement Commission Bulletin. By......
Are businesses more satisfied with Taxes? - KI Survey: Improvement in communication, but still problems in fiscalization
According to the Investment Council survey, in 2025, 59% of businesses assessed that communication with the tax administration had improved, an increase......
Returnees from emigration, more at risk of unemployment - EBRD: Reintegration into the labor market remains a challenge. How many of them want to leave again?
A significant portion of Albania's population has lived abroad. According to the European Bank for Reconstruction and Development (EBRD) Transition Report,......
Electrification of railway lines - Regulation on standards and technical requirements for the "energy" subsystem ready
As several electric railway lines are expected to be put into operation in the coming years, the Ministry of Infrastructure and Energy has approved the......
111 million euros for transport and energy in Albania - EBRD, record financing in 2025. Transition Report presented, demographic challenge
The European Bank for Reconstruction and Development (EBRD) has provided a record financing of 217 million euros to Albania during 2025, mainly for projects......
Pensions and bonuses, 150 million euros transferred to the account - Normative act in the Parliament, Malaj: Supports the needy
The latest normative act for changes to the 2025 budget was discussed in the parliamentary session. During its presentation, the Minister of Finance, Petrit......
Ban on social networks for children under 15 - French National Assembly approves law
France's National Assembly has passed a law to ban the use of social media by children under 15, amid growing concerns about online bullying and mental......
Bread, where does Albania rely? Analysis: How has the geography of the country's grain supply changed?
Albania's grain imports have undergone a significant transformation over the past decade, reflecting not only economic developments but also geopolitical......
