Shqipëria Postuar më 29 Dhjetor 2025, 14:52

Drejt zgjidhjes furnizimi me ujë për Vlorën - Rama: Brenda ditës, pjesët hidraulike për riparimin e defektit

Nga Ernilda Luzi

Drejt zgjidhjes furnizimi me ujë për Vlorën - Rama: Brenda

Kryeministri Edi Rama ka bërë të ditur se brenda ditës së sotme vijnë pjesët e reja hidraulike për riparimin e difektit të rëndë në ujësjellësin e Vlorës. Në një postim në rrjetet sociale ai shkruan:

“Drejt aeroportit të Stambollit për të ardhur sot brenda ditës, pjesët e reja hidraulike për riparimin e difektit të rëndë në ujësjellësin e Vlorës, ku në vitin 2009-2010 janë instaluar pjesë  hidraulike jashtë standarteve, që nuk e kanë mbajtur dot më presionin e ujit dhe për pasojë tubacioni ka shpërthyer…

Respekt për punën e palodhur të punëtorëve të ujësjellësit Vlorë, që nën drejtimin e drejtorit të përgjithshëm të Agjencisë Kombëtare të Ujësjellës-Kanalizimeve,  inxhinierit të njohur Flauers Shoshi, i cili prej disa ditësh e netësh gjendet në krye të operacionit të vështirë, po bëjnë të pamundurën për ta mbyllur këtë plagë të hapur në trupin e Vlorës prej një mine të vjetër nga një kohë e zezë për Vlorën

Vlonjatëve të mi u them ndjesë për tërë këtë peripeci të pamerituar dhe siç thoshin gjyshet tona plasi më në fund edhe syri i keq pas tërë këtyre viteve të mira për Vlorën, e ja që kush i do të keqen Vlorës, veç të keqen do i marrë”.

 

Live TV

Të fundit
Të gjitha lajmet

Më të vizituarat