Licencohen 349.2 MW energji - Dominon energjia diellore me 19 projekte, parashikohen edhe 4 HEC-e dhe 1 central ere
Njëmbëdhjetë muajt e vitit 2025 kanë shënuar dhënien e një numri të lartë licencash për prodhimin e energjisë elektrike. Sipas të dhënave zyrtare nga Enti Rregullator i Energjisë, në total për periudhën janar – nëntor janë licencuar 24 kompani, për projekte me kapacitet total të parashikuar për t’u instaluar prej 349.2 MW.
Të dhënat tregojnë një dominim të dukshëm të energjisë diellore, me 326.4 MW të licencuar. Projektet iu takojnë 19 kompanive të ndryshme, ndërsa centralet e licencuar parashikohet të pozicionohen në Qarkun e Fierit, me përjashtim të 2 prej tyre. Njëri nga impiantet do të jetë në Kukës, ndërsa tjettri është në Durrës dhe bëhet fjalë për centralin e Spitallës. Por, teksa rritja e kapaciteteve prodhuese të energjisë elektrike duket se është fokusuar te centralet e diellit, gjatë 11 mujave të vitit 2025 janë dhënë edhe 4 licenca për hidrocentrale, për projekte me kapacitet total të instaluar prej 19.8 MW.
Ndërkaq, pas shumë vitesh pa asnjë zhvillim për energjinë e erës, për herë të parë është licencuar një projekt me kapacitet 3 MW, në zonën e Tragjasit, që i shtohet 2 licencave aktive të dhëna nga Enti Rregullator i Energjisë në vitet 2007 -2008.
Ndërkaq, nisur nga fakti se një numër i konsiderueshëm i burimeve të energjisë elektrike, parashikohen që të ndërtohen dhe të lidhen në rrjet, Enti Rregullator i Energjisë thekson nevojën për një zhvillim më dinamik dhe investime për të integruar këto burime në sistemin elektroenergjitik shqiptar në vitet në vijim.
Festat, pa “shpërthimin” e një viti më parë/ Më pak fishekzjarrë se vjet, por dhjetori mbetet vendimtar
Sipas INSTAT, importi i mjeteve piroteknike në vend vijon të ndjekë një cikël të qartë sezonal, të lidhur kryesisht me festat e fundvitit. Të dhënat zyrtare......
Mbi 1 miliard lekë investime në rrjet - Rritja e kapaciteteve të transmetimit të energjisë. OST, dy tenderë për linja 110 kV
Operatori i Sistemit të Transmetimit ka hapur dy procedura prokurimi për investime në rrjetin e energjisë elektrike, që synojnë fuqizimin e linjave 110 kV......
Çfarë përfitojnë bizneset kur japin pagë të 13-të? - Xhihani: Stafi i motivuar, sipërmarrje e qëndrueshme
Në shumë vende paga e 13-të është kthyer në një traditë të konsoliduar, ndërsa në Shqipëri ajo mbetet më tepër një praktikë vullnetare. Vetëm një pjesë e......
Të huajt po vërshojnë me investime në Shqipëri - BSH: Tre sektorë përthithin 65% të tyre. Rekord historik në tremujorin e tretë
Të huajt dhe shtetasit e tjerë jo-rezidentë kanë investuar rreth 1.2 miliardë euro në Shqipëri. Sipas të dhënave të Bankës Qendrore, investimet e huaja......
Sektori i teknologjisë largohet nga Izraeli? - Raporti: Rritet numri i punonjësve, që synojnë zhvendosjen jashtë vendit
Kërkesat për t'u zhvendosur jashtë vendit nga izraelitët që punojnë në kompani shumëkombëshe që operojnë në Izrael u rritën vitin e kaluar si reagim ndaj......
Zvarritjet e ligjit të rivlerësimit të pasurive - NAREA kërkon dekretim të menjëhershëm
Shoqata Kombëtare e Agjentëve të Pasurive të Paluajtshme, NAREA, ngre shqetësimin për zvarritjen e procesit të dekretimit të Ligjit “Për Rivlerësimin e......
Rritje e përgjithshme në tregun valutor – Forcohen monedhat kryesore!
Dollari amerikan e ka nisur këtë javë pozitivisht duke regjistruar rritje gjatë fundjavës teksa është blerë këtë të hënë me 80.7 lekë dhe është shitur me......
Bullgarët të ndarë për euron - Nga 1 janari zyrtarizohet monedha e përbashkët evropiane
Ndërsa Bullgaria përgatitet për zyrtarizimin e euros më 1 janar, opinioni publik mbetet i ndarë mbi implikimet e bashkimit me monedhën e vetme. Ndërsa disa......
