Borxhi publik në rritje, por më i lehtë për ekonominë - Në 2026 shtohet me 25 mld lekë. Niveli i tij në raport me PBB-në do të ulet në 53.6%
Borxhi publik i Shqipërisë pritet të rritet me 25 miliardë lekë gjatë vitit 2026, sipas parashikimeve të publikuara në projektligjin për buxhetin e vitit të ardhshëm. Të dhënat zyrtare tregojnë se borxhi i përgjithshëm do të arrijë në 2.6 trilion lekë, krahasuar me 2.58 trilion në fillim të vitit 2025.
Rritja vjen si rezultat i shtimit të borxhit të brendshëm me 15 miliardë lekë, borxhit të jashtëm me 5 miliardë, si dhe instrumenteve të garantuara nga shteti me 5 miliardë të tjera. Por ndryshe nga sa mund të duket, kjo rritje nuk përkthehet automatikisht në një barrë më të rëndë për ekonominë.
Ministria e Financave thekson se, edhe pse borxhi rritet në vlerë absolute, ai do të ulet në raport me Prodhimin e Brendshëm Bruto. Kjo ndodh sepse ekonomia shqiptare parashikohet të rritet më shpejt se borxhi. Me fjalë të thjeshta, borxhi do të jetë më i madh në shifra, por do të përfaqësojë një pjesë më të vogël të ekonomisë.
Niveli i borxhit publik në raport me PBB në fund të vitit 2026 parashikohet të ulet në rreth 53.6%, ndërkohë që në fund të vitit 2025 planifikohet në nivelin prej 54.1%.
Ky raport është i rëndësishëm për të kuptuar nëse borxhi është i përballueshëm. Nëse ekonomia rritet, atëherë edhe një borxh më i lartë mund të menaxhohet më lehtë. Balancimi është i dobishëm vetëm nëse rritja ekonomike është reale dhe e qëndrueshme. Në të kundërt, borxhi mund të kthehet në presion për buxhetin dhe për financat publike.
Huamarrja e re në tregun e brendshëm pritet të realizohet kryesisht nëpërmjet titujve shtetërorë afatgjatë, ndërsa huamarrja e huaj parashikohet të realizohet kryesisht nëpërmjet disbursimit të huave që financojnë ecurinë e zbatimit të projekteve prioritare të qeverisë, si dhe disbursimit të mbështetjeve buxhetore procedurat dhe kushtet paraprake të të cilave mund të arrijnë të plotësohen gjatë vitit 2026.
Shërbimet celulare dhe interneti, me rregulla të reja sigurie - AKEP: Auditime të pavarura për kompanitë me mbi 100 milionë lekë të ardhura në vit
AKEP kërkon që të gjitha kompanitë që ofrojnë shërbime telefonike dhe interneti për publikun të marrin masa të detajuara për të mbrojtur rrjetet e tyre dhe......
Skema, si do falen detyrimet doganore të bizneseve? - Subjekteve u jepet mundësia të paguajnë një pjesë me këste, shuhen gjobat
Paketa e “paqes fiskale”, përveç detyrimeve tatimore, parashikon edhe shuarjen me kusht e detyrimeve të pagueshme në doganë. Projektligji i hedhur për......
Elon Musk, 1 trilion USD nga Tesla - Aksionerët miratojnë planin dhe mbështesin vizionin e CEO-s
CEO ekzekutiv i Tesla-s, Elon Musk, fitoi miratimin e aksionerëve për pagën më të lartë në historinë e korporatave. Investitorët mbështetën vizionin e tij......
Marrëveshje për tunelin hekurudhor ndërkufitar - Maqedoni e Veriut-Bullgari, synohet forcimi i pozitës strategjike
Bullgaria dhe Maqedonia e Veriut nënshkruan një marrëveshje për përgatitjen, ndërtimin dhe operimin e përbashkët të një tuneli hekurudhor ndërkufitar, që......
Trump pranon “fajin” - “Amerikanët po paguajnë më shumë për shkak të tarifave”
Presidenti Donald Trump pranoi për herë të parë se konsumatorët amerikanë po paguajnë më shumë për mallrat për shkak të tarifave doganore që ai ka vendosur.......
Rreth 196 milionë euro shkojnë për e-qeverisjen/ Buxheti për modernizimin dhe përmirësimin e qeverisjes online rritet ndjeshëm
Infrastruktura digjitale po bëhet po aq e rëndësishme dhe jetike sa infrastruktura fizike. Tashmë kur shumica e shërbimeve qeveritare jepen online dhe mund......
Si është mbyllur kjo javë për valutat kryesore?
Dollari amerikan ka pësuar një zbritje të vlerës këtë të premte duke e mbyllur javën negativisht teksa është blerë këtë mëngjes me 83 lekë dhe është shitur......
IA “keqinterpreton” lajmin - Asistentët digjitalë “shtrembërojnë” përmbajtjen në 45% të rasteve
Një hulumtim i ri ka zbuluar se asistentët e inteligjencës artificiale, që tashmë për shumë njerëz përbëjnë burimin kryesor të informacionit, shpesh......
