500 milionë lekë për shëtitoren Himarë-Potam/ Projekti, parashikohen pika panoramike e hapësira të gjelbra
Bashkia Himarë ka shpallur hapjen e garës për ndërtimin e pedonales Spile-Saraçinko me fond limit 500 mln lekë. Sipas dokumentit në Agjencinë e Prokurimit Publik, ky projekt parashikon një ndërhryje me rëndësi strategjike për strukturimin e vijës bregdetare dhe krijimin e një korridori publik, funksional, të aksesueshëm dhe cilësor në shërbim të komunitetit dhe vizitorëve. Projekti parashikon ndërtimin e shëtitore Himarë-Potam, me qëllim përmirësimin e hapësirave publike dhe rritjen e potencialit turistik të territorit.
Më tej në dokument theksohet se, projekti është konceptuar si një ndërhyrje urbane dhe bregdetare, ku krahas shëtitores do të përfshihen edhe elemente të reja të infrastrukturës publike. Pjesë e projektit do të jenë edhe pika panoramike, të konceptuara si hapësira ndalese dhe vëzhgimi, prej nga vizitorët do të mund të shijojnë pamjen e detit dhe peizazhit të Himarës.
Një tjetër komponent i rëndësishëm është sistemimi i bregdetit dhe i zonës së plazhit. Ndërhyrja synon përmirësimin e kushteve funksionale, estetike dhe mjedisore, duke garantuar një përdorim më të qëndrueshëm dhe të kontrolluar të hapësirës bregdetare. Projekti parashikon gjithashtu krijimin e një moli, i cili do të shërbejë si element funksional dhe rekreativ, duke rritur aksesin ndaj detit dhe mundësitë për zhvillimin e aktiviteteve bregdetare.
Sipas dokumentit teknik, gjendja aktuale e aksit Himarë–Potam paraqitet e fragmentuar. Shtrimi ndryshon nga një segment në tjetrin dhe përfshin beton, asfalt, pllaka prefabrikate dhe sipërfaqe të pashtruara. Shëtitorja e re do të konceptohet sipas një standardi të unifikuar, me synim garantimin e aksesueshmërisë për të gjithë përdoruesit.
Projekti parashikon strukturimin e hapësirave të gjelbra, përmirësimin e zonave të pushimit dhe krijimin e brezave të gjelbërimit dhe hijëzimit. Shëtitorja synon të krijojë një lidhje më funksionale mes qytetit, plazhit dhe peizazhit natyror, duke përmirësuar njëkohësisht cilësinë e hapësirave publike dhe përvojën e banorëve dhe turistëve.
Ndërhyrja përgjatë aksit Himarë–Potam do të shërbejë jo vetëm si infrastrukturë për lëvizjen këmbësore, por edhe si një hapësirë e re publike për rekreacion dhe aktivitet social, duke rritur potencialin turistik.
Sigurimi i jetës, më shumë detyrim se zgjedhje - AMF: Pjesa dërrmuese e primeve lidhet me kreditë bankare dhe mikrofinanciare
Shqiptarët e sigurojnë jetën vetëm kur janë të detyruar. Të dhënat më të fundit nga Autoriteti i Mbikëqyrjes Financiare (AMF) tregojnë se 83% e primeve të......
Çfarë ka ndodhur këtë fillim jave në tregun valutor?
Dollari amerikan e ka nisur edhe këtë javë në vlera negative dhe në pozicion të dobët përballë monedhës vendase teksa është blerë sot me 78.6 lekë dhe është......
Danubi, nivele rekord të ulëta në Hungari - Ndërpritet transporti ujor. Rritet frika për dëme të konsiderueshme ekonomike
Një valë e zgjatur e të nxehtit dhe thatësira e rëndë këtë verë kanë bërë që lumi Danub të arrijë nivele rekord të ulëta në Hungari, duke ndërprerë......
SHBA, gati ofensivën e madhe financiare - Irani kërcënon të ndalë të gjitha eksportet e naftës
SHBA-të kërcënuan Iranin me atë që e quajtën "ofensiva më e madhe financiare e ndërmarrë ndonjëherë", ndërsa vendi përgatitej të zbatonte sanksione ekonomike......
25% e makinave në Evropë janë elektrike - Franca dhe Gjermania nxitën rritjen në korrik
Regjistrimet e automjeteve elektrike me bateri në Evropë vazhduan të rriten në korrik, duke përbërë më shumë se një në katër njësi të reja të shitura. Rritja......
Më shumë të rinj pa punë dhe pa arsim profesional - Perspektivë e pasigurt për të ardhmen në Gjermani
Dhjetë për qind e të rinjve të moshës 20 deri në 24 vjeç në Gjermani nuk ishin as të punësuar dhe as në ndonjë program arsimi apo trajnimi gjatë vitit 2025.......
Bulmeti i huaj po mbush tregun/ Nga qumështi te vezët, fatura që Shqipëria paguan po qëndron në nivele historike
Nga qumështi te djathi, vezët dhe mjalti, fatura që Shqipëria paguan për produktet e sjella nga jashtë po qëndron në nivele historikisht të larta. Vetëm në......
Shqipëri vs Europë, ku u rritën më shumë çmimet? Nga 0.3% në Suedi te 8.2% në Rumani, Shqipëria ndalet në 3.4%
Rritja e çmimeve në Shqipëri u përshpejtua gjatë korrikut, duke e çuar inflacionin mbi mesataren e Bashkimit Europian. Sipas Indeksit të Harmonizuar të......
