Ekonomia ndërron “fytyrë”/ Dibra kryeson zhvendosjen strukturore, Vlora zgjeron peshën e shërbimeve
Ekonomia e qarqeve shqiptare ka ndryshuar ndjeshëm strukturë gjatë viteve të fundit, me zhvendosje të peshës së aktiviteteve nga bujqësia dhe industria drejt ndërtimit, tregtisë dhe shërbimeve. Megjithatë, ritmi dhe drejtimi i këtyre ndryshimeve nuk kanë qenë të njëjtë në të gjithë vendin. Dibra, Vlora dhe Gjirokastra rezultojnë qarqet me ndryshimet më të mëdha në përbërjen e vlerës së shtuar bruto (VSHB).
Sipas një analize të Scan Intel mbi të dhënat e INSTAT-it, e cila krahason ndryshimin e peshës së dhjetë degëve ekonomike në secilin qark, Dibra renditet e para zhvendosjen strukturore më të madhe.
Përgjatë viteve 2021-2024, në Dibër ndryshimi më i madh lidhet me uljen e peshës relative të industrisë dhe bujqësisë, kundrejt zgjerimit të ndërtimit dhe aktiviteteve tregtare. Industria zbriti nga 23.69% në 19.36% të vlerës së shtuar bruto të qarkut, ndërsa bujqësia nga 42.76% në 39.47%. Në të kundërt, pesha e ndërtimit u rrit nga 8.41% në 12.55%, ndërsa ajo e tregtisë, transportit dhe hotelerisë nga 5.51% në 9.08%.
Ky ndryshim pasqyrohet edhe në vlerat nominale. Gjatë periudhës së analizuar, vlera e shtuar nga tregtia, transporti dhe hoteleria në Dibër u rrit me 112.4%, ndërsa ajo e ndërtimit me 92.2%. Industria shënoi një rritje nominale prej vetëm 5.3%.
Një zhvendosje e fortë strukturore është regjistruar edhe në Vlorë, ku pesha e tregtisë, transportit dhe hotelerisë u zgjerua nga 17.29% në 23.56%. Rritja prej 6.26 pikësh përqindjeje është më e madhja e regjistruar për një grup të vetëm aktivitetesh ndërmjet qarqeve. Ndërkohë, ndërtimi dhe bujqësia humbën peshë relative në ekonominë vendore.
Në Gjirokastër, ndryshimi kryesor lidhet me industrinë, pesha e së cilës u rrit nga 9.41% në 14.33%. Vlera e shtuar industriale pothuajse u dyfishua në terma nominalë, me një rritje prej 96.7%. Në skajin tjetër, Berati dhe Elbasani shfaqin strukturat më pak të ndryshuara.
Megjithatë, ndryshimi strukturor nuk nënkupton automatikisht rritje të produktivitetit apo zhvillim ekonomik më cilësor. Llogaritja mbështetet në peshat e aktiviteteve me çmime korrente, të cilat ndikohen edhe nga ndryshimet e çmimeve.
Harta globale e internetit/ Shqipëria regjistron afro 86% përdorim
Aksesi në internet është kthyer në një nga elementët më të rëndësishëm të jetës moderne, duke ndikuar në mënyrën se si njerëzit komunikojnë, punojnë,......
Diga e Zadejës, më pranë - KESH investon për lidhjen me rrugët nacionale
Korporata Elektroenergjetike Shqiptare ka shpallur hapjen e garës për rehabilitimin e rrugëve të aksesit dhe shërbimit në zonën e digës së Zadejës, si dhe......
35.15 mld lekë për rrugët në 2027 - Ministri Karakaçi: Financohen projektet madhore në vend
Ministri i Infrastrukturës dhe Energjisë, Enea Karakaçi, ka prezantuar fondin prej 35.15 miliardë lekësh që buxheti i vitit 2027 parashikon për zhvillimin e......
12 mijë lekë për çdo fëmijë - Qeveria miraton mbështetjen financiare për familjet kujdestare
Familjet që marrin në kujdes fëmijë përmes skemës së kujdesit alternativ do të përfitojnë mbështetje financiare mujore dhe vjetore nga shteti, ndërsa familjet......
Transferimi i aseteve energjetike - Ndryshojnë kushtet/ Drafti i ERE ruan pragjet financiare, por shton garancitë për furnizimin
Kompanitë e energjisë elektrike do të duhet të plotësojnë kushte më specifike për të shitur, transferuar, dhënë me qira apo hipotekuar asetet. Një......
Resortet, me rregulla të reja - Vendimi/ si ndryshon kategorizimi për strukturat turistike
Bujtina, hotele, apart-hotele, resorte dhe struktura të trashëgimisë kulturore. Këto janë disa prej kategorive të akomodimit turistik që do të përfshihen në......
Tirana pret investitorët - Forumi BE-Ballkani Perëndimor rikthehet më 25–26 nëntor
Tirana do të bëhet në fund të nëntorit qendra e diskutimeve për investimet dhe bashkëpunimin ekonomik mes Bashkimit Europian dhe Ballkanit Perëndimor. Më 25......
Qeveria miraton vendimin e funksionimit të Agjencisë së Trajtimit të Koncesioneve dhe PPP
Qeveria ka miratuar sot vendimin për funksionimin e ATRAKO-s. Agjencia është një institucion publik, buxhetor, me seli në Tiranë, në varësi të ministrit të......
