Çmimet u rritën me 2.5% edhe në korrik - Sipas metodës së Eurostat. Ndikimin kryesor, “shërbimet arsimore” e “ushqimet”
Lidion Kulla/SCAN
Ecuria e inflacionit sipas metodologjisë së Eurostat ka qënë e qëndrueshme edhe gjatë muajit korrik. Ndryshimi vjetor i matur sipas Indeksit të Harmonizuar të Çmimeve të Konsumit në muajin korrik të këtij viti ishte 2.5%, në të njëjtin nivel që ishte edhe në qershor.
Ndërkohë, inflacioni sipas metodologjisë së Instat, rezultoi në nivelin e 2.1% për të dytin muaj me radhë, gjatë korrikut. Sipas Instat, rritja më e madhe e çmimeve, prej 4.1% vërehet në grupin “Shërbimi arsimor”, pasuar nga grupet “Ushqime dhe pije joalkoolike” me 3.6 %, “Pije alkoolike dhe duhan” me 3%, “Veshje dhe këpucë” me 2.7% dhe “Mobilim, pajisje shtëpie dhe mirëmbajtje” me 2.4%. Ndikimin më të vogël e kanë dhënë “Transporti” dhe “Komunikimi” me 0.3 % secili.
Ndërkohë, ndryshimi mujor i matur nga Indeksi i Harmonizuar i Çmimeve të Konsumit është në rënie me 0.2% dhe është ndikuar nga ulja e çmimeve të grupeve “Ushqime dhe pije joalkoolike” dhe “Argëtim dhe kulturë” me 0.7% secili.
Nga ana tjetër, çmimet e grupeve “Pije alkoolike dhe duhan” dhe “Mobilim, pajisje shtëpie dhe mirëmbajtje” u rritën me 0.4% secili, pasuar nga grupet “Veshje dhe këpucë”, “Shërbimi arsimor” dhe “Hotele, kafene dhe restorante” me 0.3% secili, “Komunikimi” dhe “Mallra dhe shërbime të ndryshme” me 0.1%.
E ndërkohë që Indeksi i Çmimeve të Konsumit (IÇK) dhe Indeksi i Harmonizuar i Çmimeve të Konsumit (IHÇK) në vendin tonë mbetet i pandryshuar për të dytin muaj me radhë, në Bashkimin Europian dhe në Eurozonë vihet re një rritje e inflacionin në 2.8% dhe 2.6% respektivisht për muajin korrik.
Këto të dhëna mund të sugjerojnë një presion të jashtëm inflacionist edhe për ekonominë tonë në muajt në vijim, në një kohë që Banka e Shqipërisë ndërhyri në treg duke ulur normën bazë të interesit në nivelin e 3%.
Sondazh
Ujësjellësit, përmirësohen dy tregues - Uji pa të ardhura dhe arkëtimet, Balluku: Reforma në sektor po jep rezultate
Ola Mitre / SCAN Treguesit e ujit pa të ardhura dhe arkëtimeve për kompanitë e ujësjellësve kanë pësuar përmirësim për periudhën janar – korrik të......
Më shumë vizitorë shfrytëzuan hotelet për pushime - Rritet numri i netë qëndrimeve me rreth 37% krahasuar me vitin 2023
Xhorxhina Deda/SCAN Në gjashtë muajt e parë të këtij viti numri i vizitorëve gjithsej u regjistrua në rreth 1 milionë, nga rreth 771 mijë që ishin në......
Sa konsumuan shqiptarët dhe turistët gjatë vitit? - Tatimi i paguar në 7-mujor rritet me 128 milionë euro
Elisabeta Dosku/ SCAN Buxheti i shtetit po mbledh më shumë të ardhura nga taksa e cila lidhet drejtpërsëdrejti me nivelin e konsumit nga ana e......
Ndryshon harta e partnerëve kryesorë tregtarë - Shkëmbimet tregtare me Serbinë, në “ngërç”. Shënojnë rënie në korrik
Xhorxhina Deda/SCAN Në muajin Korrik të këtij viti Shqipëria importoi mallra me vlerë rreth 85 miliardë lekë, duke shënuar një rritje prej 21.1%. Kjo......
Ndriçim rrugor me panele diellore - Risia për rritjen e sigurisë në rrugë, akset ku do ndërhyhet
Ola Mitre / SCAN Disa akse rrugore do të jenë pjesë e investimit për rritjen e sigurisë në rrugë, teksa projekti përfshin edhe instalimin e ndriçimit......
Rritet interesi i bizneseve për markat dhe patentat - DPPI: Për 7-mujorin e këtij viti rezultuan mbi 1200 aplikime
Lidion Kulla/SCAN Aplikimet për regjistrimin kombëtar të markave tregtare dhe patentave kanë vijuar tendencën në rritje edhe gjatë këtij viti, duke i......
Si u “kthye” në buxhet shtesa e pagave në administratë? - Rriten të ardhurat nga kontributet dhe tatimi mbi pagat
Elisabeta Dosku/ SCAN Rritja e pagave për një sërë kategorish punonjësish në sektorin publik i është kthyer disi mbrapsht buxhetit të shtetin në formën......
Eksportet thellojnë rënien në Korrik - Lëndët djegëse "bëhen bashkë" me tekstilet, patën ndikimin më të madh
Xhorxhina Deda/SCAN Rënia e eksporteve është thelluar në muajin korrik të këtij viti, tregojnë të dhënat e tregtisë së jashtme të publikuara nga......
