Si u “kthye” në buxhet shtesa e pagave në administratë? - Rriten të ardhurat nga kontributet dhe tatimi mbi pagat
Elisabeta Dosku/ SCAN
Rritja e pagave për një sërë kategorish punonjësish në sektorin publik i është kthyer disi mbrapsht buxhetit të shtetin në formën e të ardhurave që vjel nga tatimi mbi pagat, por edhe nga kontributet e sigurimeve shoqërore.
Të dhënat zyrtare të Ministrisë së Financave, tregojnë se nga kontributet e sigurimeve shoqërore në 7 mujor janë arkëtuar 92 miliardë lekë, e përkthyer në rreth 9.6 miliardë lek ose rreth 11.6% më shumë se 7-mujori 2023.
Nga ana tjetër, nëse do të shikojmë rritjen progresive të të ardhurave nga kontributet përgjatë këtij vitit, vihet re se nëse kapërcimi nga një muaj në tjetrin ka qenë mesatarisht 12.3 miliardë lekë, në muajin Korrik 2024, krahasuar me Qershorin 20024, rritja është 14.2 miliardë lekë. Janë afro 1.9 miliardë lekë më shumë të mbledhura, gjë që ka ardhur si efekt i rritjes së pagave në administratë dhe si rrjedhojë masës më të lartë të kontributeve që paguajnë punonjësit.
Reforma ka ndikuar edhe në zërin e tatimit mbi të ardhurat personale, duke sjellë një rritje, për shkak se kapërcimi i një niveli të caktuar page futet në një fashë tjetër taksimi. Konkretisht tatimi mbi të ardhurat personale është arkëtuar në vlerën 38.1 miliardë lekë, me një rritje prej 5.1 miliardë lekë ose 15.3% më shumë se 7-mujori 2023, si dhe 732 milionë lek ose 2% më shumë se plani i 7-mujorit 2024.
Edhe në këtë zë, nëse rritja mesatare përgjatë vitit nga muaji në muaj rezulton 5.3 miliardë lekë, në Korrik, të ardhurat janë rritur me 5.9 miliardë lekë në raport me muajin Qershor.
Më 1 korrik hyri në fuqi rritja e pagave për mbi 83 mijë punonjës të administratës. Shtesë përfituan punonjësit e sistemit arsimor parauniversitar; Punonjësit e sistemit shëndetësor; Punonjësit e sistemit të sigurisë së vendit; Policia e Shtetit; Policia e Burgjeve; Garda e Republikës; Forcat e Armatosura; Mbrojtja nga zjarri dhe shpëtimi si edhe punonjësit e nivelit zbatues dhe mbështetës të administratës shtetërore, duke bërë që paga mesatare në shtet të arrijë në nivelin e 105 mijë lekë në muaj.
Sondazh
Eksportet thellojnë rënien në Korrik - Lëndët djegëse "bëhen bashkë" me tekstilet, patën ndikimin më të madh
Xhorxhina Deda/SCAN Rënia e eksporteve është thelluar në muajin korrik të këtij viti, tregojnë të dhënat e tregtisë së jashtme të publikuara nga......
BE nis projektin e parë të heqjes dhe ruajtjes së karbonit në tokë në Francë!
Edel Strazimiri / SCAN Projekti i parë për heqjen e dioksidit të karbonit në tokë në Bashkimin Europian u njoftua të hënën midis ndërmarrjeve......
Rënie e përgjithshme në tregun valutor - Dobësohet ndjeshëm Dollari amerikan!
Dollari amerikan ka humbur sërish pikë këtë të martë pasi në raport me dje është blerë sot me 89.6 lekë dhe është shitur me 90.8 lekë sipas kursit të......
Turbina me erë më e fuqishme në botë - Platforma kineze “ndriçon” 30,000 shtëpi
Kristi Ceta/SCAN Një kompani kineze do të instalojë platformën më të madhe në botë të turbinave lundruese me erë. Dizajni i ri nga MingYang Smart......
Rritet suficiti tregtar i Eurozonës - Ndryshimi vjen pavarësisht rënies së eksporteve dhe importeve
Kristi Ceta/SCAN Vlera e eksporteve në Eurozonë tejkaloi importet në qershor 2024, veçanërisht kur shohim tregtinë e kimikateve, makinerive dhe......
Samsung prezanton Galaxy A06 - Telefoni i ri do të kushtojë deri në 150 dollarë
Kristi Ceta/SCAN Samsung ka prezantuar zyrtarisht në Vietnam telefonin Galaxy A06. Ai do të jetë i disponueshëm për blerje duke filluar nga 22 gushti......
Marrëveshje për reduktimin e deficitit buxhetor - Qeveria gjermane synon të shpëtojë planin e shpenzimeve
Kristi Ceta/SCAN Qeveria e koalicionit në Gjermani arriti një marrëveshje për të ngushtuar objektivin e saj të deficitit buxhetor për vitin 2025 nga 17......
Polonia dhe Hungaria udhëheqin energjinë diellore - Prodhimi në Evropën Qendrore e Lindore rritet me 55%
Kristi Ceta/SCAN Prodhimi i energjisë elektrike nga fermat diellore po rritet më shpejt në Evropën Qendrore dhe Lindore se në çdo rajon tjetër......
