Analizë/ Cilat vende i paguajnë më shumë dhe më pak infermierët në Europë?!
Deri në 100,000 infermierë në Mbretërinë e Bashkuar do të hyjnë në grevë më 15 dhe 20 dhjetor për më rritje pagash dhe nuk është i vetmi vend në të cilin punonjësit e shëndetësisë hynë në grevë në 2022. Në Spanjë, mijëra personel shëndetësor, përfshirë mjekë që punojnë në shërbimet e urgjencës, ishin në grevë në nëntor. Përveç rritjes së konsiderueshme të pagave të tyre, ata kërkuan më shumë staf dhe më shumë burime.
Në Francë, punonjësit e shëndetësisë iu bashkuan protestave në disa qytete në qershor me kërkesa të ngjashme. Mjekët në Gjermani hynë në grevë në mars. Në Turqi, personeli shëndetësor hyri në grevë për pagesa dhe kushte më të mira pune në mars. Ata gjithashtu dolën në rrugë në disa qytete turke në korrik për të kërkuar më shumë veprime për të parandaluar dhunën pasi një kardiolog u qëllua për vdekje nga një i afërm i një pacienti.
Sipas Shoqatës së Mjekëve Turke, mijëra mjekë turq kanë lënë postet e tyre për të punuar jashtë vendit gjatë dekadës së fundit. Ata kryesisht preferojnë të shpërngulen në vendet perëndimore, veçanërisht në Gjermani. Në vitin 2020 ose viti më i afërt me të dhënat e disponueshme, pagat zyrtare vjetore bruto në spitale varionin nga rreth 11,880 euro në Lituani në 101,151 euro në Luksemburg, sipas OECD. Të dhënat përfshijnë 25 vende europiane.
Pagat bruto vjetore të infermierëve (2020)
Burimi: OECD (*Vetëm Angli) • (**2019, ***2018)
Përveç Luksemburgut, paga fillestare bruto vjetore ishte mbi 50,000 € në shtatë vende. Gjermania (46,829 €) dhe Britania e Madhe (42,588 €) nuk janë mes tyre, sipas të dhënave të OECD. Infermierët në Francë dhe Itali fitojnë gjysmën e asaj që bëjnë në Belgjikë dhe Zvicër.
Paga vjetore për një infermiere në Francë (35,531 €) ose Itali (29,222 €) ishte më pak se gjysma e pagës vjetore në Belgjikë (72,508 €) dhe pothuajse sa gjysma e pagës vjetore në Zvicër (70,965 €). Me pagat më të ulëta për infermierët, Lituania (11,880 €) pasohet nga Turqia (12,172 €) dhe Letonia (13,551 €).
Renditja ndryshon kur shikojmë pagat për sa i përket barazisë së fuqisë blerëse (PPP). PPP është një tregues i diferencave të nivelit të çmimeve. Me fjalë të tjera, ai zbulon se sa njësi valutore kushton një sasi e caktuar mallrash ose shërbimesh në vende të ndryshme.
Pagat bruto vjetore të infermierëve për sa i përket barazisë së fuqisë blerëse (2020*)
Burimi: OECD (*2020 ose viti më i afërt) • (Infermierët e spitalit)
Në Finlandë (31,200 €), paga e infermierëve me bazë PPP ishte më e ulët se mesatarja e BE-së. Çuditërisht, Turqia (31,700 €) kishte një pagë më të lartë të bazuar në PPP për infermierët sesa disa vende të BE-së si Finlanda, Italia dhe Greqia.
Raporti i pagave të infermierëve ndaj pagave mesatare (2020)
Burimi: OECD (*2020 ose viti më i afërt) • (Infermierët e spitalit)
Ndryshimi nominal në pagat bruto vjetore të infermierëve midis 2010 dhe 2020 ishte më i lartë në Islandë, ku pagat u rritën me 123 % në dekadën e fundit. Ndryshimi nominal i referohet vlerave të marra kur nuk merret parasysh inflacioni. Disa vende anëtare të BE-së, si Hungaria (104 %), Estonia (94 %), Republika Çeke (92 %) dhe Sllovakia (91 %), gjithashtu panë rritje dramatike në këtë periudhë.
Ndryshimi nominal i pagave të infermierëve në Euro ndërmjet viteve 2010 dhe 2020
Burimi: OECD (*Inflacioni nuk merret parasysh) • (Francë 2009-2019, Gjermani 2010-2018, Spanjë 2011-2020)
Pagat e infermierëve ranë në tre vende europiane midis 2010 dhe 2020: Norvegji (1 %), Itali (4 %) dhe Greqi (16 %). Në Norvegji, rënia është shkaktuar nga ndryshimet në kursin e këmbimit.
Ndryshimi i pagave të infermierëve në terma realë* midis 2010 dhe 2020
Burimi: OECD (*Inflacioni është marrë parasysh) • (MB 2010-2019, Spanjë 2011-2020)
Edel Strazimiri / SCAN
Sondazh
Turizmi, “hov” hotelet dhe agjencitë - Shërbimet dhe të mirat rrisin shitjet dhe pagat përgjatë tremujorit të tretë të vitit
Shifrat nga “Instituti i Statistikave” në publikimin mbi statistikat afatshkurtra tregojnë se shërbimet gjatë tremujorit të tretë të vitit paraqiten me rritje......
Të ndalohen me ligj zjarret në bujqësi, janë krim mjedisor - Projektligji, në Kuvend: Dëmtojnë turizmin, ndotin ajrin dhe rrezikojnë jetën e njerëzve
Është depozituar në Kuvend një projektligj i cili ndalon zjarrëvenien e tokave apo mbetjeve bujqësore, fenomen që ndodh ccdo vit në Shqipëri. Drafti është......
Investitorët, interes për energjinë e erës - Pas 15 vitesh nga licenca e fundit, depozitohet aplikimi për central 50 MW
Pas një interesi në rritje për ndërtimin e centraleve diellore, investitorët po shfaqin interes edhe për energjinë e prodhuar nga era. Pranë Ministrisë së......
Lehtësim i kredive në bankat tregtare - Parashikimi i qeverisë/ Rritja ekonomike në 4 % në tre vjet, mbështetje në konsum
Qeveria parashikon që viti 2022 të mbyllet me rritje ekonomik në nivelin 4.1 përqind të Prodhimit të Brendshëm Bruto, ndërsa përgjatë periudhës afatmesme në......
Infermierët në grevë, sa paguhen në Europë? - Luksemburgu i paguan më shumë, ndërsa Lituania më pak
Më shumë se 100 mijë infermierë në Mbretërinë e Bashkuar janë në grevë që prej datës 15 dhjetor deri në 20 të këtij muaji, duke kërkuar rritje pagash. Kjo......
Çmimet e shtëpive në Turqi prekin “majat” - Gjendja ekonomike edhe më e rëndë, për shkak të inflacionit të lartë
Personat me pagë minimale në Turqi e kanë pothuajse të pamundur të sigurojnë strehim për vete dhe familjet e tyre, pasi vendi po regjistron nivele rekord të......
Hap automjetin tënd si një celular - Genesis SUV me njohje faciale dhe të gjurmës së gishtit
Prodhuesi korean i automjeteve Genesis do të nxjerrë në shitje vitin e ardhshëm një automjet që mund të hapet dhe mbyllet me anë të njohjes faciale, ndërsa......
Kriza prek Goldman Sachs, pushon 4 mijë punonjës - Eliminon shpërblimet vjetore për ata me performancë të dobët
Goldman Sachs Group po planifikon të pushojë rreth 4 mijë punonjës, si pasojë e rënies së numrit të marrëveshjeve këtë vit. Banka do të jetë më e dobët në......
