AMF nis zbatimin e udhërrëfyesit për regjimin europian të mbikëqyrjes në sigurime, çfarë parashikohet të ndodhë
Autoriteti i Mbikëqyrjes Financiare, në bashkëpunimin me Bankën Botërore dhe mbështetur nga Sekretariati Zviceran për Çështje Ekonomike (SECO) ka nisur implementimin e udhërrëfyesit për regjimin europian të mbikëqyrjes në sigurime, Solvency II.
Përmes një serie workshopesh dhe sesionesh trajnimi, ekspertët e Bankës Botërore, në bashkëpunim me AMF do të informojnë përfaqësuesit e tregut të sigurimeve mbi hapat që duhen ndjekur drejt regjimit të ri të mbikëqyrjes, si edhe detyrimet përkatëse.
Në fjalën e mbajtur në nisje të këtyre takimeve, Drejtorja e Përgjithshme Ekzekutive e AMF, Zj. Mimoza Kaçi, vlerësoi se nisja e zbatimit të udhërrëfyesit shënon një hap të rëndësishëm në drejtim të rritjes së efektivitetit të mbikëqyrjes në tregun e sigurimeve. Ajo theksoi se "përafrimi i legjislacionit tonë me standardet europiane dhe integrimi në BE janë shtyllat kyçe të strategjisë së Autoritetit për zhvillimin afatmesëm të sektorit të sigurimeve. Zbatimi i regjimit Solvency II kërkon angazhim të përbashkët dhe bashkëpunim të vazhdueshëm me kompanitë e sigurimit ".
Gjithashtu, Zj. Kaçi vlerësoi bashkëpunimin e suksesshëm, tashmë gati 10 vjeçar, të Autoritetit me Bankën Botërore dhe SECO-n, për forcimin e kapaciteteve dhe për zhvillimin e një kuadri ligjor dhe mbikëqyrës modern, në përputhje me direktivat e BE, për sektorët e tregjeve të kapitalit, sigurimeve dhe pensioneve.
Në strategjinë 5-vjeçare të AMF 2023-2027, parashikohet kalimi në një regjim të ri mbikëqyrjeje në tregun e sigurimeve. Në dokument, zbatimi i regjimit Solvency II, i cili aplikohet tashmë në të gjitha vendet e Bashkimit Evropian, cilësohet si një nga prioritetet kryesore të punës së AMF për vitet në vazhdim, si edhe një detyrim në negociatat për kapitullin 9 “Shërbimet Financiare”, të udhëhequr nga ky institucion.
Kalimi në një regjim të ri mbikëqyrës parashikohet të bëhet në mënyrë graduale, me disa faza, duke përfshirë periudhën përgatitore, ndërmarrjen e ndryshimeve të nevojshme ligjore e rregullatore, deri në implementimin e plotë, që parashikohet të jetë pas 7 vitesh. Ashtu si edhe në shumicën e vendeve evropiane, ky regjim pritet të sjellë kërkesa të shtuara si për rregullatorin, ashtu edhe për shoqëritë që operojnë në tregun e sigurimeve.
Solvency II, i cili nisi zbatimin në BE në janar të vitit 2016, krijon një sistem të avancuar mbikëqyrjeje por edhe funksionimi të shoqërive, të bazuar mbi riskun, duke sjellë avantazhe përmes rritjes së mëtejshme të standardeve të rregullimit, por edhe të vetë operimit të tregut.
Regjimi i avancuar evropian i mbikëqyrjes parashikon kërkesa të reja dhe komplekse, në nivel teknik dhe organizativ, për shoqëritë e sigurimit dhe AMF-në. Tre shtyllat kryesore përbërëse të Solvency II janë kërkesat sasiore që kanë të bëjnë me kapitalin dhe aftësinë paguese, kërkesat për qeverisjen korporative dhe administrimin e rrezikut të shoqërive, si edhe kërkesat për publikimin e informacionit dhe transparencën.
SCAN
Sondazh
Rama: Ambicia e Shqipërisë është që deri në qershor të jetë pjesë e zonës së përbashkët të pagesave euro
Kryeministri Edi Rama deklaroi gjatë Samitit të Ballkanit Perëndimor dhe Bashkimit Evropian që po mbahet në Tiranë, se ambicia e Shqipërisë është që deri në......
Mbështetje për gjashtë vendet e rajonit – Çfarë pritet të sjellë plani i ri i BE në Ballkanin Perëndimor
Kryeministri Edi Rama dhe Komisioneri i BE për Zgjerimin dhe Fqinjësinë, Oliver Varhelyi në Samitin Rajonal mbi Planin e Rritjes dhe Konvergjencës Samiti......
Samiti BE-Ballkan / Koopman: Në muajin e ardhshëm na duhet një produkt të një cilësie të lartë në mënyrë që fondet të fillojnë
Në fjalën e tij në samitin BE-Ballkani, Shefi i Drejtorisë së Përgjithshme për Fqinjësinë dhe Zgjerimin, Gert Jan Koopman tha se “cilësia duhet të jetë shumë e......
Rama mikpret liderët pjesëmarrës në Samitin e Ballkanit Perëndimor me BE – Synohet rritjen ekonomike të rajonit si dhe përshpejtimin e reformave
Samiti Rajonal mbi Planin e Rritjes dhe Konvergjencës me fokus integrimin e Ballkanit Perëndimor drejt Bashkimit Europian, si edhe zbatimin e Planit të Rritjes......
Rritet importi i karburanteve - Në Janar u blenë më pak kafe, cigare dhe birrë nga jashtë
Muaji i parë i vitit ka nisur me rritje të importit të karburanteve krahasuar me vitin e kaluar. Të dhënat zyrtare të Ministrisë së Financave, tregojnë se nga......
Spitalet më të mira në botë për vitin 2024 - Kryeson SHBA me 4 spitale në 10 vendet e para
Nuk ka shumë vendime më të rëndësishme sesa zgjedhja e spitalit të duhur për të marrë kujdesin e duhur për veten, ose një të dashur. Për të ndihmuar në këtë......
Shqipëria mikpret Samitin BE-Ballkani Perëndimor / Rama dhe Varhelyi, apel krerëve të rajonit për bashkëpunim
Ka nisur në Tiranë samiti BE-Ballkani Perëndimor. Në fjalën, kryeministri Edi Rama bëri thirrje që të lihen pas ndasitë e së shkuarës dhe të ecet përpara.......
“Nga fushat, në financa” - Apeli i BB: Shqipëria duhet të zhbllokojë potencialin bujqësor
Në Shqipëri, sektori i bujqësisë ka luajtur prej kohësh një rol kryesor në nxitjen e punësimit dhe rritjen ekonomike. Aktualisht, sektori përbën gati 20% të......
