AKSHI, miliarda lekë tenderë për sistem me “ngecje” - Në 4.5 vite janë prokuruar 22.73 miliardë lekë, por qytetarët s’po marrin dot shërbimet online
Pavarësisht se Agjencia Kombëtare e Shoqërisë së Informacionit në pak vite ka tenderuar miliarda lekë, qytetarët shqiptarë po përballen me një sërë problemesh për marrjen e shërbimeve online përmes portalit e-Albania. Sipas të dhënave të përpunuara nga TV SCAN, nga viti 2018 kur kjo agjenci u riorganizua me vendim qeverie e deri në fillim të muajit qershor, vlera e fondit limit të tenderuar arrin në 22.73 mld lekë, pa TVSH.
Ndërkohë që, pas kyçjes së sporteleve fizike nga 1 maji i këtij, qytetarët po përballen me bllokime të herë pas hershme të sistemit, që në rastin më të mirë vonon me disa orë marrjen e shërbimit e në rastin më të keq, nuk arrijnë ta finalizojnë atë. Vetëm 2 ditë më parë vështirësitë u hasën nga prindërit, që kërkonin të regjistronin fëmijët e tyre në klasën e parë dhe në klasën e dhjetë.
Kjo është alternativa e vetme, që këta fëmijë të bëhen pjesë e sistemit shkollor, duke qenë se këtë vit është njoftuar se regjistrimet do të bëhen vetëm përmes portalit unik e-Albania. Tenderi për “Përmirësimin e Sistemit të Menaxhimit të Informacionit Parauniversitar”, është një nga 15 procedurat e prokurimit publik me fondin më të lartë limit, të hapur nga AKSHI, me gati 200 mln lekë, pa TVSH. Ndërkohë që, listën e tendërëve me vlerën më të madhe të hapur e kryeson “Përmirësimi i Modulit të Menaxhimit të Kontrollit të Faturimit”, me 1.86 mld lekë, pa TVSH.
Pas tij, renditen një sërë tenderësh të mëdhenj, sikurse është Sistemi i Menaxhimit të Informacionit për Programin IPARD, sistemi i gjobave elektronike per Policinë e Shtetit, ndërlidhja e Drejtorisë së Përgjithshme të Gjendjes Civile me zyrat e saj rajonale, etj.
Shërbimet online u vendosën në qendër të vëmendjes pas vendimit të qeverisë që përcaktoi se nga data 1 Maj, të gjitha shërbimet do të ofrohen përmes portalit e-Albania. Por, që prej asaj date problemet kanë qenë të shumta, duke nisur nga mosfunskionimi i sistemit e deri te përjashtimi i mijëra qytetarëve nga marrja e shërbimeve për shkak të mungesës së njohurive për të përdorur komjuterin apo celularët smart.
Kjo ka sjellë një efekt zinxhir, që lidhet me rrtijen e kostove për marrjen e shërbimeve publike, duke qenë se qytetarët iu drejtohen qendrave të internetit apo noterëve për të kryer këto veprimeve, kundrejt pagesave të kripura. Kjo situatë, ka ngritur alarmin edhe për keqpërodorimin e të dhënave personale, teksa Komisioneri për Mbrojtjen nga Diskriminimi ka nisur hetimet pas disa ankesave të paraqitura pranë insitutcionit të tij.
Duke marrë në konsdieratë problemet e krijuar, më herët Komisioneri Robert Gajda tha për TV SCAN se politika qeveritare po humbet qëllimin për të cilin u ndërmor, ndërsa kujtoi se shërbimet duhet të jenë të barabarta për qytetarët, por barazia nënkupton që t’i përshtatësh shërbimet sipas nevojave.
15 TENDERËT MË TË MËDHENJ TË AKSHI (01.01.2018 – 8.06.2022)
| OBJEKTI I TENDERIT | FONDI LIMIT, PA TVSH |
| Përmirësimi i Modulit të Menaxhimit të Kontrollit të Faturimit
|
1,869,825,960.00 |
| Përmirësimi i Sistemit të Menaxhimit të Informacionit për Programin IPARD- për AZHBR | 266,700,000.00 |
| Ngritja e sistemit te gjobave elektronike per Policine e Shtetit
|
239,028,554.00 |
| Shërbimet e ndërlidhjes së DPGJC-së me zyrat e saj rajonale- për DPG
|
220,339,123.00 |
| Mirëmbajtja e Sistemit të Regjistrit Kombëtar të Gjendjes Civile
|
199,425,000.00 |
| Ngritja e Sistemit, kryerja e shërbimit të risk assessment dhe data loss prevention | 199,990,008.00 |
| Shpenzim Dixhitalizim i Arkivave- Per DPGJC | 199,877,200.00 |
| Mbajtje ne funksion te pa nderprer e sistemit te e-Tax | 198,998,400.00 |
| Mirëmbajtja e sistemit e-Taxation - për Drejtorinë e Përgjithshme të Tatimeve | 199,294,000.00 |
| Shërbimet e ndërlidhjes së DPGJC me zyrat e saj rajonale
|
196,975,408.00 |
| Implementimi i platformës elektronike e-Transport-per DPSHTRR
|
198,748,233.00 |
| Mirëmbajtja e sistemit e-Receta - për Fondin e Sigurimit të Detyrueshëm të Kujdesit Shëndetësor
|
195,550,000.00
|
| Ngritja e sistemit të menaxhimit për ndjekjen e kontratave - për Agjencinë e Prokurimit Publik dhe Autoritetet Kontraktore
|
193,959,960.00 |
| Përmirësimi I Sistemit të Menaxhimit të Informacionit Parauniversitar (SMIP)
|
199,998,000.00 |
| Regjistri elektronik për formularët e vizitave të Mjekut të Familjes | 190,000,800.00 |
Ola Mitre / SCAN
https://www.youtube.com/watch?v=0_XKgIGewaY&t=2s
Sondazh
Inflacioni, qeveria rrit pagat nga 1 Korriku - 6% rritje për punonjësit e sektorit të shëndetësisë dhe arsimit parauniversitar
Qeveria shqiptare konkretizoi një masë të re në politikën për të luftuar rritjen e çmimeve, duke rritur pagat për disa kategroi të caktuara të shoqërisë.......
20 subjekte të dënuara për mashtrim me skemën e TVSH - Ibrahimaj: Janë referuar 141 biznese, procesi është në hetim
Ministrja e Financave, Delina Ibrahimaj ka sqaruar skemën e mashtrimit me TVSH-në të ngritur në vitin 2017 dhe se si ka ecur procesi hetimor deri më tani.......
Azilantët në Shqipëri, vetëm nga Afganistani/ Shifrat e 2021, 98.6% Afganë, 1% Sirianë
2.533 persona është numri i azilkërkuesve që kanë hyrë në Shqipëri përgjatë vitit 2021, referuar të dhënave të Drejtorisë së Azilit të të Huajve dhe......
Bien normat e interesit të kredive/ Për individët dhe biznesin, më e theksuar rënia për blerje banese në euro!
Gjatë majit, normat mesatare të huave të reja për blerje banese në euro kanë rënë ndjeshëm, sinjalizojnë shifrat zyrtare nga Banka e Shqipërisë, të analizuara......
iPhone 14 nuk do të ketë një chip të përditësuar - Për herë të parë kompania nuk do të përditësojë chip-in për një model të ri
Versioni i ri i iPhone 14 të Apple që pritet të dalë në treg këtë vjeshtë nuk do të ketë një chp të përditësuar. Ato do të ruajnë çipin A15 tashmë të pranishëm......
Skulptura e Euros nxirret në shitje - Kostoja për mirëmbajtjen e saj është shumë e lartë: 250 mijë euro në vit
Skulptura gjigande e euros e rrethuar nga 12 yje të verdhë është nxjerrë në shitje pasi kostoja për mirëmbajtjen e saj është shumë e lartë: 250 mijë euro në......
Rusia po fiton shumë para nga gazi dhe nafta - Irani dhe Venezuela duhet t’i shërbejnë si paralajmërim për atë që do të ndodhë
Russia po grumbullon shumë para nga shitja e gazit dhe e naftës, por ekespertët paralajmërojnë se ajo që ndodhi me Iranin dhe Venezuelën duhet të shërbejë si......
Thatësira në Itali, nis racionimi i ujit - Disa rajone në vend janë të detyruara të reduktojnë përdorimin e ujit
Rajone të ndryshme në Itali janë të detyruara të racionojnë ujin, ndërsa disa të tjera nuk furnizohen fare gjatë natës. Kjo për shkak të thatësirës që ka......
