Varfëria zbutet, problemet mbeten INSTAT: Gati 4 në 10 shqiptarë rrezikojnë varfërinë dhe përjashtimin social
Pavarësisht rritjes së të ardhurave, varfëria mbetet një nga sfidat kryesore të shoqërisë shqiptare. Të dhënat e publikuara nga Instituti i Statistikave në Anketën e të Ardhurave dhe Nivelit të Jetesës tregojnë se gjatë vitit 2025, rreth 39.4% e popullsisë ishte në rrezik varfërie ose përjashtimi social, nga 40.5% në vitin 2024. Megjithëse treguesi është përmirësuar me 1.1 pikë përqindjeje, pothuajse katër në dhjetë shqiptarë vijojnë të përballen me vështirësi ekonomike dhe sociale.
Sipas INSTAT, rreziku për të qenë i varfër, i matur mbi bazën e të ardhurave, zbriti në 19% gjatë vitit 2025, nga 19.2% një vit më parë. Kjo do të thotë se afërsisht një në pesë shqiptarë jeton me të ardhura nën kufirin e varfërisë relative. Ky kufi arriti në 349,565 lekë në vit, ose rreth 29,130 lekë në muaj për një individ, nga rreth 324 mijë lëkë në vitin 2024
Privimi i thelluar material dhe social, që mat pamundësinë për të përballuar të paktën shtatë nga trembëdhjetë nevojat e përcaktuara statistikisht, zbriti në 31.2%, nga 32.8% një vit më parë. Këto nevoja përfshijnë ngrohjen e banesës, shpenzimet e papritura, ushqimin e përshtatshëm dhe pushimet vjetore. Ndërkohë, 8.3% e individëve të moshës 18-64 vjeç jetonin në familje me intensitet shumë të ulët punësimi.
Rreziku për varfëri mbetet dukshëm më i lartë në familjet me fëmijë në varësi, ku treguesi arriti në 24.5%, kundrejt 11% në familjet pa fëmijë. Sipas grupmoshave, fëmijët deri në 17 vjeç regjistruan një rrezik varfërie prej 26.2%, ndërsa për personat mbi 65 vjeç treguesi u rrit lehtë në 14%.
Të ardhurat mesatare mujore të disponueshme, të ekuivalentuara për frymë, u rritën me 10.5%, duke arritur në 56,487 lekë. Edhe raporti i të ardhurave ndërmjet 20% të popullsisë me të ardhurat më të larta dhe 20% me të ardhurat më të ulëta u rrit nga 4.79 në 4.83 herë. Treguesit dëshmojnë se rritja e të ardhurave nuk është shoqëruar me një shpërndarje më të barabartë të mirëqenies,ndërkohë diferencat ekonomike mes shtresave të popullsisë janë zgjeruar.
Protesta, bankat mbyllin degët - Përparësi punjonjësit dhe klientët. Shërbimet të merren nga kanalet digjitale
Pas djegies së disa degëve të bankave dhe institucioneve financiare jobanka gjatë protestës studentore të ditës së djeshme, 6 banka kanë njoftuar se siguria e......
Nafta në rrezik - Sulmet pranë Hormuzit rrisin shqetësimet për furnizimin global
Siguria e furnizimit global me naftë vihet sërish në pikëpyetje, pas fundosjes së dy anijeve pranë Ngushticës së Hormuzit, një prej korridoreve më të......
BE në përplasje me Kinën - Importet rekord, energjia e shtrenjtë dhe buxheti vënë në provë unitetin evropian
Liderët e 27 vendeve të Bashkimit Evropian janë mbledhur këtë të enjte në Bruksel për të diskutuar rritjen e importeve nga Kina, çmimet e larta të energjisë......
Befason ekonomia britanike - Rritja sfidon parashikimet, por familjet shtrëngojnë shpenzimet përballë kostove në rritje
Ekonomia e Mbretërisë së Bashkuar është rritur papritur në gusht, pavarësisht rënies së shpenzimeve konsumatore, duke dhënë një sinjal pozitiv për qeverinë......
8 shtete kundër ChatGPT - Padisin OpenAI për dëmtimin e të rinjve dhe nxitjen e dhunës
Tetë shtete amerikane kanë ngritur padi kundër OpenAI, duke pretenduar se chatbot-i ChatGPT mund të ketë shkaktuar dëme te përdoruesit, përfshirë......
89 persona të lënduar - Ministria e Shëndetësisë publikon bilancin, 6 persona vijojnë mjekimin
Ministria e Shëndetësisë ka bërë bilancin e të lënduarve pas protestës së djeshme. Gjashtë persona vijojnë të jenë të shtruar në Spitalin e Traumës, ndërsa......
Protesta, reagon BE - “Dënojmë me forcë përshkallëzimin e dhunës”
Delegacioni i Bashkimit Europian në Tiranë ka reaguar për sulmet e protestave, duke dënuar me forcë përshkallëzimin e dhunës gjatë protestës dhe shkatërrimin......
Nga bojkoti te përplasjet - Studentët vijojnë revoltën, Tirana zgjohet mes gjurmëve të protestës
Protestat studentore kanë hyrë sot në ditën e tretë, ndërsa Tirana ende mbart gjurmët e tensioneve dhe përplasjeve të së mërkurës. Pas një dite të shoqëruar......
