Tirana zgjeron shtigjet turistike - 35 km itinerare për Baldushkun dhe Shëngjergjin
Dy zona natyrore në territorin e Bashkisë Tiranë pritet të përfitojnë nga investimet për përmirësimin e infrastrukturës turistike. Agjencia e Parqeve dhe Rekreacionit ka hapur një tender me fond limit prej rreth 11 milionë lekësh për ndërtimin dhe sistemimin e shtigjeve turistike në pyje.
Dokumentacioni teknik përfshin dy itinerare, një drejt Ujëvarës së Kakunjës në Baldushk dhe një tjetër në zonën pyjore Fag–Verri, në Shëngjergj.
Projekti i parë parashikon përmirësimin e aksesit drejt Ujëvarës së Kakunjës, përmes një itinerari prej rreth 9.6 kilometrash, që kombinon rrugët ekzistuese me shtigjet këmbësore. Ndërhyrjet përfshijnë pastrimin dhe sistemimin e terrenit, stabilizimin e segmenteve të pjerrëta, ndërtimin e kanaleve kulluese dhe vendosjen e sinjalistikës.
Përgjatë itinerarit parashikohet edhe krijimi i tri pikave të pushimit, të pajisura me stola druri.
Projekti i dytë përfshin zonën Fag–Verri, ku është konceptuar një itinerar turistik prej rreth 26 kilometrash, që lidh Parpunjin, Fagun, rezervuarët e Kollagjeshit dhe Shpellzën. Rreth 11.6 kilometra janë segmente këmbësore, ndërsa pjesa tjetër përbëhet nga rrugë ekzistuese të kalueshme me mjete 4x4.
Në këtë zonë parashikohen ndërhyrje për përmirësimin e kalueshmërisë, ndërtimin e shkallëve dhe parmakëve në segmentet e vështira, vendosjen e tabelave orientuese dhe krijimin e pikave të pushimit. Projekti teknik përfshin gjithashtu një urë të vogël prej druri dhe sistemimin e burimeve ujore.
Një vëmendje e veçantë i kushtohet edhe zonës së Liqeneve të Kollagjeshit, për të cilën dokumentacioni propozon zhvillimin e hapësirave rekreative, me mundësi për piknik, kamping dhe aktivitete sportive në natyrë.
Të dy projektet synojnë përmirësimin e sigurisë së vizitorëve dhe shfrytëzimin e potencialit turistik të zonave rurale, me ndërhyrje që ruajnë karakterin natyror të terrenit.
“Mos na dëmtoni biznesin “-Tregtarët, apel nga vitrinat e dyqaneve
“Jemi me ju, mos na dëmtoni biznesin”. Ky është mesazhi që disa biznese të vogla në Tiranë kanë zgjedhur t'u përcjellin protestuesve, në një kohë kur......
Sulmet ndaj Arabisë Saudite - FMN: Goditja ndaj selisë së Aramco-s rrit shqetësimet për tregjet e naftës dhe ekonominë globale
Sulmi ndaj selisë së gjigantit të naftës Aramco në Arabinë Saudite ka shtuar shqetësimet për tregjet globale të energjisë dhe ekonominë botërore. Çmimi i......
Anthropic synon rekordin - Gara me OpenAI dhe planet për dalje në bursë vënë në provë gjigantin e inteligjencës artificiale
Anthropic, kompania amerikane që zhvillon modelet e inteligjencës artificiale Claude, ka rritur të ardhurat me rreth 46%, duke arritur në 16.8 miliardë......
Konkurrencë për mbijetesë - Shitjet në rënie në Kinë i shtyjnë prodhuesit të kërkojnë rritje në Evropë
Evropa po kthehet në një treg vendimtar për të ardhmen e prodhuesve kinezë të makinave. Me shitjet në rënie në vend dhe konkurrencën gjithnjë e më të fortë,......
Gati kamerat e votimit - KQZ përgatit monitorimin për vendoret 2027
Komisioni Qendror i Zgjedhjeve ka nisur përgatitjet teknike për zgjedhjet vendore të vitit 2027, duke hapur një tender me fond limit prej 34.8 milionë lekësh,......
Prodhuesit: Jo dhunim bizneseve - Kërkojnë mbrojtjen e pronës dhe punonjësve
Përshkallëzimi i protestave në Tiranë ka sjellë reagimin e shoqatës “Bashkimi i Prodhuesve Shqiptarë”, e cila ka shprehur shqetësimin për incidentet e......
Ryanair braktis 13 aeroporte - Shkurton fluturimet për shkak të kostove të larta
Ryanair po riorganizon rrjetin e saj të fluturimeve, duke u tërhequr nga një sërë aeroportesh dhe duke reduktuar linjat ajrore në disa vende. Ndryshimet kanë......
Pse investojnë bizneset jashtë? Bashkëpunimi për fuqi punëtore të kualifikuar dhe taksat mbeten arsyet kryesore
Bizneset shqiptare kërkojnë tregje të reja jashtë vendit, por çfarë i tërheq drejt investimeve të huaja? Aksesi në tregje të reja, ulja e kostove të prodhimit......
