“Të zgjedhim presidentin” - Kurti kërkon kompromis politik dhe kundërshton rikthimin në zgjedhje
Pas zhvillimeve të djeshme politike në Kosovë, çështja e zgjedhjes së presidentit mbetet ende pa zgjidhje. Kryeministri Albin Kurti u ka bërë thirrje liderëve politikë dhe deputetëve që të gjejnë një kompromis, duke argumentuar se vendi nuk duhet të rikthehet në zgjedhje.
Në mbledhjen e parë të Qeverisë së re, Kurti tha se Kosova tashmë ka Kuvend të konstituar dhe Qeveri të zgjedhur, ndërsa zgjedhja e presidentit është çështja që duhet të përmbyllë procesin e formimit të institucioneve.
Ai iu referua marrëveshjes politike mes Lëvizjes Vetëvendosje dhe Lidhjes Demokratike të Kosovës për kandidatin për president, duke shprehur shqetësim për qëndrimin e disa deputetëve të LDK-së që, sipas tij, nuk duan ta zbatojnë marrëveshjen.
“Jemi kaq afër zgjidhjes për presidentin saqë do të ishte e pafalshme të shkojmë sërish në zgjedhje për të ardhur përsëri në të njëjtën pikë. Le ta zgjidhim çështjen e presidentit dhe t’i japim vendit tonë institucionin që i takon”, u shpreh Kryeministri.
Kurti kujtoi se Kosova ka kaluar më herët nëpër dy procese zgjedhore të njëpasnjëshme, të cilat, sipas tij, kanë qenë të kushtueshme dhe nuk kanë sjellë një ndryshim të ri politik. Për këtë arsye, ai e konsideron një tjetër proces zgjedhor si të panevojshëm.
Kryeministri tha gjithashtu se Vetëvendosje ka treguar gatishmëri për kompromis gjatë konstituimit të Kuvendit, duke pranuar kandidaturat e PDK-së dhe LDK-së për nënkryetarë, pavarësisht rezervave që kishte për to.
Në fund, Kurti u bëri thirrje liderëve politikë dhe deputetëve që të rikthehen te dialogu dhe të gjejnë një zgjidhje për presidentin, në mënyrë që institucionet e Kosovës të mund të vijojnë punën pa një tjetër krizë politike.
Ulja e konsumit të energjisë - Plani Kombëtar deri në 2030. Në fokus, ndërtesat, bizneset dhe industria
Frenim i rritjes së konsumit të energjisë deri në fund të dekadës, përmes një sërë masash që prekin familjet, ndërtesat publike, bizneset dhe industrinë”.......
Konflikti për pronën - ERE: Energjia, jo mjet presioni në konfliktet civile
Një konflikt për pronën, qiranë apo përdorimin e një apartamenti nuk duhet të përfundojë me ndërprerjen e energjisë elektrike. Ky është qëndrimi i Bordit të......
“Zanati” fiton terren - 17 mijë nxënës në arsimin profesional
Për vite me radhë, arsimi profesional ka qenë një nga përgjigjet e kërkesës së tregut për punonjës të kualifikuar. Dhe shifrat tregojnë se zgjedhja për një......
Goditje e re për ushqimet - Çmimet rriten nga moti ekstrem dhe luftërat, sheqeri “kërcen” me 12%
Çmimet botërore të ushqimeve u rritën ndjeshëm gjatë gushtit, të ndikuara nga temperaturat e larta, kushtet e pafavorshme atmosferike, konfliktet dhe......
Ekonomia globale nuk ndalet - FMN pret rritje 3% në 2026, por energjia dhe borxhi mbeten shqetësim
Ekonomia botërore po tregohet më e qëndrueshme nga sa pritej përballë goditjes së energjisë të shkaktuar nga lufta në Lindjen e Mesme. Fondi Monetar......
Ekonomitë më të forta të BE - Portugalia kryeson punësimin, ndërsa Irlanda rritjen e PBB
Portugalia po renditet ndër ekonomitë më dinamike të Bashkimit Europian, veçanërisht sa i përket punësimit. Të dhënat më të fundit të Eurostat tregojnë se......
Kanadaja drejt BE-së/ Përplasja tregtare me SHBA-në shtyn Otavën të afrohet me Evropën
Kanadaja po shqyrton një afrim të paprecedentë me Bashkimin Evropian, ndërsa përplasja tregtare me Shtetet e Bashkuara po e shtyn Otavën të kërkojë partnerë......
Nafta, sërish mbi 100 Usd - Sulmet në Arabinë Saudite dhe anijet në Gjirin Persik rrisin frikën për furnizimet
Çmimet e naftës u rritën me më shumë se 2% të hënën, pas sulmeve të reja ndaj infrastrukturës energjetike dhe civile në Arabinë Saudite, si dhe goditjeve ndaj......
